"အဲ့ဒီတော့....."
သွမ့်ပိုင်ယွဲ့ ခုထက်ထိ နားမလည်နိုင်သေး။
"ဒီမှာက ထိုင်ခုံစားပွဲလောက်ပဲ လုပ်တာမဟုတ်ဘူး။ လျှို့၀ှက်လက်နက်တွေရော ၊ သစ်သားဓားရော၊ ယန္တရားစက်တွေရော၊ ဒဏ္ဍာရီတွေထဲက လင်လုံစေတီတော်ရောအစုံပဲ။ လမ်းကြားက အဖိုးအိုတွေ စကားပြောနေကြတာ ကြားမိသလောက်တော့ ချိုးရွှမ်ကျီးယန္တရားတိုက်ကို ဆောက်ခဲ့တဲ့ ပညာရှင်ကြီးက ဒီမြို့မှာတင် ရှိတယ်တဲ့။ မင်း ဖျက်ဆီးခဲ့တဲ့ ယန္တရားတိုက်ရဲ့ မူရင်းပုံစံက ဒီမြို့ကနေ ဆင်းသက်မွေးဖွားလာတဲ့ပုံပဲ"
"စကားမစပ်၊ မင်း သဘောကျရဲ့လား..
ဖန်ရှင်းပုလဲကို"အစမရှိအဆုံးမရှိ ချက်ချင်းမေးလာသောကြောင့် ချူယွမ် ခေတ္တမျှ သိသိသာသာ မှင်သက်တွေေ၀နေ၏။ သွမ့်ပိုင်ယွဲ့လည်း အနှင်မခံရခင် ချက်ချင်းပင် ပြောလက်စစကားကိုသာပြန်ဆက်ကာ -
"ချိုးရွှမ်ကျီးယန္တရားတိုက်ကို ဆောက်ခဲ့တဲ့သူ နာမည်က အဖိုးအိုမုချီဆိုတာတော့ ကြားဖူးတယ်။ ဒီမြို့သားမှန်းတော့ မသိဘူး"
" ဒီရက်မတိုင်ခင်မှာ သူ ဒီမြို့ပြန်ရောက်နေကြောင်း ကိုယ်တော် သတင်းရတော့ ဒီမြို့ကို စစ်ဆေးစရာရှိတယ်လို့ပြောပြီး ထွက်လာခဲ့တာ။ ထျဲန်းချာ့ဂိုဏ်းက ခြေတစ်လှမ်းသာသွားပြီး အဖိုးအိုမုချီကို ပြန်ပေးဆွဲသွားပြီ။ ခုထက်ထိ သေလားရှင်လား သတင်းမကြားရသေးဘူး "
"လန်ဂျီးက အဖိုးအိုတစ်ယောက်ကို ပြန်ပေးဆွဲသွားတယ်ဟုတ်လား။ အဲ့မိစ္ဆာမကြီးက ရုပ်ရည်ချောမောပြီး ကျန်းမာသန်စွမ်းတဲ့ ယောကျ်ားပျိုတွေကိုပဲ ဖမ်းသွားတတ်တယ်မှတ်နေတာ"
ချူယွမ်အကြည့်များ သူ့ဆီ ရောက်ချလာသည်။
"ကိုယ် မပါဘူးနော်"
သူက ယောင်အာကိုပဲ လိုချင်တာ။
"ထျဲန်းချာ့ဂိုဏ်းနဲ့နီးစပ်ရာပတ်၀န်းကျင်တွေကို ကိုယ်တော်စုံစမ်းခိုင်းထားတယ်။ သိပ်မကြာခင်မှာ သတင်းတစ်ခုခု ရမှာပါ"
"ဘာလို့ အဖိုးအိုမုချီကို လိုက်ရှာနေတာလဲ။ လျှို့၀ှက်လက်နက်လုပ်ခိုင်းဖို့လား၊ နန်းတော်ထဲယန္တရားကွက်တွေ ဖြေရှင်းခိုင်းစရာရှိလို့လား"
YOU ARE READING
ဧကရာဇ်ဗျူဟာ [Di Wang Gong Lue]
RomanceDi Wang Gong Lue (or) Emperor's Strategy {Myanmar Translation} Author : Yu Xiao Lan Shan
အခန်း - ၁၉ (တာ့ယန့်မြို့)
Start from the beginning