الحلقة 39
يمشي و هو محملها بعد ما لفها بكلها و غطاها من عينين رجال وسيم...خرجو من طريق البحر و دخلو في وسط الغابة...قربو للفيلا..قدمو شيرة كرهبتو الي ماركية في الڤراج..جبد ايدو منها و قالها حل المان...قدمت خطوتين ...هزت ايدها و حلت المان...هزت حاجبها و ضحكت ضحكة شريرة...قربلها من تالي ..حمّلها و تكلم في وذنها...
-نحبك تحاسبني بجلدو...
حكت كفوف ايديها على بعضهم ...متشوقة للي باش تعملو....
-تهنى حبييي....
بعد عليها و خطفو من رقبتو امشي فيه داخل بيه للفيلا...يمشي و هو مكتف من ايديه..عينيه مغمضة و اطرجم بالروسي...يرعش بكلو خايف من صقر...يترجى فيه اسامحو....هبط بيه للقبو ..طيشو عالقاعة ...دار صب كاس باش يشربو ..رجع جبد كرسي و قعد عليه....ضحك على جنب و غزر لرسيل ...طيشلها بوسة و قالها
-اكشششن...
نڨزت عليه ...وقفتو ...هزت ساقها و دزتو شيرة الطاولة الي في وسط القبو...جبدت كرسي و لطختو عليه...حلتلو عينيه..يغزرلها مفجوع و مفاهم شي...طبست قابلت وجهو ...و تكلمت بكل ثقة في النفس...
-Wolcame to hell...(مرحبا بيك في جهنم)
حل عينيه مصدوم ...تلفت لصقر الي قاعد الساق عالساق مستمتع بالعرض...ترجاه باش اسامحو ..هز صبعو و حطو على فمو ...اشارة ليه باش يسكت...جابت مسامر و حطتهم على الطاولة ...حلتلو ايديه و كبست عليهم..ركحتم عالطوالة....تحرك باش يهرب....بحركة خفيفة جبد فردو و جهولو ...عملو بيه حركة باش يركح...بلع ريقو و رجع يغزرلها اتبع فيها شباش تعمل..طلقتلو ايديه عالطاولة ...هزت المسمار الاول وواب غرستهولو في ايدو...صااح على طول صوتو ...زاد غرستلو الثاني في ايدو لاخرى....شواتو و ذوبتو...وقفت و سيبتلو ايده ....طاح فاشل من الوجيعة في القاعة ...طبست عليه كركرت لشيرة التابلو اللوح الي معلق في القبو (تفكرتوه 😹😹) ...ربطتو عليه...رجعت جابت سطل ماء و كبتو عليه ...شهق و فاق من فشلتو....هزت حاجبها و ضحكت فرحانة بالي تعمل فيه..تفكرت الرعب الي مكنها كيف خطفوها رجالو...زادت نقمت عليه ...جبدت خيوط الكرون....و ڨدحتهم على بعضهم....صاح بالقوي مفجوع...
-no no pleez am sory ...pleez no ..
قدمتلو بخطوات سريعة و ضربتو بالكرون على بدنو المبلول بالماء.....
خلاتو لين زراق و فحم...بدنو الكل اخض و هو اصيح متعذب....وقف وقدملها ...حط ايديو على جنبها...و دخل ايدو لخرى لجنبو...خرج منو فرد ...طلع ايدو من جنبها لكتفها...حط وجهو في رقبتها يدحنس عليها...شدلها ايدها و خلالها فيها الفرد...تكلم في وذنها اوشوش....
-دشنلي فردك الجديد قزمونتي...
ضحكت على جنب ...هزت الفرد و ضربتو بكرتوشة في راسو بالضبط...كملت قطعت عليه اخر نفس في حياتو... دورها ليه...جبد السلسلة متاعو الي فكهالها...قربها ليه لبسهالها...حط جبينو على جبينها و تكلم بصوت حنين ...
-حبيت نرجعهالك مع اخر نهار تدريب ليك...عمري ما حبيت ندخلك في هالحكايات ...اما الله غالب الظروف فرضت وجودها علينا..سامحني رسيل..مسختلك ايدك...دخلتك لدومان كبير عليك...
