رفع اللواء يده مشيرا له بالسكوت ليقول :
- بما ان الاثباتات كلها ضدك وانت معترف قررنا انا و النيابة انك تتحول للسجن و هتاخد اعدام.... و تنفيذ الحكم بعد اسبوع.
انتفض زياد وبقية الضباط بينما رمقه جاسر بشماتة لكن مع ذلك لم يرف له رمش و ظل واقفل بشموخ غير منصدم ولا متفاجئ من القرار او هذا ما يعتقد..... اخذته العساكر و ذهب جاسر معهم بعد مدة كان يدخل للزنزانة وملامح وجهه لم تتغير فابتسم الاخر و دلف اليه قائلا :
- غريبة انت ليه مش خايف يا ذئب انت هتتعدم بعد اسبوع من دلوقتي !!
مط شفته بتهكم وتمتم :
- المجرمين هما اللي بيخافو من العقاب انما انا مبخافش من الموت عشان انا بريء و انت عارف ده كويس..... مش انت اللي لفقت القضية ديه ولبستهالي ؟
ضحك جاسر و اردف :
- تصدق انا رغم اني بكرهك ومبطيقكش بس معجب بذكاءك انت فاهم كل اللي حواليك.... الا حاجة واحدة.
لم يعلق على كلامه بل اظهر عدم المبالاة اراد جاسر استفزازه فهمس :
- مراتك أسيل اللي بتحبها و بتموت فيها.... على فكرة بنت بالجمال ده لازم تعشقها لانها مبتتعوضش.
جز على اسنانه وقبض على يده بعنف حتى ظهرت عروقها رمقه بعينيه الحمراوتان وفي غضون ثواني كان يقف امامه ليمسكه من ملابسه هامسا :
- اوعى تجيب سيرة مراتي على لسانك الوسخ يا *** أسيل خط احمر بتقدر تستفزني بكل حاجة الا هي !!
قهقه جاسر و قال :
- ههههه اااه لو تعرف اني مش بس جبت سيرتها على لساني..... انا خليتها تحبني وتحضني وبمزاجها كمان.... انا هو حبيبها اللي مرضيتش تقولك اسمه يا ليث.
انصدم مما يقوله وهمس :
- انت كداب.
ازاح يده بقوة واجابه :
- لا انا مش بكذب انا و أسيل بنعرف بعض من يجي 3 شهور وكانت حبيبتي وانت اكيد عارف اللي حصل بيننا..... و لعلمك كمان اتفقت مع أسيل انها تطلق منك و بعدين نتجوز انت عارف هي مش عايزة تبقى أرملة ضابط خاين و نضطر نستنى 4 شهور و 10 ايام عشان نتجوز اصل....
قاطعه ليث بلكمة عنيفة وهو يصرخ :
- اخرس يا حيوان ازاي تتجرأ تتكلم كده على مراتي !! دفعه على الحائط و وضع يديه حول عنقه يخنقه بعنف و يزمجر :
- يعني انت الحيوان اللي خدعها و رسم عليها انه بيحبها و خلاها تعيش كوابيس و اوهمها انه اغتصبها.... أسيل قالتلي كل حاجة عنك بس مرضيتش تقولي اسمك و يمكن انا عارف ليه عشان مأذيكش بس للاسف نهايتك هتكون على ايدي انا هقتلك عشان ارتاح كده كده هموت يعني مش فارقة.
حاول ابعاد يديه عنه لكنه لم يستطع بدأ لون بشرته يتحول للون الازرق دليلا على الاختناق فردد بصعوبة :
- انت فاكر انك لما تقتلني هترتاح...... أسيل هتكرهك جدا وهتفضل تكرهك حتى بعد موتك لانها بتحبني انا وبس و عمرها ما حبتك يا ليث... انا...
لم يستطع اكمال حديثه بسبب اختناقه ضغط ليث عليه اكثر لكن فجأة دخلت العساكر عندما رأوا ما يحدث و ابعدوا ليث عنه وهو يصرخ :
- سيبوووني.... انا لازم اقتله انا هقتل الحقير ده ابعدو عني !!!
الحلقه (27) الجزء الاول
Start from the beginning
