ورد

الضعف

و في يوم من الايام مع الشغل و الإرهاق.. حست ورد بتعب اكتر مش مجرد صداع من الشغل.. قلت بكل هدوء عادي هاخد دوا مُسكن و كله هيكون تمام.. روحت و قعدت و من التعب نامت و هي قاعده مكانها حتى مقدرتش تعد مع مرات ابوها و اخوها...مكنتش قادره تتكلم من كتر التعب.. نامت و استريحت صحيت تاني يوم لقت آثار خبطه مزرقه في رقبتها حاولت تخبيها بشوية مكياج عشان تنزل على الشغل.. هي المديره مينفعش تتكاسل و تتأخر لازم تكون قوية.. مكنتش قادره تركز في شغلها.. روحت بدري و قررت انها مش هتروح يومين كده ولا حاجة.. عشان من كتر التعب هي مش قادرة ولا تركز في الشغل و لا في حياتها .. قررت تاني يوم انها هتروح تحلل في اي مستشفى علشان قلبها يستريح.. و فعلا راحت و كانت متوتره جدا و جه دورها و عادي دخلت و حللت و التوتر عندها بيزيد.. الادرنالين بيجري في عروقها و هي قاعده قدام الممرضه بتترعش و خايفه.. خايفه ليكون هو الفي دماغها.. و كانت بتقول لا...لا اكيد مش الفي دماغي استحاله انا لسه صغيره اوي ده انا اربعه و عشرين سنه اكيد مش الفي دماغي.. اكيد لا... روحت بيتها و بكل بساطه بتغسل سنانها بالراحه جدا... بدأت سنانها تنزف بشكل غريب .. الخوف و الضعف بدأ يستحوذ عليها بدأت تضعف و هي خايفه تحكي لحد عن البيحصل  معاها ده.. راحت المستشفى بعد يومين تستلم نتيجه التحاليل و هي بتحاول تطمن نفسها بأي شكل... وصلت و طلعت فوق و قعدت مستنيه زي كل القاعدين معاها و جت الممرضه و هي بتقول{ورد.. ورد محمد عرفات.. اتفضلي يا بنتي} دخلت ورد و هي بتترعش من القلق و الخوف كانت مرعوبه بس قالت انا مش هخاف... دخلت و قعدت... الدكتور ازيك يا ورد.. ورد صح.. قلتله بصوت واطي بيملاه الخوف اه انا ورد ايوه انا.. قلها انا اسف يا بنتي بس بما إن شغلتي دكتور فأنا عايز اقولك حاجه مهمه بس لازم تستحملي و تكوني قوية و اكيد انتِ هتكوني قوية .. قالت و الخوف باين في عنيها اتفضل..انا عندي ايه اكيد شويه صداع بس صح.. قلها لا بس ممكن نتعامل معاه كأنه دور برد بس قوي شويه.. انتي عندك سرطان.. سرطان في الدم.. ورد في اللحظه دي جلها حالة ضحك و مع الضحك عياط.. و قالت هتعدي زي ما كل حاجه عدت ... بس مش عايزه اعدي انا معاها.. هتعدي مش كده.
******