ယန်ချင်ယင်က ဆေးဘုရင် တောင်ထိပ်တွင် မရှိသောကြောင့် မိုဝူကျီက ဤနေရာတွင် အချိန်ဖြုန်းရန် မကြံတော့ပေ။ သူက ချက်ချင်း ပြန်၍ ပြောလိုက်သည် "ဂျူနီယာ ညီမကို ကျေးဇူးတင်ပါတယ် အခုက ယန်အာကို လာခေါ်ရုံတင်ပါ စီနီယာ အစ်မယန် ပြန်လာမှပဲ နောက်တစ်ခေါက် လာလည်ပါတော့မယ်...."
"ဟုတ်ကဲ့ ရပါတယ် ခဏလောက် စောင့်ပေးပါနော် ..." ထိုမိန်းကလေးသည် ယန်ချင်ယင်ဆီမှ ညွှန်ကြားချက်များ ရထားသည်မှာ သိသာလှ၏။ ထိုစကားကို ပြောရင်း သူမက မြန်မြန် အထဲသို့ ဝင်သွားလေသည်။
မိုဝူကျီသည် ထိုမိန်းကလေးက ယန်အာနှင့် အတူ ပြန်မလာခင်အထိ မိနစ်အနည်းငယ်သာ စောင့်လိုက်ရ၏။ တစ်ချိန်တည်းတွင် သူမက ကျောပေါ်တွင် အိတ်အကြီးကြီး သယ်ဆောင်ထားလေသည်။
"စီနီယာ အစ်မထွက်မသွားခင် ဒီဟာကို စီနီယာဆီ ပေးပေးဖို့ ပြောခဲ့တယ် ...." မိန်းကလေးက မိုဝူကျီကို ထိုအထုတ် လှမ်းပေးလိုက်သည်။
မိုဝူကျီကို ဆေးပင် အနံ့များကြောင့် အိတ်ကို ဖွင့်ကြည့်ရန်ပင် မလိုပေ။ ထိုသည်က ယန်ချင်ယင် သူ့ကို ကတိပေးဖူးသော အဆင့်သုံး ဆေးပင်များ ဖြစ်ပေလိမ့်မည်။
သူသည် ချီသွေးကြောများကို ဆက်၍ မဖွင့်နိုင်သည့်အချိန်တွင် ထိုဆေးပင်များက သူ့ဆီ အချိန်ကိုက် ရောက်လာလေသည်။ သူက မကျင့်ကြံနိုင်ပေ။ ထို့ကြောင့် ဤဆေးပင်များကို အသုံးချပြီး သူ့၏ ဆေးလုံးဖော်စပ်ခြင်း အဆင့်ကို တိုးတက်လာအောင် ပြုလုပ်ရမည်။ မိုဝူကျီက ယန်ချင်ယင်ကို ကြီးစွာ ကျေးဇူးတင်သွားလေ၏။
တကယ်တမ်းဆိုလျှင် သူသာ သူမကို ကြယ်တာရာ ဖြတ်သန်း လှည့်ပတ်ခြင်း ပညာရပ်ကို မပေးခဲ့လျှင်ပင် သူအနေနှင့် ထိန်းသိမ်းထားနိုင်မည် မဟုတ်ပေ။ အခြားအမြင်မှ ကြည့်လျှင် ယန်ချင်ယင်က သူ့အား မေးခွန်း ထုတ်ခံရခြင်းမှ အကာကွယ်ပေးခဲ့လေ၏။ သို့သော် သူမက ကတိကို တည်ကာ အဆင့်သုံး ဆေးပင်များကို ထုတ်ပေးနေသေးသည်။
သူက ပဒုမ္မာကြာ ဓားတောင်သို့ ပြန်ရောက်ပြီးနောက်တွင် မိုဝူကျီက ဆေးပင်များကို မြင်ရန် အိတ်ကို မဖွင့်သေးချေ။ ထို့အစား သူက ဂိုဏ်း၏ စာကြည့်တိုက်ကိုသာ အပြေးအလွှား သွားလေ၏။
ŞİMDİ OKUDUĞUN
လူသားသစ်စာ (Zawgyi version) (1 - 200)
FantastikThis is translation of Immortal mortal .... All credit given to original author and translator Otiginal Author : Goose Five Translator : Kyiphyu ဝိညာဉ်ကြောမရှိလျှင် မကျင့်ကြံနိုင်သည့် လောကတွင် မိုဝူကျီတစ်ယောက် ဘယ်လို ဒုက္ခမျိုးစုံနှင့် ရင်ဆိုင်ရမလဲ...
chapter 102
En başından başla
