الخاتمو ( الجزء الثاني )
مستنقع الذئاب 💖
💖💖💖💖💖💖💖💖💖
بعد مرور ايام.
دلف للفيلا ومنه للمطبخ ليجد أسيل جالسة على الكرسي تأكل البيتزا و علب العصير و اكياس شوكولا و شيبسي مرمية امامها مط شفته و قال :
- ايه اللي انتي عاملاه في نفسك ده و في المطبخ بهدلتيه كله.
هزت كتفها بعدم اهتمام :
- انا باكل مش شايف.
- هه ايه ده بجد تصدقي مكنتش عارف ! و اصلا ايه اللي بتاكليه ده كله مش انا قلت مفيش.....
قاطعته بتذمر :
- نفسي جاية عليهم الله و بعدين انا بغدي ابني كمان يعني الاكل ده لشخصين مش لواحد ، و اهو خلصت و هقوم انظف المطبخ اللي خايف عليه.
نهضت و كادت تنحني لكنه اوقفها :
- استني انا هشيلهم ارتاحي انتي.
حمل الاكياس و نظف المكان و اقترب منها كانت هي تشرب العصير و عندما اصطدم بها اوقعته على قميصه فضحكت عليه.
عبس وجهه و نظر لنفسه ثم اليها قائلا :
- It's Not Funny okey ! ( هذا غير مضحك ) ، انتي وقعتيه عليا قصدا صح عليكي تصرفات غبية.
نفخت أسيل وجنتيها بحزن طفولي :
- بهزر معاك على فكرة متبقاش قفوش اوي كده.
ابتسم ليث و ووضع يده على ارنبة انفها و حركها بخفة :
- مش بقفش يا قمري بس انا جاي تعبان مصدع و مليش نفس اتكلم كتير صحيح هي ماما فين.
- نايمة في اوضتها ، انا عملتلك اكل تعالى تاكل و بعدين ابقى خد دوا عشان الصداع و نام يلا حبيبي.
اومأ بنعم و بعد فترة ذهب لغرفته و دلف للحمام يستحم ليشعر بالباب يفتح فجأة نظر اليها وجدها تستند عليه و تطالعه بابتسامة فقد كان شكله مغري جدا وهو مبلل هكذا خاصة مع خصلات شعره التي تقع على جبينه ، غمزها ليث و اردف :
- تجي تاخدي شاور معايا ؟
ضحكت بخجل و هتفت :
- لا ميرسي خدته من شويا بس حبيت اشوفك و انت في الحمام.
- هههه ده كمان وحم ؟
قالها وهو يضع الشامبو على شعره فأجابته :
- تقدر تقول كده.
- ماشي ياستي.
انتظرته حتى اكمل حمامه ثم لف منشفة حول خصره و اقترب منها جذبها ليلتصق ظهرها بصدره ثم مرر يده على بطنها المنتفخة :
- 6 شهور و البيبي يجي مش هتبطلي شقاوة انتي خلاص هتبقي مامي.
رفعت رأسها اليه :
- و انت هتبقى بابي ولسه زي مانت اهو ، قولي هتبطل تحبني فيوم من الايام.
رد عليها بهمس :
- ايوة..... لما قلبي توقف دقاته.
- بعيد الشر عنك يا حبيبي اا.... شعرت فجأة بالغثيان فوضعت يدها على فمها و انحنت لترجع كل مافي جوفها فزع ليث عليها ووضع يده على ظهرها :
- انتي كويسة.
- امممم كويسة بس ريحة الشامبو قلبت بطني..... انا عايزة انام.
هتفت بها في تعب جلي ليأخذها للسرير و يدثرها جيدا ارتدى ملابسه و استلقى بجانبها يجذبها لأحضانه هامسا :
- بحبك.
💖💖💖💖💖💖💖💖💖💖💖
تمر الايام و تتحول الى اسابيع ممتدة الى شهور طويلة.
تعيش سارة مع زياد حياة سعيدة للغاية ملؤها الحب و الثقة و الحنان بعد ان قضيا شهر عسل خارج البلاد كان حبها في قلبه يزداد يوما بعد يوم و سارة كذلك عشقها يزداد له و ادركت جيدا ان من يحبك سيفعل المستحيل لأجلك لذلك يجب اختياره هو ليجعلك واقعا في حبه احسن من الشخص الذي تحبه انت ولا يبالي بك هو.
