كرونيك : 💕بنت الحي💕

2⃣6⃣

الحلقة 26
واقفة مصدومة...مصدومة من طريقة دخولو لبيتها و مصدومة من الي صار ...موش صدقة الي اول بوسة ليها كانت بالقوة و الغصب و انو لثاني مرة يراها خارجة من الدوش و هي العريان فيها اكثر من المغطي...هزت ايدها و بالشوية عدات صوابعها على شفايفها...سخان باش اطرشقو...قلبها دق و ايديها رعشت ....غمضت عينيها تستنشق في ريحة برفانو الي خرج و خلاها باش تعبي البيت....ترسمت تبسيمة خفيفة على فمها...جاء على بالها كلامو و هو اهدد فيها عاللّبسة..حلت عينيها ..كبست ايديها تغزل عليه...قدمت خطوات لشيرة الفرش خطفت الtailleur رجعتو في الدريسنغ متاعها...حطت صبعها على خدها..و ايدها تلعب بيها على شعرها....تخمم شنو باش تلبس...تحب تقهرو و تقتلو بالعرق ...شافت روب في النوار...ايديها بالدونتال .. عريناة شوية من صدرها ...و من لوطة كوير ..قصيرة برشا....جبدتها خلاتها على جنب..جبدت السشوار كملت شيحت شعرها بيه...اختارت اكسسواراتها و poutse نوار واصل للركبة باش تلبسو مع الروب...عملت المكياج كيما وراتها هزار..لبست روبتها ..برفنت و هزت بوشاتها في ايد...و في ايد لخرى هزت ساك الخدمة متاعها....حلت باب البيت و خرجت...لقات زوز رجال واقفين قدام البيت..تكلم واحد فيهم بصوت خشين يرعب كيف منظرو...
-مسيو صقر يستنى فيك في الكرهبة...تفضل..
عمللها بايدو باش تمشي قدامو..مشات بخطوات واثقة من روحها و من الي تعمل فيه..خرجت من الوتيل ..شاقت كرهبة ليموزين كحلة ...حلت فمها تعشق فيها...قدّم واحد من الرجال فيسع حللها باب الكرهبة...للحظة دخلت بعضها كيفاش باش تعوّد تراه بعد الي صار في البيت...لكنها فيسع ما استجمعت ثقتها في نفسها...قدمت و خطوتين ...و طلعت ...
قعدت في الكرسي و عينيها على رجالو الي قاعدين قدامهم....متجرأتش حتى انها تغزرلو...حست بيه تحرك بجنبها....ضربها نفسو في خدها...يبست و عكشت..بقات جامدة في بقعتها...قلبها ادق في الالف...حاولت قد ما تقدر انها تتصنع القوة و تتصرف بالامبالاة...
-تحبني نقصلك ساقيك ملا؟؟؟
تكلم بالشوية و بدم بارد عكس البركان الي قايم فيه...ضحكت على جنب و دورت وجهها تغزرلو...
-انت حاول و شوف انا شنعملك..
قالتها بكل عناد و صحة راس...بعد عليها جبد سيڨار شعلو..خذا منو نفس و تكلم..
-اطلع بدل..
-لا
-رسيل ما تهبلنيش..قتلك اطلع بدل..
-و انا قتلك لا ..ما دخلكش فيا..
-عجبتك معنها سىاقيك عرايا و صدرك ظاهر من الشوليقة الي لابستها..اه تحب ر.. الرجال تبلحق عينيها فيك...(اصيح عليها )
ڨرنت حواجبها الزوز..عوجت فمها كتفت ايديها و تكلمت بعناد..
-و شكون قالك موش عاجبتني غزرتهم...؟!!
تلفتلها هابل..موش مصدق الي سمعو منها جاء يتكلم قص عليه صوت واحد من رجالو الي قاعدين معاهم في الكرهبة....
-مسيو صقر ..نجمو نتحركو ..راك بطيت على موعد الاجتماع..!!
حس بالبركان الي فيه تفجر..قصانو على كلامو خلاه يتجنن عليه...و زادو غش على غش..دخل ايدو لجنبو ...جبد الفرد و من دون سابق انذار عطاه كرتوشة بين عينيه...حلت عينيها ..صوت الكرتوشة صدعلها وذنيها...طاحت جثة الراجل قدام ساقيها...مزالت مصدومة من هول المشهد...قربلها اكثر و تكلم تحت وذنها..
-هذايا عقاب الي ميسمعاش كلامي...اعطيتهم اوامر باش ميقص حد على كلامي.. و هو خالف امري...
صاحت على طول صوتها...كلامو اكدلها الشي الي شتفتو...طرشقت بالبكاء ...بكلها ترعش و تفبري ...حست بروحها باش ادوخ حلت باب الكرهبة و ديراكت رجّعت (حشاكم)..ايدها بردت و وجهها صفار ...تبكي و تشهق ..تلفت لرجال لاخر الي راسو من القاعة ما هزوش..
-اهبط جيبلي الكرهبة البورش..
قالها و رجع راسو يغزرلها كيفاه ترعش كالفلوس...بدنها في الكرهبة و راسها البرا ...حس بروحو تسرع كيف تصرف هكا قدامها..مكانش حابب انها تعرف انو قادر يقتل عباد من غير ما ترفلو عين ...تنهد بالشوية.. هز ايدو و حطها فوق كتفها..مشاها و جابها احاول اريحها...
-لباس (سألها بصوت ضعيف)
هزت ايدها مسحت فمها ..دزتلو ايدو بكتفها...دارتلو و هي متقززة منو و من لمسة ايدها...غزرلها داهش في حالتها...وجهها اصفر ليمة...جبينها عارق و عينيها حمر جمر ....فص عينيها زاد فتاح و لمعت البكية عليهم زادتها جمال على جمال...تكلمت بصوت ضعيف يرعش ..
-مجر..م ....نكرهك...
قربلها باش اهديها.. ولات تصيح و تبكي..
-سيبني ..ما تمسنيش...انت ساقط ..حيوان ..متخافش ربي ياخي ..حرام عليك...حراام
بعد عليها فيسع...الحالة الي هي فيها ما تساعدش باش يحكي معاها و اهديها...خلاها تبكي براحتها....سمع حس تشخيرة كرهبتو ..حل الباب و هبط ...دار لشيرتها..جبدها من ايديها بالسياسة و كركرها وراه...تمشي مسلمة موش قادرة تخمم و الا تتكلم...حل باب كرهبتو ..ركبها و دار ركب هو ...قدمو كراهب رجالو قدامو و وراه ...ديمارو و مشاو للوتيل الثاني وين باش اصير الاجتماع..