"အခုဘယ်မှာလဲ "
ဖုန်းကိုင်လိုက်တာနဲ့ထွက်လာတဲ့အသံကြောင့် နားမှခွာကာ အိပ်ချင်မူးတူး မျက်လုံးတွေကို ဖွင့်ကြည့်လိုက်တော့ ဦးစိတ်တိုဖုန်း....
"အိမ်မှာပေါ့.... ပိတ်ရက်လေ "
"ဒါဆို အကူအညီတစ်ခုလောက်ပေး... ညနေကျရင် Luhan နဲ့ ဆေးရုံလိုက်သွားပေးပါ... ငါအရေးကြီးတဲ့ Meeting တစ်ခုရှိနေလို့ "
အကူအညီတောင်းတာတဲ့ မှတ်တောင်ထားရဦးမယ်.... ။ ဒါမယ့်လည်း သူ့ပိုက်ဆံတွေကို ထိုင်ဖြုန်းထားတဲ့ အငယ်လေး တစ်ယောက်အနေနဲ့ ပြန်ပြီး သိတတ်လိုက်ပါ့မယ်လေ ။
"အချိန်နဲ့နေရာ စာပို့လိုက်... "
"မနေ့ကလည်း နင်ဖုန်းမကိုင်ဘူးနော်... လုပ်ထား... အလှည့်ကျရင်တော့လား"
ပြောချင်ရာပြောပြီး ဖုန်းချသွားတယ်.. ဒါကြောင့်ပဲ လူပျိုကြီးဘဝရောက်နေတာ... ငှက်ပျောတုံးရှာထားပေးရမယ်.. အချိန်က စောနေသေးပေမယ့် မျက်စိကျယ်သွားပြီမို့ အိပ်ယာကထလိုက်ပြီး အပြင်ထွက်လာတော့ အတော်လေးကြာမှ ပြန်ရတဲ့ ကင်ချီဟင်းရည်အနံ့လေး...
"နိုးလာပြီလား.... ဒီမှာမနက်စာလာစား... "
"ကိုကိုက ဘယ်လဲ "
ဟင်းတွေအကုန်ပြင်ဆင်ပေးပြီး ထမင်းဝိုင်းကနေ ထွက်သွားတော့ လှမ်းဆွဲကာ မေးလိုက်တယ် ဆိုရင်ပဲ သူ့မေးစေ့ကို ပွတ်ပြကာ
"ဒါသွားလုပ်မလို့.... "
ကိုကို့မျက်နှာမှာ ဟိုးအရင်က မမြင်ဖူးတဲ့ နှုတ်ခမ်းမွှေး မုတ်ဆိတ်မွှေးတွေ ခပ်ရေးရေး ပေါက်နေသည် ။ အဲ့လိုဆိုတော့ ယောက်ျားရင့်မာကြီးတစ်ယောက်ကို မြင်နေရသလိုပဲ... အဲ... အရင်ကလည်း ယောက်ျားပေးမယ့် ပိုပြီး ယောက်ျားဆန်နေတာမျိုးပေါ့ ။
"ခဏလေး... ကလေးလုပ်ပေးမယ်.. "
သူမလုပ်ပေးမယ်ပြောတော့ Chanyeol က မျက်လုံးပြူးကာ လုပ်တတ်ရဲ့လား သံသယဖြစ်နေတယ် ။
"လုပ်တတ်လို့လား... "
"လုပ်တော့မလုပ်တတ်ဘူးလေ... ဒါမယ့် မြင်ဖူးတယ်.. ဆိုတော့ကာ အဆင်ပြေမှာပါ.. ဘာလို့လဲ ဓားထိမှာစိုးလို့လား "
