ချူတပ်မတော်၏ ဒုတပ်မှူးမှာ ချောင်ချီဟု အမည်တွင်၏။ သာမန်အချိန်များတွင် ခပ်အေးအေးသာ နေတတ်သော်လည်း ရှန်ချန်းဖန်းအနားရှိသောအချိန်တွင်မူ လုံး၀ပြောင်းလဲသွားပေ၏။
"သူ့ကို ဖမ်းချုပ်ကြ!!!!"
လျိုကုန်းက အေ၀းကနေပင် ချန်းဖန်းအား ဖမ်းချုပ်ရန် အမိန့်ပေးအော်ဟစ်လာ၏။
ချူတပ်သားများမှာ နှစ်စု ခွဲလိုက်ကာ တစ်ဖွဲ့ကို ရှန်ချန်းဖန်းဦးဆောင်ကာ ပို၍များပြားသောတပ်သားအဖွဲ့ကို ချောင်ချီဘက်သို့ အားဖြည့်ပေး၏။ရှန်ချန်းဖန်းက ဓားအိမ်ထဲမှ လက်စွဲတော်ဓားကို ထုတ်လိုက်ကာ အမိန့်ပေးလေ၏။
"ဧကရာဇ်ရဲ့ အမိန့်တော်အရ ပုန်ကန်လာတဲ့လျိုမျိုးရိုးကို ဖမ်းချုပ်ကြ ၊ ဖမ်းချုပ်ခံဖို့ငြင်းဆန်တဲ့လူတွေကို အသေစီရင်ပစ်ကြ!!!!"
"အမိန့်အတိုင်းပါ စစ်သူကြီးမင်း!!!!"
ညီညာစွာ ဟစ်ကြွေးလာသော တပ်သားများ၏အသံမှာ မိုးယံထိတိုင် ပဲ့တင်ထပ်လျက်။
*******
ကျင့်၀မ်လမ်းမကြီးပေါ်ရှိ ကျယ်၀န်းသော
စံအိမ်တော်ကြီးတစ်ခုအတွင်း၀ယ် စံအိမ်ပိုင်ရှင်ဖြစ်သူ ယခုလက်ရှိ ဧကရာဇ်၏ ဆရာ ပုရောဟိတ်အမတ်ကြီး ထောင်လျန်တာမှာ နှစ်ခြိုက်စွာ အိပ်ပျော်သည်။ ထိုစဥ် အပြင်မှ အော်ဟစ်သံများ ဆူညံပွက်လောရိုက်နေသံများကို ခပ်သဲ့သဲ့ကြားရသည်။"စံအိမ်၀န်းထဲ လူသတ်သမားတွေ ရောက်နေပါတယ်!!!! သခင်ကြီး အမြန်ရှောင်တိမ်းသွားလှည့်ပါ!!!!!"
ထိုအော်သံကြောင့် ဘေး၌လဲလျောင်းအိပ်စက်နေသော ထောင်လျန်တာ၏ဇနီးငယ်သည်ပင် ဖျတ်ကနဲ လူးလွန့် နိုးထလာသည်-
"အပြင်မှာ ဘာများဖြစ်လို့ပါလဲ အရှင်"
အပြင်ဘက်တွင် နားမခံသာလောက်
အောင် ဆူညံနေသော လက်နက်ချင်းထိခတ်တိုက်ခိုက်နေကြသော အသံများကို အတွင်းထဲထိ ကြားလာရသည်။ထောင်လျန်တာမှာ အသက်ခြောက်ဆယ်စွန်းမျှ ရောက်နေပြီဖြစ်သော်လည်း မှူးကြီးမတ်ကြီးတစ်ဦးပီပီ နန်းတွင်းထဲ၌မငြိမ်မသက်ဖြစ်နေမှုများရှိနေမှန်းသိရှိပြီးဖြစ်သည်။ စိတ်ကိုလည်း ပြင်ဆင်ဆုံးဖြတ်ထားပြီးသားဖြစ်သောကြောင့် မိမ်ိအသက်ကိုပင် နှမြောဖို့ ကြောက်နေဖို့အချိန်မရှိ။ ဖိနပ်ကိုသေချာစီး ၊ ကုတင်ဘေးနားရှိ လက်စွဲတော်ဓားကို ယူလိုက်ကာ ဇနီးဖြစ်သူနှင့်အတူ အပြင်ကလူစုကို ဖြိုခွဲပြီး မည်သို့ထွက်သွားရမည်မှန်း ကြံစည်နေစဥ် နောက်ဘက်မှ ရယ်သွမ်းသွေးသံသဲ့သဲ့ကို ဖျတ်ကနဲ ကြားလိုက်ရသည်။
VOUS LISEZ
ဧကရာဇ်ဗျူဟာ [Di Wang Gong Lue]
Roman d'amourDi Wang Gong Lue (or) Emperor's Strategy {Myanmar Translation} Author : Yu Xiao Lan Shan
အခန်း- ၁၀ (ကောလာဟလ ပြန့်ပွားခြင်း)
Depuis le début