عدى يوم على ورد من بعد ما عرفت ان عندها سرطان... سرطان في الدم... كانت مرعوبه.. بس الكان مخوفها اكتر ازاي هتقول لأهلها و أصحابها... قعدت كتير جدا تحاول تشوف طريقه تقولهم بيها.. قررت انها هتبان قويه و هتعمل حفله على شرف نجاح الشركه.. حفله صغيره يعني فيها الناس البتحبهم و بيهموها.. احتفلوا و فرحوا و بهدوء تام قفلت الاغاني و قلتلهم في الميكروفون في حاجه مهمه لازم تعرفوها كلكوا حاجه غيرت حياتي و شقلبتها حاجه صعب اني متكلمش.. انا.. انا عندي سرطان.. سرطان في الدم و الدموع بتنزل من عنيها مع ابتسامه خارجه من قلب الوجع انا كويسه أو هبقي كويسه كل حاجه هتعدي متقلقش هنعتبروا برد شديد بس الدكتور قلي كده .. و كل دموعهم نازله و مش قادرين يخبوها... روحوا البيت.. و بقلب طيب حنون خدت ورد أكبر حضن من مرات باباها و إسماعيل و هما بيطمنوها و بيقولوا بكل حب احنا هنفضل مع بعض و هنكمل اصل مينفعش حد يسيب التاني .. و تاني يوم كانت أول جلست كيماوي قررت تكون لوحدها مش عايزه حد يشوفها و هي ضعيفه.. عايزه تبان للكل انها قويه واخده كلام الدكتور انه دور برد بس شديد شويه قدام عنيها علطول .. و هيعدي اكيد هيعدي...مفيش حاجه بتفضل كل حاجه في العالم ده وقت حتى العالم ده ليه وقت و هينتهي و نموت كلنا .. راحت شافت المرضى منهم الفي الأول لسه و منهم الخلاص فضله جلسه و لا اتنين و يخف و يرتاح.. شافت الخارج من الجلسه بيتوجع و الخارج مش قادر يدوس على رجله.. بدأت تضعف و تخاف.. بس قالت انا شفت كتير في حياتي.. و استحملت اكيد هسحمل مش هضعف.. ربنا معايا اكيد و مش هيسبني ابدا ... و رغم القوه دي ساعات كان بيجي لحظه ضعف و كانت بتظهر أن كل حاجه مش تمام بس كانت بتحاول تخبيها.
******
YOU ARE READING
ورد
Short Storyهي البنت الجميله.. الفي عنيها لون السما و في شعرها سواء الليل..بنت عاشت حياه بسيطه و فرحت كتير و زعلت اكتر و ناس قربت منها و ناس بعدت عنها.. عمرها ما وقفت ولا يأست كملت حياتها بهدوء و حب.🌹