قصت عليه كيف حطت ايدها على فمو....
-ششش ...طريقي هو طريقك...عالمي هو عالمك...صقر انت تكمنلي ...بلا بيك انا منسواش...مستعدة نقتل مرة و ثنين ..و الف مرة على خاترك...
هز راسو و باسها بوسة مرصوصة بكلها معزة على جبينها...تنهد و تكلم...
-ليوم باش نهزك تشوف امك و بوك....توحشوك...
-بالحق اخيرا باش تخرجني من الفيلا هههه
-ههه مبقاش نخاف عليك تو ...
نڨزت عليه حملتو فرحانة ...طبس و خطفها من حزامها ...حطها فوق كتفو خارج بيها من القبو و هو يتكلم...
-ايا فيسع ...كمل عاون ميرا و حظر روحك باش نمشيو..
طبست راسها باستو من رقبتو
و تكلمت بتزعبين ...
-وينيهي "واضح" ليوم!!!
ضحك و صاح بالقوي ...
-واااضح ...
-هههه واضح يا عمري.....
يمشي و ايجي في بيروه ...عامل اجتماع بكافة الضباط الكفوءين عندو....منرفز و حالتو حليلة...
-فهموني ...كيفاش ما قدرت تعرفو حتى معلومة علىيهم...وين مشاو بعد ما هبطو من الطايرة...وين استقرو...لازم نتبعوهم لحظة بلحظة....اكيد باعثينهم باش يقتلو وسيم.....
-سيدي ...عاملين مجهودة باش نلقاوهم...اما عندي خبر ليك موش باش يعجبك...
دارلو منرفز...
-السيد وزير الداخلية عرف الي وسيم اكون ولدك...و جبد القضية من بين ايديك.....
-شنوة معناها خرجوني باش يفضالهم الجو و يقتلولي ولدي..اه و الله لا يحلمو بيه اكا النهار...مصدقت ربي لقيتو انا...
يغزر من وجه لوجه ....يلقط في المعلومات الكل...يحفظ في درسو باش اصبو مبعد لعرفو...تحل باب البيرو و دخل المساعد متاع منذر...
-سيدي...الاربعة ترحكو و رجعو لنشااطهم...
-اخييرا...(تلفتلهم) ايا كل واحد اشد خدمتو نحب تقرير مفصل على دخلاتهم و خرجاتهم و خاصة وسيم...منحب حد اضرو لا انتم و لا جماعة الانتربول...مفهوم ...
-مفهوم سيدي
قامو الكل ....ندالو باش يرجع يقعد..
-عمر...استمى حاشتي بيك....
تبخ و تفجع ...شمها قارصة و خاف لا اطيح على راسو ..بلع ريقو و رجع قعد...
-ساجد و بدر...شعاملين..هدوءهم موش مطمني...صارتشي لقاءات بيناتهم...
-ساجد عندو جمعة مالي خرج من الكلينيك و ولا قادر انو يمشي على ساقيه بعد الرصاصيتين الي كلاهم من عند صقر....و بدر (سكت شوية) ...بدر مفاماش ريحتو...مسافر برا البلاد ..
-اممم فهمت ..باهي تنجم تخرج...
وقف عدل كوستيم ...و خرج و هو يتخرطف من الكبسة الي كلاها...سكر الباب وراه و زرب في خطواتو خارج من الاقليم...طمان الي حد ما يسمع فيه....هز تالفون و تكلم...
-مسيو بدر...ساجد خرج من الكلينيك و الجماعة رجعو نشطو ...شنوة تامرني
-..........
-حاضر مسيو....
ŞİMDİ OKUDUĞUN
كرونيك : 💕بنت الحي💕
Gizem / Gerilim#منقولة كرونيك سهرة اليوم💋💋❤❤❤💋 الكروو بعنوان ❤بنت الحي❤ ************ الحلقة 1: "ستعلم يا ظلوم اذا التقينا ..عند الاله من الظلوم..اما و الله إن الظلم شؤم..و مزال المسيء هو الظلوم..الى ديان يوم الدين نمضي..و عند الله تجتمع الخصوم ..ستعلم يوم الحسا...
