الحلقة 52و الاخيرة :
ضحك ..جبدها لحضنو عصرها بين ايديه.باسها من راسها...
-انت احلى حاجة عشتها في حياتي...(بعدها عليه يغزرلها في عينيها) ..انت ملكت احساسي رسيل...ندعي لربي ازيدني عمر باش نعوضك عالي فات الكل...
شدو ايدين بعضهم و دخلو صادمين على رجال برهان ...واحد ورى واحد ..يا وياويلو الي ايجي قدامهم...
______________
-وسيم تتهورش ...رجالي الكل مالين البلاصة ... و تعرف الي الجماعة كان مت انا موش باش يستنو لحظة بعدي و يقتلوك....
-ششششش (حط صبعو على فمو)... متضيعليش تركيزي نحب نتفنن في الي باش نعملو...
قدملو ...وخر يحبي على ساقيه...زرب خطواتو ..بعدلو ساقيه على بعضهم و صاح باالقوي ...
-ميرااا غطي عينيك..
خبات وجهها تحت الملحفة ..وووواب هز السيف وووو (انقطع البث 😂😂)…
صااح صيحة قوية ..و تقطع بعدها صوتو ...ما خرجتش راسها من تحت الملحفة...ترعش بكلها...تضحك و تبكي ....فرحانة و خايفة....يغزر للدم الي اشرشر منو و مستمتع..شايخ بالي عملو...طفى نارو ...روى عطشو...تلفتلها ...طيح السيف في القاعة....قدملها بخطوات رزان...قعد عالفرش...بعدت الملحفة شوية ...تغزرلو بعينيها..تبسملها تبسيمة تسحر...نڨزت حشات راسها في حضنو ...و اطرشقت بالبكاء...حاوطها بايديه...
-اس ما تبكيش...كل شي وفى تو ...
بعدت عليه هزت ايدها تتحسس في وجهو..نزلت على شفتها و تكلمت بصوت مخنوق. ..
-ضربوك ..انا السبب ...
-ههه يا مهبولة انت كنت باش تعطي اغلى ما عندك على خاطر...ما فمتش مجنونة و لا مجنونة...
ضحكت و تكلمت بالشوية...
-ما نكون كان مجنونة هههه...وسيم انا..
حط ايدو على فمها...
-انا نحبك و نعشق دين والديك..
عينيها لمعت و الفرحة طيرتها لسابع سماء ..عودت نڨزت عليه تحمل فيه....
بعد مرور شهر......
قاعد في الفرش عينيه عالباب ...المساجين حسهم يغلي افلّق الراس ....اليوم النهار الي يستنى فيه...توحشها و باش يراها....اخيرا باش يخرج ...شهر محبوس بين 4 حيوط...و نورمال كلو اهون في خاطر خوه....سلّم روحو في عوض خوه ....لبس التهمة وحدو...الي شافو خوه يزيه ...فرحلو برشا الي لقاه بوه..لقى سند يتكى عليه في غيابو هو ..هو اكبر منو و هو قادر يصبر اكثر منو....موت برهان عمل شوشرة في البلاد ...و كان باش اضر بمركز منذر ..و الجماعة الامريكنا ما سامحو وسيم كان ما خذاو صقر معاهم...تبنواه كعميل من الانتربول متاعهم...تعويض لخسارة برهان و كمقابل باش ينغضاو على خيانة وسيم و ميرا....
تحل الباب و دخل واحد ڨدع و طويل..دور عينيه عالشومبر كاملة...مشى بخطوات واثقة ...عيط لكبرون الشاف متاع البيت...طبس عليه و عطاه اشارة باش اوصل الرسالة لصقر...ستوى قعدتو يستنى فيه يوصلو...قعد بجنبو و تكلم بصوت خافت...
-صحيبنا الي تستنى فيه وصل ..قوم ادخل للتولات تو يلحق عليك...
هز ايدو طبطبلو على كتفو..
-عيشو خويا ....(وقف) ربي افك سراحك صاحبي
-عيشك ..في لامان خويا....
شيع عينيه غزرلو غمزو باش يلحق عليه...و مشى للتولات.....
___________
(بعد مرور يومين )
واقفين في المطار يستانو في الطيارة تهبط ....حط ساقو عالارض ...هبط ...اكركر في الفاليز...يمشي في عقلو ...متوجع من الضربة الي في جنب....قدمتلو تجري على فرد نفس تنطرت حملتو ...صاح بالقوي ...تفجعت و وخرت لتالي..
-سامحني يا روحي سامحني...
هز ايدو حطها على خدها..
-ميسالش قزمونتي...ايجا عندي توحشتك...
رجعت حملتو بالشوية..حمحم و تكلم...
-نورت امريكا صقر....
مدلو ايدو اسلم عليه
-عيشك ...منورة بيكم..
-انشاء الله تكون لباس ...الله غالب هاكي الطريقة الوحيدة الي نجمنى نهربوك بيها من غير ما تتعاقب بالقانون التونسي...
-هههه نعرف...نورمال ايامات و نبرى..
-على كل مرحبا بيك في المنظمة متاعنا...
-و بيك شريكي .....
*النهاااااااية* ❤❤❤
تستعرفو كملتهالكم يلاه جام لبنات ورايكم تعيشو متنسوش جام علة حلاقات اذا قدرتو 💜💜💜💜💜💜💜💜💜💜💜💜💜💜
YOU ARE READING
كرونيك : 💕بنت الحي💕
Mystery / Thriller#منقولة كرونيك سهرة اليوم💋💋❤❤❤💋 الكروو بعنوان ❤بنت الحي❤ ************ الحلقة 1: "ستعلم يا ظلوم اذا التقينا ..عند الاله من الظلوم..اما و الله إن الظلم شؤم..و مزال المسيء هو الظلوم..الى ديان يوم الدين نمضي..و عند الله تجتمع الخصوم ..ستعلم يوم الحسا...
