و من غير سابق انذار خطفو من مريولو و دور ايدو على رقبتو ...بطريقة حصرلو بها راسو تحتها...
-عجبتك؟؟..شللت عينيك ماهو ؟؟..تحب نفقدهملك تو ؟؟(يتكلم و نازل عليه)
واقفة مصدومة تغزرلو يخنق في الطفل و يضرب فيه..سرحت تعشق في كل حركة يعملها.. مسخفهاش حتى الطفل الي ياكل في الضرب في جرتها...سمعت حس امها و بوها و هوما خارجين احزو فيه ..فاقت على وضعها....بعد عالطفل قدر في والديها الي يجبدو فيه لكن مزال احس في روحو مغلغل عليه..دار يغزرلها مغشش..شافها كيفاه راسمة ضحكة متاع تبهليل على فمها... زاد جهل عليها..تلفت لبوها يحكي معاه و العصب اهز فيه و ينفظ ..
-اسمعني عم (سكت كيف معرفش اسمو)
-علي ولدي علي...
خذا نفس اهدي في عصابو ..وطى في صوتو وكمل تكلم ...
-اسمعني عم علي...وصّي بنتك تنقص شوية من الدبش لقصير..هوني الذيوبة في كل دورة ..و انا موش موجود ديما باش نسلكها منهم..
هزت حوابها الزوز موش عاجبها كلامو..نفخت فادة ..و تكلمت بغزول ...
-اسمع انت يا سيد ..مقلك حد ايجا و اعطيه طريحة ..كانك انت تتفافة بعظلاتك عليا ..نعلمك الي انا منغزرلكش بشطر عين ..تفهم فيا و لا نزيد نفهمك اكثر...
-رسيييل (عيط عليها بوها)
-با...
-ادخل للدار تحرك..
بقات واقفة تغزر من وجه لوجه ..موش صدقة الي بوها عيط عليها في جرتو..طول عمرها دلولتو و عمرو ما عيط عليها كي كون حتى بالشوية ..فيسع ما هبطت دموعها ...
-رسيييل سمعت شقتلك ولا؟؟(عود عيط عليها)
تهزت و تحطت ..دارت و دخلت تجري للدار ...
ESTÁS LEYENDO
كرونيك : 💕بنت الحي💕
Misterio / Suspenso#منقولة كرونيك سهرة اليوم💋💋❤❤❤💋 الكروو بعنوان ❤بنت الحي❤ ************ الحلقة 1: "ستعلم يا ظلوم اذا التقينا ..عند الاله من الظلوم..اما و الله إن الظلم شؤم..و مزال المسيء هو الظلوم..الى ديان يوم الدين نمضي..و عند الله تجتمع الخصوم ..ستعلم يوم الحسا...