نور تعيش مع فارس حياة هادئة بعد تجاوزها لوفاة شقيقها كانت خائفة من ان يكرهها فارس مجددا بعد ان خطف جاسر أخته لكن زال خوفها وهي ترى ولعه و اهتمامه الشديد بكل تفصيلة تخصها لقد وعدها سابقا ان يعوضها عما فات وان لا يحاسبها على اخطاء غيرها وعدها ان يعتني بها وهاهو يفي بوعده الآن.
أسيل تكاد تسبب الجنون لليث من طلباتها الغريبة و تصرفاتها الاغرب حسنا هي لم تكن ذات تصرف جيد من قبل لكن الحمل جعلها افضع مما كانت عليه و بالرغم من هذا هو سعيد معها بعد ان تخلت عن عنادها ولو قليلا فهي عشقه الأبدي التي لا يستطيع العيش بدونها.
جاءت عائلة ليث من المنصورة لتهنئتهما بالحمل و بالطبع جاءت الجدة و العمة مديحة و هذه المرة لم يعاملاها بسوء فهما تعلمان جيدا انهما ستخرجان مهزومتان على كل حال امام هذه الفتاة القوية التي يعشقها ليث حد الجنون ولم يظلا طويلا بل عادتا للديار مع بقية العائلة.
و كثير من قصص الحب الجميلة وجدت طريقا لتدخل حياة ابطالنا بعد عناء.....
💖💖💖💖💖💖💖💖💖💖💖💖
في يوم جديد.
استيقظ من نومه بفزع عند سماع صراخها انتفض و نظر اليها :
- ايه في ايه بتصوتي ليه !!
أسيل بصراخ :
- ااااه ليث انا هولد ااااه.
ليث بلهفة :
- احلفي اقصد يعني بجد قولي والله.
ضربت كتفه بعصبية :
- انت غبي انا بقولك هولد وديني المشفى اااااه.
استوعب الأمر اخيرا ف نهض بسرعة و البسها الاسدال و حملها ليأخذها للمستشفى بعد فترة كان يقف امام باب غرفتها يمشي ذهابا و ايابا بقلق وهو يسمع صراخها ليهمس :
- استر يارب.
لمح فريدة و زهرة و فارس و زياد وزوجاتهم يدخلون و يتقدمون ناحيته و بدؤوا بطرح الاسئلة فقال بضجر :
- يا جماعة انتو ف ايه وانا ف ايه خلينا نستنى حد يطلع يطمنا عليها الاول بس انتو ازاي عرفتو اني هنا ؟
اجابته زهرة :
- اكيد من صويت أسيل بس انا روحت جبت فريدة و الكل و جينا ايه رايك.
طالعها بابتسامة مغتاظة :
- عملتي حلو يا ماما.
همست سارة لزياد بخوف :
- يعني انا هتوجع كده بعد 7 شهور ؟
ابتسم ووضع يده على بطنها :
- احنا ابننا عاقل ومش هيتعبك ياحبيبتي متخفيش.
- هاها طمنتني اوي والله.
فارس بضحكة :
- اهدى يا ليث مش كده انا اول مرة بشوفك قلقان كده.
نور بحدة :
- يعني ايه لو انا كنت مكان أسيل انت مش هتبقى قلقان عليا كده.
نظر لها بغمزة :
- لا طبعا انا هقعد قدام الباب اعيط و الطم وشي ايه رايك.
اغتاظ ليث و قبل ان يتكلم سمعوا صراخ طفل ثم فتح الباب و خرجت الممرضة وهي تحمل الولد في يديها قائلة بابتسامة :
- الف مبروك ولد زي القمر ما شاء الله.
تعلقت الانظار عليه ليحمله ليث بيدين مرتجفتين فهذه اول مرة يحمل طفلا صغيرا هكذا و ليس اي طفل انه ابنه هو وحبيبته ، اخذ نفسا عميقا و اذن في اذنه ليفتح الصغير عيناه.
فريدة بسعادة :
- بسم الله ماشاء الله اول حفيد ليا الحمد لله يارب.
زهرة :
- بص يا ليث لون عيونه زرق زيك.
الممرضة :
- ممكن تدوني البيبي.
اعطاها اياه و سألها :
- أسيل عاملة ايه ؟
- اطمن المدام صحتها كويسة و البيبي كمان هننقلها على اوضة عادية عشان تقدرو تدخلو تشوفوها عن اذنكم.
ذهبت ف احتضنه زياد و فارس ووالدته بسعادة وهم يهنؤونه بعد دقائق دخلوا لغرفة أسيل ليجدوها تحمل طفلها و تقبله ، ابتسم بحنان و قبل جبينها :
- الف مبروك ياحبيبتي.
