الفصل التاسع والعشرون : قسوة
______________________
نظر لها ليث مطولا وشعر بأنه في دوامة اغمض عيناه بقوة ثم فتحهما وقال :
- لأ مش هسيبك انا هكمل الزواج ده يا أسيل.
تعجبت من كلامه وفي نفس الوقت شعرت بالسعادة لكنها اجابته بحدة :
- ليه ان شاء الله مدامك بقيت تكرهني عايزنا نتجوز ليه ها مش انا بنت كذابة و بخبي عليك ليه بقى عايز تكمل ولا انت مخطط تنتقم مني مثلا..... اقولك حاجة انا اللي هنهي العلاقة ديه لاني مش هطمن على نفسي بعد ما بقيت بالقسوة ديه.
جز على اسنانه و فجأة امسكها من كتفيها ودفعها على الحائط و التصق بها هامسا :
- مش بمزاجك على فكرة هنتجوز يعني هنتجوز حتى لو غصبا عندك اما على قسوتي ف انا حذرتك من بداية علاقتنا انك متكذبيش عليا ولا تعملي حاجة غلط عشان مضطرش اوريكي وشي التاني بس انتي مسمعتيش الكلام استحملي بقى اللي هيحصلك.
ابتسمت بسخرية وقربت وجهها منه مردفة بتحدي :
- قولتلك مليون مرة ان اللي حصل و اللي عملته كان غصب عني بطل تلومني كل شويا ولو فاكر اني هخاف من تهديداتك تبقى غلطان انا مبخافش من حد واكيد انت عارف شخصيتي كويس .
رفع ليث يده و مرر اصبعه الابهام على وجنتها برقة ثم انتقل لشفتها لتغمض أسيل عينيها من سحر هذه اللحظة..... اخفض ليث رأسه و همس امام شفتيها مباشرة :
- مسيري اكسرلك غرورك و تمردك ده يا أسيل.
ابتسمت بخفة :
- مش هتقدر.... صدقني مش هتقدر انت اصلا اكتر حاجة بتحبها فيا هي غروري يا.... فتحت عيناها وتابعت :
- My Hasbant.
رفع حاجبه بإعجاب كالعادة من كبريائها لكنه رسم البرود على وجهه و قال :
- هنشوف.... يلا اقلعي.
اتسعت عيناها بدهشة :
- افندم ؟
اشار برأسه للفستان وقال :
- اقلعي الفستان اكيد مش هتروحي وانتي لابساه.
- ها اه ماشي اانا هقلع بس اطلع لو سمحت.
قالتها بارتباك وهي تلعن عقلها على تفكيره الأحمق طالعها ليث ثم تحرك وقبل ان يخرج استدار اليها ليجدها تقف امام المرآة و تحاول فتح سوستة الفستان لكنها لم تستطع ابتسم و اقترب منها و عندما رأته هتفت بتوتر :
- في ايه ؟
لم يجبها بل امسك كتفيها و ادارها لتقابل المرآة و يظهر انعكاسهما عليها مد يده و ابعد خصلات شعرها و امسك السوستة و فتحها ليرى ظهرها العاري..... تلون وجه أسيل بالأحمر القاني و شعرت بنبضات قلبها تكاد تخرج من شدة عنفها و سرعتها تنحنحت وهمست بصوت متحشرج :
- م م ميرسي...... صدمت عندما رأته يمرر يده على ظهرها برقة فشهقت و التفتت اليه :
- تقدر تطلع انا هلبس هدومي و اجيلك.
حمحم وعاد للخلف وهو يتنفس بعمق خرج من الغرفة ليجد منال فقال لها :
- الفستان عجبنا هناخده.
