كرونيك : 💕بنت الحي💕

1⃣2⃣

الحلقة 12
حلت باب بيتو بالشوية ..دخلت شطر راسها اطل عليه...راقد على كرشو لابس كان شرط و غامم راسو بالمخدة...بلعت ريقها و كملت دخلت..قدمت لشيرة الفرش بخطوات هادية..قعدة بجنبو تتامل فيه...طبست عليه ..غمضت عينيها و خذات نفس طويل من ريحتو...دخدرت و ذابت..هزت ايدها و بالشوية عداتها على كامل الوشام..مبهورة بيه..غامض و قوي كيف مولاه..حيرتو لمست ايدها حل عينيه مفجوع و من غير ما يشعر خطفها من ايدها جابها تحتو..
-صقر..
-رسيل ..شتعمل في بيتي ؟؟
تبسمت حشمانة ..وجودو فوقها و نفسو في وجها خلاها ترعش بكلها..
-توحشتك جيت نارى فيك..
حس بقلبو تخلع ..هو بيدو متوحشها..لكن وجودها في بيتو و فوق فرشو..و تحديدا تحتو و بين ايديه ..خطر عليها ..ماهوش ضامن روحو شنو يجم يعمللها...بعد عليها فيسع ..وقف من الفرش ينفخ..جبد مريولو يلبس فيه..
-رسيل ..اخر مرة تدخل لبيتي بالطريقة هاذي واضح....(صاح عليها)
هبطت راسها مبخوسة ..فسد عليها فرحتها بشوفتو..تكلمت بصوت مخنوق تخبي في غصتها..
-و..اضح
-وقتاش تقرى ليوم ؟؟
-14h
-باهية ملا تو نتعدا نوصلك و نمشي نخدم على روحي..و تو اخرج خليني ندخل ندوش..
قامت فيسع و خرجت ...اول ماساقها تحطت برا بيتو ..دموعها هبطو شلال..هبطت في الدروج هاربة لدارهم..عرضها بوه خارج من من بيتو..
-رسيل ؟؟
وقفت مهبطة راسها ..هزت ايدها و مسحت دموعها فيسع..
-عسلامة عم مصطفى شحالك ليوم..؟؟
-رسيل شبيك تبكي بنتي ؟؟
-اه ..لا ..لا مانيش نبكي عم مصطفى..دخلتلي تفشة في عيني..
-متكذبش عيش بنتي..قلي كان صقر عملك حاجة و الله نخولك حقك منو..تكلم عيش بنتي..
اطرشقت بالبكاء ..
- قتلي امي حياة برا اطلع لبيتو فيقو...و كيف فاق لقاني عندو..عيط عليا و قالي مبقاش تدخل (تحكي و تشهق)
قرب منها يهدي فيها...عدى ايدو على شعرها تبسم و تكلم ...
-رسيل ..ولدي و نعرفو ترييت ايدي..ما وصل قالك هاكا كان خايف عليك..هو احبك و احب احافظ عليك ..اعذرو عيش بنتي..
حشمت من كلامو..وجهها حمار و وذانها زنزنو..حس بيها كي دخلت بعضها..حب انسيها في الحكاية..
-ايا ايجا نعلبو طريح شكبّة عندي برشا مغلبتكش..
مسحت دموعها و ضحكت..
-ههه المرة هاذي انت باش تخسر ..بابا علمني اللعب الصحيح...
-اي اي اا تو نشوف ...
كمل دوش ..حظر روحو ماشي يخدم بعد ما يوصلها للفاك ..لبس شرط دجين فيه ضربة صغيرة من الركبة..و مريول نص في البلو vert و معاه بسكات في نفس اللون..برفن و ركح شعرو و خرج..تعدا لدار رسيل هزها و مشى اوصل فيها للفاك...ثنية كاملة مهبطة راسها مغششة منو..شادة تليفونها تلهي في روحها بيه....فد منها كيفاه مطفيتو عرفها الي هي مبخوسة من فازت البيت...هز ايدو خطفلها التلفون ..هزت راسها تغزرلو..حطو في جيبو و تكلم ببلادة...
-كنبدا معاك تسيب كل شي و تتلهى بيا رسيل..
-صقر رجعلي تليفوني..
دور وجهو عليها و كمل يمشي عادي...
-صقر ..قتلك رجعلي تليفون ....نستنى في ميساء باش تكلمني..
-رسيل عندك ساعة حڨرة ..امشي و انت ساكتة..
بوزت شفايفها و نفخت بغزول..
كملو طريقهم ساكتين وصلت قدام الفاك ..جات داخلة طول من غير ما تتكلم....جبدها من ايدها ..جات في صدرو ..هز ايدو اعدي فيها على شعرها..قرب لوذنها يحكي معاها...
-نعرف الي انت مغششة مني..اما اعذرني رسيل ..راني خايف عليك من روحي...شادد روحي بالسيف عليك ..وعدتك نحافظ عليك و ما نضركش ..عاوني عيشك..باش نوفي بوعدي..
كلامو سلطنها ..ذابت و غرقت في ريحة ..هزت ايدها دورتهم على ظهرو..نسات حتى انها في الشارع..تكلمت بصوت حنين
-خلينا نعرسو صقر ..
ضحك على هبالها مع انو كلامها فرحو و طيرو لسابع سماء ...بعدها عليه بالشوية...هزلها ايدها باسها ..
-انشاء الله قزمونتي ...عن قريب متخافش ..(تنهد) ..ايا تو برا ادخل خليني انا نمشي مبقاش بكري عليا..
تبسمتلو و دارت دخلت للفاك...
داخلة و الضحكة مالية فمها .. لمحت البنات صحابها يمشو قبلها بخطوات..زربت خطواتها و ندات لميساء..
-ميساء ..ميساء استنى..
تلفتت ميساء و البنات لخرين وقفو يستناو فيها....دخل ايدو لجيبو يجبد في باكو الدخان ..لقى تليفونها في جيبو..ضحك على جنب ..
-هالطفلة بهذلتلي شيرتي...هه ملا قزمة..