الفصل السابع والعشرون ( الجزء الاول )
_______________________
صدمت أسيل من كلامه رغم توقعها بأنه سيقوله فهمست بقوة :
- انت اكيد مجنون !! لا مستحيل اعمل كده انت فاكر اني ممكن اطلب الطلاق من ليث تبقى غلطان !!
جاسر بضحكة خبيثة :
- تمام يبقى لازم تشوفي حبل المشنقة وهو بيلف حوالين رقبته ياحبيبتي...... بصي انتي متاخديش قرارك دلوقتي فكري كويس و لعلمك التحقيق مش هيفيد فحاجة انا بس اللي اقدر انقذه من الاعدام حياته واقفة على كلمة واحدة منك واللي هي طلقني.... معاكي من هنا لبكره فكري متستعجليش.
شعرت بالخوف لكنها تشجعت قائلة :
- انسى..... و على فكرة الكل هيعرف انك انت اللي عملت كده.
- ههههه ازاي من خلال المكالمة اللي سجلتيها صح ؟
تفاجأت من معرفته بأنها تسجل حديثهم فتابع :
- هههههه هو انتي فاكرة اني مش عارف باللي بتعمليه انا ضابط على فكرة و طبيعي جدا اعرف كل خطوة بتعمليها انتي او اي حد غيرك ولو فكرتي تدي التسجيل للواء ببساطة اقدر اثبت انه مزيف وان ليث اللي خلاكي تعملي كده عشان ينقذ نفسه و يلبسني التهمة ايه رايك.
جزت على اسنانها بغضب :
- انا مشوفتش حد فحقارتك ابدا !! انت اا......
قاطعها جاسر ببرود :
- من غير كلام كتير نتيجة التحقيق و الحكم هيطلعو بكره و التنفيذ بعد يومين لو مش عايزة تشوفي حبيبك واخد مؤبد او بيتشنق قدامك اطلبي الطلاق و صدقيني هطلعه من اللي هو فيه هستنى قرارك باي.
اغلق الخط والقى الهاتف على سطح مكتبه بينما وضعت أسيل يدها على فمها تشهق ببكاء و تردد :
- لو ليث طلقني هموت من القهر.... انا مبقدرش اعيش من غيره مبقدرش انا هعمل ايه دلوقتي لو نتيجة التحقيق مكنتش لصالحه هيتعاقب وكل ده بسببي.... يارب ساعدني.
______________________
مرت تلك الليلة صعبة على الجميع وحل الصباح لتصعد الشمس محتلة السماء مشرقة على بعضهم و مظلمة على البعض الاخر.
في مركز المخابرات اخرج العساكر ليث و اخذوه لغرفة التحقيق كان اللواء ووكيل النيابة و الضباط مجتمعين دخل و رأسه مرفوع وملامح وجهه باردة لا تظهر ما يفكر فيه ابتسم جاسر بخبث بينما ردد وكيل النيابة برسمية :
- بعد التحقيق لقينا ان التهم والدلائل الموجهة ضدك كلها صح و اسمك مذكور فجميع الشبكات المخترقة و مساعدك الايمن اعترف عليك ضابط ليث.... عندك كلام تقوله ؟
غمغم ليث بصوت قاتم :
- بما انكم شايفين تني بجد المذنب ف انا معنديش حاجة اقولها.
اللواء بجدية :
- يعني انت بتعترف ب انك مشترك في المنظمة الاجرامية يا ليث ؟
لم يجب عليه فصاح زياد بانفعال :
- ليث قول حاجة دافع عن نفسك احنا عارفين انهم عاملين مؤامرة عليك وعايزين يلبسوك اطلع من هدوؤك وقولهم ان ملكش دعوة.