بعد المباركات خرجوا ليبقى ليث و أسيل بمفردهما داعب انف الصغير هامسا :
- كنان.... كنان ليث الشافعي.
ابتسمت أسيل :
- اسم حلو اوي بس معناه ايه ؟
اجابها وهو يقبله :
- كنان يعني الوقاء و الستر و الغطا ، ربنا قال فكتابه الكريم ( وجعلنا على قلوبهم أكنة ان يفقهوه ) الاسراء الآية 46 ، ربنا يقدرنا و نكون أهل كويسين ليه قولي آمين.
احتضنته أسيل بسعادة :
- آمين ، انا متأكدة اتك هتبقى احسن اب في الدنيا ل كنان.
قبل وجنتها ثم وجنة كنان و ضمهما اليه....
💖💖💖💖💖💖💖💖💖💖💖💖
بعد مرور 3 سنوات.
في احدى المشافي الكبيرة و تحديدا في الطابق الخاص بالأطفال.
انهت فحص الطفل و ابتسمت :
- مفيش حاجة تقلق مغص بسيط بس متاكلش حاجة من برا تاني ماشي يا حبيبي.
الأم :
- والله يا دكتورة أسيل متعبني معاه اوي انا بعمله كل حاجة في البيت بس هو بيحب اكل برا.
ابتسمت أسيل بحنان :
- بص يا حبيبي انت ولد شاطر صح و الولاد الشاطرين مبيتعبوش مامي و بيسمعو الكلام و علشان تكبر و تبقى راجل قوي لازم تاكل حاجات صحية مناسبة لسنك ماشي اتفقنا ؟
اومأ الطفل ببراءة :
- اتفقنا.
فتحت احدى الادراج و قدمت له مصاصة قائلة :
- ديه هدية مني لانك ولد شاطر اهي اتفضل.
اخذها بسعادة و غادر مع والدته بعد ان شكرتها تنهدت أسيل و نظرت لساعتها ثم ذهبت لإحدى الغرف و دخلت وجدت سارة التي تعمل معها كطبيبة اطفال كذلك ف ابتسمت :
- مداومتنا خلصت يلا تعالي نروح عشان نلحق الحفلة.
اومأت لتردف بتعب :
- اه هروح اجيب ندى ( ابنتها ) من ماما و اجهز نفسي عشان حفلة تخرج نور.
أسيل بضحكة :
- فارس عملها حفلة كبيرة من فرحته بالمجموع اللي خدته ربنا يهنيهم يارب.... يلا.
غادرتا المستشفى و ركبتا السيارة اوصلتها أسيل لمنزل والدتها ثم اتجهت للفيلا و اخذت كنان لتذهب الى ليث.
في كلية الطب.
دلفت للحرم الجامعي وهي تتذكر لحظاتها مع ليث هنا ابتسمت بحب و اتجهت لمكتبه و هناك سمعت صوت ضحكات فتيات فطرقت الباب و دلفت.
كان ليث جالسا على كرسي مكتبه و امامه فتاتان تضحكان معه فحمحمت :
- هاي.
انتبهتا لها ف اعتدلتا في جلستهما اما ليث نهض و اقترب منها بابتسامة :
- الله حبيبتي و روح قلبي هنا ايه المفاجأة الحلوة ديه.... معلش يا بنات انا مش فاضي دلوقتي هنلتقي في المحاضرة و اسألوني على اللي عايزينه.
نهضت الفتاة و صديقتها بتذمر و غادرتا فضحكت أسيل :
- مالهم مدايقين كده هو انا جيت في وقت غلط.
قبل شفتها بخفة و اردف :
- لا ياقمري انتي تجي في اي وقت و البنات مكنوش فاهمين كام حاجة في المشروع الجديد علشان كده كانو هنا بلاش حساسية.
ابتسمت ووضعت يدها على لحيته الخفيفة و هتفت ب :
- انا عارفة يا ليثي ومش بتحسس واصلا معاهم حق حد يقعد مع مز زيك و يقاطعوه و ميزعلش ده حتى عيب في حقك.
رفع حاجبه بمكر :
- اممم اعتبرها معاكسة في اوضة مكتبي و بتستدرجيني للرذيلة.
ضحكت و ابعدته عنها بخفة :
- بس خلاص يا مجنون كنان معانا.
بادلها الضحكة و حمله بين يديه و قبله :
- انا بقول يتعلم من ابوه ازاي يتعامل مع مراته في المستقبل.... انتي كنتي فين قبل ما تجي.
