كرونيك : 💕بنت الحي💕

2⃣7⃣

حلقة 27
ثنية كاملة تبكي و تشهق ..دموعها محبوش اكفو..محشية روحها في الكرسي مفجوعة و خايفة منو...في وذانها كان كلام وكيل الطمهورية وقت قالها رجالنا نلقاوهم مقتولين...تو تأكدة من صحة كلامو..تشوات و تقهرت ...حتى كيف دخلت تتجسس عليه حبت انها تلقالو اعذار... تلفت يغزرلها...كحلها سايح و فمها اطربق على بعضو ...راشقة عينيها القدام و ترعش كالفلوس...حب اخليها تخرج من الصدمة الي فيها..تكلم بصوت واطي و حنين...
-رسيل ..
كلمة برك منو ...خلاتها ادور بكلها و تهز ايدها تضرب فيه بكل عرق جهد فيها.....
-قتال ارواح صقر...هكا وليت..هاكا لفلوس شعلمتك..اه ...خسارتك و خسارة رجوليتك...
خلاها تفرغ غشّها فيه...لا تحرك و لا تكلم...ضربتو لين قالت يزي..تعبت و تهدت و خرت تكات عالكرسي منهارة...كملو ثنيتهم ساكتين...كان صوت شهقتها كاسر الصمت بيناتهم....وصل قدام الاوتيل..راكو رجالو كراهبهم ...وقف حتى هو و دار يغزرلها من فوق اللوطة نفخ فادد من الروب متاعها...محبتش تتعدالو فازتها..كسوحية راسها باش تهبلو...تلفت لتالي باش امّد عالمونتو متاعو الي ديما معلقو في الكرهبة....جبدو و هبط...دار لشيرتها حلّلها الباب ...دخل ايدو للكرهبة و جبد papieé ...حط ايدو على وجهها و بالشوية مسحلها المكياج السياح...طبس عليها...رعشت ..غزرتلو في عينيه خايفة منو ..
-قتلك قبل منحبش نرى دموعك...و هاني باش نعودهالك ..اخر مرة نشوفك تبكي ...وااضح
مجاوبتوش ..محبش يضغط عليها الي شافتو مكانش ساهل عليها...شدلها ايدها وقفها ..دورلها الكبوت على كتافها...شاخ كيف لقاه طويل و مغطيلها ساقيلها....حط ايدو على كتفها و مشاها معاه..تمشي و تغزر للكراهب الموجدين ....رجال لابسين بالاكحل منتشرين في كل بلاصة ...قلبها تقبض..كل شوية تتاكد انو صقر بالحق من المافيا...دخلت معاه للوتيل و هي خايفة من الي جاي .....
قاعدين في الطاولة ...المطعم فارغ ما فيه كان هوما الاربعة و معاهم المترجم واقف بجنب الشاري الروسي...رجالو و رجال ساجد و الروسي ..مالين البلاصة..دورت عينيها عليهم...منظرهم خوفها و رعبها....قاعد الساق عالساق..في فمو سيڨار و في ايدو كأس شراب احمر ادور فيه ...كلاها بعينيه...موش فاهم شبي حالتها هكا و موش فاهم علاه جاية للاجتماع....عينيه تنقلت بينها و بين صقر الي كان واضح انو مغشش من غزرة عينيه....رجّع عينيه ركزهم عليها.....خشمها صغرون احمر..عينيها تلمع و رجعو خضر غامقين .. فمها المرسوم رسمان ..عينيه تركزت على صدرها الظاهر من الروبة ..حس بالرغبة تحركت فيه...ضحك على جنب و عض شفتو....مرّكز مع كل غزرة من غزرات ساجد ..فد و تجنن منو كيف شاف الفازة الي عملها....كان موش خاطر والديه في العراض راهو قتلو من اكا العام و شرب من دمو...كبس على ايدو و هز ايدو لخرى اشاور لواحد من رجالو...قدم يجري و في ايدو ساك رسيل...حطهولها قدامها...هزت راسها تغزرلو...
-رسيل ..نحب الcopie الي قتلك عليها...
هزتلو براسها من غير ما تنطق ....اصلا لسانها تعقد و بكشت...حلت الساك و جبدت الدوسيات مدتهملو...خذاهم منها..جبد نفس هدّى روحو بيه و تكلم...
-هاذم العقود متاع الكراهب الي باش تشريهم ..و الي فيهم باش نهرب الDiamon ..
شرق ساجد من الكاس الي كان يشرب فيه..حل عينيه على وسعهم يغزر لرسيل كيفاه داهشة و مصدومة من الي قالو...كبس روحو وتلفت يغزرلو..تكلم اضيع في الحكاية..
-صقر..ههه diamon و تهريب فاش تحكي (غمزو بعينو باش الم الموضوع قدام رسيل)
-ساجد ..متخافش ..رسيل ما تشوفش ..ما تسمعش..و ما تتكلمش..(تلفتلها) موش هكا رسيل...
-اه ..
قالتها بالشوية...هبطت راسها بمعنى ايه...هز راسو و غزر للمترجم ...
-ترجملو..
______________
ساعات الاجتماع تعدات رزينة عليها....سمعت كل تفاصيل العملية ..وقتاش و كيفاش باش تّم...وقف الروسي ..وقف هو و عدل كوستيمو.....مد ايديهم سلمو على بعضهم..ودّعو و مشىى مع رجالو...
دار يغزر لساجد..طبطلو على كتفو ...ضحكلو و هو اغزل عليه...
-كيما تفهمنا ملا ..غدوة 8h تكون الكراهب حاضرة باش تتعدا عالديوانة..
تلفت لرسيل..
-هيا..
وقفت..دار خارج..شدو من ايدو و وقف..طبس يحكي بحذى وذنو...
-ليوم انت باش تمشي و خليها...عيب تخلي خوك بشهوتو...
كلب ..فور..هبل...جهل و عينيه ظلمت...كبس على سنيه قريب اكسرهم....نتر ايديه منو...حط عينو في عينيه...
-الي في مخك مستحيل توصولو...ابعدها احسنلك..
ضحك باستهزاء..
-علاه..تكونشي حاببها صاحبي..سيبك عليك الي كيفها ..متاع ليلة و عدّي..
ساي مبقاش فيه ..هز ايدو و عطاه بونيا نطرتو لبعيد..تلطخ في القاعة و الدم اشرشر من فمو و خشمو...حطت ايدها على فمها تخبي في شهقتها..خطفها من ايدها و خرج اكركر فيها وراه....