"အားလုံးအဆင်ပြေပါတယ် လူနာအခြေအနေလည်းကောင်းမွန်ပါတယ် လောလောဆယ်တော့ လူနာသတိရတဲ့အထိစောင့်ရမှာပေါ့"
ဆရာဝန်ကမှာကြားစရာရှိတာတွေကို မှာကြားခဲ့ပြီးနောက်မှာ ထွက်သွားလေသည်။
ဆေးအဖြူရောင်သုတ်ထားတဲ့ဆေးရုံအခန်းငယ်လေးရဲ့ ကုတင်ပေါ်မှာတော့ နှာခေါင်းမှာအောက်စီဂျင်ပိုက်နဲ့၊ လက်ကလည်းဆေးထိုးပိုက်တွေနဲ့ ဖြူဖျော့စွာလှဲလှောင်းနေသောညရောင်။ ထိုကလေးငယ်ရဲ့ဘေးနားမှာထိုင်ပြီး လက်ကလေးတစ်ဖက်ကိုဆုတ်နယ်ကာ ကြင်နာမှုပြည့်နေတဲ့မျက်လုံးတွေနဲ့ကြည့်နေသူက ဦးဘုန်း။
"ကလေး နေကောင်းသွားပြီသိလား .... ခုကစပြီးကျန်းကျန်းမာမာနဲ့ကြီးပြင်းပေး ဦးကလည်းကလေးအနားမှာနေပြီး ကလေးကို အသက်နဲ့လဲကာကွယ်စောင့်ရှောက်ပေးမှာ"
ထို့နောက် ကလေးငယ်ရဲ့နဖူးထက် နူးညံ့တဲ့အနမ်းလေးတစ်ပွင့်ခြွေပြီး ....
#####
နယ်စပ်မြို့တစ်နေရာ
"ရဲတွေဝင်စီးရတယ်ဆိုတော့ ဧကန္တ သစ္စာဖောက်ရှိနေတာလား ဟမ်"
ဦးဘုန်းထင်ချင်လည်း ထင်ချင်စရာရယ်ပါ။ နယ်စပ်ကဦးဘုန်းရဲ့စက်ရုံက ပရိဘောဂထုတ်လုပ်တဲ့စက်ရုံဆိုပြီးအယောင်ပြဖွင့်ထားတဲ့လုပ်ငန်း။ နောက်ကွယ်မှာတော့ မူးယစ်ဆေးဝါးထုတ်လုပ်တာအပြင် ဘိန်းစိုက်ခင်းတွေပါရှိသေးသည်။ ဒီစက်ရုံကို ပရိဘောဂစက်ရုံလို့သာအားလုံးကသိထားပြီး ရဲတွေနဲ့ပါအရှုပ်အရှင်းမရှိ။ စက်ရုံနဲ့လုပ်ငန်းတွေကို မန်နေဂျာနဲ့သာအပ်ထားပြီး ဦးဘုန်းကတော့ ရန်ကုန်ကနေ စီမံခန့်ခွဲသည်။
ဒီလိုအခြေအနေမျိုးမှာ ဗဟိုဌာနကနေစာကျလာပြီး စစ်ရေးကြောရေးဝင်ရသည်ထိဆိုရင်တော့ တစ်ခုခုတော့တစ်ခုခုပဲ ....
"မင်းတို့ဘယ်လိုကိုင်တွယ်နေကျလဲ! ဗဟိုကနေစစ်မယ်ထိဖြစ်နေတာ သစ္စာဖောက်ရှိရင် တစ်ခါတည်းလက်စတုန်းမှာနော်!"
ဦးဘုန်းရဲ့သတိပေးစကားသံထွက်လာခဲ့ပြီ။
"စိုင်းနောင် .... အခြေအနေစုံစမ်း မနက်ဖြန်မနက်စစ်ဆေးရေးလာရင်လည်း ဘာဟာကွက်မှမရှိစေနဲ့"
![](https://img.wattpad.com/cover/227824628-288-k179009.jpg)
YOU ARE READING
Stolen Love
Romance[Book 1] Story Genre: Romance, Drama, Action (+Mperg) Age Restriction: 13 years and older Plot: Mafiaတစ်ယောက်က သူ့တရားမဝင်လုပ်ငန်းတွေကိုဖော်မယ့်လူတစ်ယောက်ကိုရှင်းပစ်ခဲ့တယ်... ဒါပေမယ့် ထိုလူရဲ့သားကိုတော့ ချစ်မိသွားရာကနေစတယ်...။ Mafiaတစ္ေယာက္က သူ႔တရား...