- كنت في المستشفى و بعدين روحت البيت غيرت هدومي و جبت كنان وجيت عشان نروح الحفلة سوا.
هز رأسه بتفكير :
- تعرفي اني مستغرب منك انتي كنتي تقدري تبقي احسن من دكتورة اطفال كان ممكن تبقي جراحة حتى بس مش فاهم ليه اخترتي القسم ده.
لفت يداها على عنقه بدلع :
- عشان انا بحب الاطفال اكتر ياحبيبي..... يلا يلا نروح بسرعة.
ابتسم ووضع نظاراته الشمسية و خرج معها وهو يمسك يدها و باليد الاخرى يحمل كنان الذي ورث ملامحه كلها وكل تفصيلة فيه ، كانت الفتيات تنظرن اليهما وكيف ان دكتورهن المفضل يعشق زوجته و طفله لهذا الحد و يتساءلان كيف لفتاة ان تستحوذ قلب رجل هكذا حتى بعد زواجهما و لم تعلم اي منهن ان هذا الحب تعرض لمصاعب كبيرة و تخطاها ليصبح عشقا لا حدود له.....
اقيمت الحفلة مساء في شقة فارس و كانت كبيرة و رائعة بالفعل حضرت فيها صديقاتها و اقاربها ووالدتها ووالدها احست نور بمدى حب فارس لها وتقديره و احترامه الذي لا ينتهي لقد تعب معها كل هذه السنوات لتحقق حلمه اخيرا و تتخرج و تحصل على جائزة افضل طالب ، تنهدت ووضعت يدها على بطنها تتحسس الجنين ذو الشهرين و تستند على كتفه متمتمة :
- انا مش عارفة عملت ايه حلو في حياتي عشان ربنا يرزقني بزوج و حبيب و اخ وصديق زيك لولاك مكنتش هنا دلوقتي نجاحي كله بفضلك.
ابتسم و قبل وجنتها برقة :
- النجاح ده بسببك مجهوداتك و انا كنت مساهم بنسبة صغيرة بس ، انتي اللي حققتي ذاتك و ديه اكتر حاجة بتفرحني و قريبا هنبقى اب و ام حياتي هتبقى كاملة معاكي انتي بس.... بعشقك يا نور عيني.
عند زياد و سارة.
طالعها بشغف هاتفا :
- تعرفي ان النهارده اسعد يوم في حياتي.
- اشمعنا ؟
اجابها وهو يحضن صغيرته ندى :
- زي النهارده من 4 سنين شوفتك اول مرة في الكافيتيريا ساعتها انا فضلت ببصلك بس انتي معبرتنيش.
سارة بحب :
- مكنتش اعرف ان الشاب الرخم ده هيبقى جوزي و حبيبي و ابو بنتي وكل حاجة حلوة في حياتي انا بحمد ربنا كل يوم لانه رزقني بيك... بحبك.
- وانا بعشقك.
عند ليث و أسيل.
كان يقف و يضحك معها حتى اتاه اتصال ففتح الخط بجدية :
- ايوة...... امتى...... ماشي هكون في الميعاد ..... تمام.
اغلق الخط و نظر ل أسيل التي سألته بعبوس :
- مهمة تاني.... مش اتفقنا انك تبطل شغل في المخابرات يا ليث.
اجابها بهدوء تام :
- الواحد لما يلتزم ميقدرش يتخلى عن التزامه وواجبه ابدا صحيح شغلي ك عميل سري كان مؤقت بس الموضوع عجبني واهو بنتسلى و نبعد عن الروتين شويا.
مطت شفتيها بإعجاب :
- يعني الذئب مش هيختفي من حياتنا ؟
ضحك و جذبها من خصرها لتلتصق به :
- مش هيختفي ابدا.... انتي مش بتحبيه.
ردت عليه بعشق :
- مفيش مانع احبه لو كان زيك بس المهم مندخلش في مستنقع الذئاب تاني.
- طول ما انا معاكي متقلقيش هفضل احميكي طول عمري لحد اخر نفس.
أسيل بهمس :
- اخر نفس ؟
اجابها و قد قبلها بقوة ثم ابتعد عنها هامسا :
- اخر نفس.
" حتى ولو كان عشقك يعني الموت.... فسأموت فداءه حبيبتي "
💖💖💖💖💖💖💖💖💖💖💖💖
انتهت الرواية
اتمنى تكون عجبتكم ورايكم فيها
