كرونيك : 💕بنت الحي💕

4⃣4⃣

االحلقة 44
ول شجرة عرضتها ...نڨزت تخبات و راها...تتسلحب و تخبى من بقعة لبقعة لين وصلت لورى المزرعة...وقفت قدام الباب الي يفصل الكوجينة عالجنينة ....طلت من البلار مشافت حد ...نحات مريولها ..لفتو على ايدها ...هزتها و دخلتها في البلار كسرتو....
_______________
هزها و حطها من الفوق اللوطة...نزل على سنيه و اكبس على ايديه ...غمض عينيه اهدي في روحو موش حابب يتناقش معاها و هو في هاذي الحالة...دخل و لطخ الباب...تعدا من قدامها و فاتها...اتبع فيه بعينيها ...قدمت فيسع لاحقة عليه...شدتلو ايدو و دورتو ليها...
__________________
طالعة في الدروج تجري...طالعة طول لبيت نوم بوها...في مخها خاجة برك انو عرس و مقالهاش و اخبي في الموضوع عليها...حلت الباب ملقات شي ...هزت حاجبها مستغربة ...نفخت فادة و رجعت سكرت الباب ...دورت حزامها هابطة...سمعت حس صوت ضعيف ...يتكلم اما بصوت متقطع ...رجعت تلفتت لشيرة البيت الي في اخر الكلوار..البيت الي عاملينها للضياف..ضيقت عينيها ..قلبها تخطف ..قدمت بخطوات رزينة...الصوت عمال ما يوضاح..صوت انين و واحد يتوجع...قربت اكثر حطت ايدها على الكوبة باش تحل الباب....
__________________
تلفتلها رابط عينيه تشعل شعلان...كل عضلة في وجهو تتحرك وحدها ..توصف في الحالة الي هو فيها...كبس روحو و تكلم بصوت رزين..
-رسيل تاعب و نحب نرتاح...
-صقر ...شبيك ..شنو الي اخلى وجهك مقلوب هكا...(شادتلو ايده و تحكي )
-رسيل فك على ...اخطاني مانيش في صحنى تو..
صاح بالقوي و نتر ايدو منها.. دار مكمل طريقو طالع للبيت...
حلت عينيها مصدومة الي كانت خايفة منو لقاتو...
-شكيت فيا صقر !!! (قالتها بصوت ضعيف و حزين)
وقف ..ساق في الدروج و ساق في القاعة...دور راسو شطر دورة رمقها بنظرة من غير ما ينطق حتى حرف...الدنيا الكل مشات و جات بيها..قلبها طااح بين ساقيها ...دار بكلو و رجع خطوات ليها.. وخرت خطوة مفجوعة...
________________
حلت باب البيت بالشوية..طرشقت عينيها في المشهد الي قدامها...راجل كبير في العمر ...ممدود في الفرش ..بدنو كليو خيوط ..و ألات الاكسجين معلقة في فمو..يإان و يتوجع...مرا كبيرة تساعد فيه و تعدلو في قعدتو...شهقت فرد شهقة...حطت ايدها على فمها تعبر على صدمتها ...ياما شافتهم في التصاور عند عمتها...ياما حكاتلها عليهم و على عشرتهم....عمتها لاخر لقاء ليها معاها و هي تحكيلها على طيبتهم و محبتهم...تلفتولها الزوز يغزرو ...الطفلة الصغيرة الي خلاوها لحمة ملفوفة ...كبرت و واقفة قدامهم..قداش تبعو اخبارها من الصحافة..قداش كانو اشبهوها لعمتها...زين و عين ..متثقفة و ذكية و اهم شي بعيدة كل البعد على بوها.....
وقف مع رجوع خطواتها ..شاف الخوف في عينيها...تنهد و هدى روحو..رجع بخطواتو لتالي...تكى عالحيط ...ساق مثنية عالساس و ساق مطلوقة...كتف ايديه يعزرلها. ...ببرود. ... أما داخلو نار لاهبه. ... بركان يتفافى باش يفيض. ... قلبو ممغوص و روحو لاهبه. ... يعزرلها بعين الصقر. .. يستنى فيها تبرر لعملتها. ... رغم ياثق فيها. ...لكن طبع الرجل الشرقي ديما الغالبه. ..ديما محتلتلو رجوليتو و كيانو. ... تنطر وطلق وقفتو. ...وقت شاف دموعها هابطين يزغرطو. ... قدم ناحيتها... طول حط يدو على خدودها كبس على سنيه ... و نزل عليها...تكلم بصوت منرفز
_ما تبكيش. ..سمعت ولا ..نبهتك باش ما تبكيش. ..
بوزت شفايفها...هزت ايدها و نطرتلو ايدو. ... و ملصت روحها بالشوية من يد الثور الهايج. ...
وخرت بعدت عليه غزرتلو في عينو تلوم فيه بعينيها ......حاولت ترجع دموعها ...لكن ما قدرتش و تطور الأمر لبكية قوية بالشهقة.... هزت ايديها و بدات تحكي و تعبر كلام.. ممزوج بوجيعه. ..بقهرة. ...
_خليني نبكي. .. ... خليني نطفي النار اللاهبه فيا و في جواجيا. ... تعرف حاجه؟ ... علاقتنا وقت تبنات.. تبنات عالثقه .. قلت صقر هو الوحيد الي يفهمني في هالدنيا. ... هو الراجل الي اختارو قلبي و اختارتو روحي. ...وانت شعملت؟... وبكل بساطه ... خونتني. ... طلعت غالطه وقت خممت الي انا تربيت يديك. ... و الي يربي يعرف شربّا. ...سمعت ولا ؟؟
واقف مصدوم...حالل فمو داهش في الحالة الي هي فيها...
قدمتلو ..وقفت قدامو...تكلمت بصوت كلو غش...
شبيك ساكت تكلم؟؟ .... تي تكلم ..
تحكي معاه و تضرب فيه على صدرو. ... تلاشات القوة الي تعلمتها. ... إضمحل الصمود ألي صنعتو. ... خاطر و بكل بساطه الحب ما يعرفش القوة. ...