كرونيك : 💕بنت الحي💕

3⃣6⃣

الحلقة 36
رجعت و وقفت قدامها..."احلى صباح ...لاحلى قزمونة في الدنيا......(مشيت باش نطمان على الجماعة في دار وسيم ...باش نروح مخر خاطر عندي خدمة ليوم)....نحبك رسيل💋💋".....ترسمت تبسيمة على فمها من الطرف للطرف ...شاخت على منظر البوسات الي راسمهم...و كلمة نحبك زادت طيرتها لسابع سماء...تفكرت ميرا...شهقت و رجعت فيسع دخلت تحت الدوش...عملت دوش بالخف سخنة بيه بدنها....لبست سيرفتاتمون في نوار باش تنجم تتحرك في التدريب متاعها....و خرجت تجري راسها اعلى من ساقيها....هبطت للجنينة تلوج عليها بعينيها... بعينيها...ملقاتهاش ...حطت ايديها في جنابها...و تكلمت بغش....
-افف تقلي في ايدك دقيقتين و تتغبر السخطة...
سمعت حس تزفيرة ...تلفتت وراها...شافتها واقفة في اخر الجنينة...واقفة في وسط زوز كلاب berjé alment ...شادة واحد عالايمين و واحد على الاسار....ضحكت على جنب ضحكة شريرة ....و صااحت على طول صوتها....
-رسييييل.....وريني اكي الجرية..
ووواب سيبتلها لكلاب باش يلحقو عليها...
واقفة مصدومة موش مصدقة الي ترى فيه....زوز كلاب جاينها و ريڨتهم سايلة عليها....لا نجمت تتحرك و ترد الفعل...خافت عليها عرفتها تفجعت و تكونسات ...هزت فردها و ضربت رصاصة في السماء......
-رسييييل...تحرررك اجري
شهقت و حلت عينيها مستوعبة للي ترى فيه...دارت و عطات على ساقيها بالجري.....خارج اكركر في كرسي وراه...سيڨارو في فمو و كاس قهوة في ايدو...اختار بلاصة في الجنينة اطل على الشيرات الكل...رخات بدنها كيف شافتها بدات تجري باقصى ما عندها...هبطت ببدنها لوطة باش تهز العظمات الي باش تعود تستدرج بيهم الكلاب و توقفهم....بقات مطبسة و هزت روبتها رجعت فردها لبلاصتو ....وقفت و على هزت راسها...قابلتها عينيه...غزرتو الثاقبة ليها خلات موازين قلبها تتقلب و تعصف بقوة في داخلها....تبسمتلو بالشوية...غمزها بطرف عينو و عض شفتو يتبولد عليها...شيعتلو حاجبها و ڨحرتلو تتزعبن...سمعت صوت رسيل الي تجري و تصيح...
-ميييرااا ...وقفههم ...ميييرا ياااا كللللبة وقفهم...
ضحكت على طول صوتها على كلامها و شاخت غلى منظرها و هي تكثح و تجري....زفرت للكلاب ...وقفو تلفتولها الزوز..هزت العظمات و شاورتلهم بيها...ووواب رجعو يتجارو ليها نڨزو عليها ...يلعبو معاها...و هي شايخة ضحك ...ضحك على ضحكتها من غير ما يشعر...فاق على روحو..نفخ و عدل في قعدتو...خذا نفس من السيڨارو و تنسى الي حس بيه كيف شاف ضحكتها...تلطخت في القاعة...تبوس فيها و تعود..
-الحمد الله..مامتش .. يا ربي ما متش....
نفضت دبشها و قدمتلها ...وقفت فوق راسها ...طبست خطفتها من ظهرها قومتها من فوق الارض...
-قووم ...قووم شعندك ريت...قتلي كلبة ملا...ههه ايجا ..شوف الكلبة شباش تعملك...
وقفت و هي فاشلة....تسب و تلعن في ميرا الي شايخة عليها ضحك....ماشية بيها لوسط الجنينة....تلفتت لوسيم تحكي معاه...
-وسيييم ....على شنو نتخاطرو !!! متفوتش 3 دقايق...
ضحك ...طيش السيڨارو في القاعة و عفص عليه...حط ايده بجنب فمو و تكلم بصوت عالي باش تسمعو ...
-كان ربحت نخرجك نحوس بيك و كان ربحت انا نطلب منك الي نحب ...رسيييييل متحشمنيش نحبك تتحمل عاااد
تغزر من وجه لوجه مفاهمة شي ..على شنو قاعدين يطاخترو الله و اعلم..و شنو عندها تتحمل زادا الله اعلم ...
وصلت لوسط الجنينة بالظبط...شافت برميل كبير معبي بالماء....شهقت و درات تغزر لميرا....
-متقلييش....
-نقلك اا روحي نقلك...
قدمتلها فيسع و خطفتها من رقبتها...وووواب غطستلها راسها في وسط البرميل....
تغزر لمنڨالتها تحسب في الوقت ...و رسيل تغفق ما بين ايديها.... زراقت و الماء دخل في رواريها...فرفطت بساقيها و ضربت على البرميل بايديها الزوز...سيبت ايدها منها ...تلفتت تضحكلو ..
-حضر روحك للمحواسة...ربحت
طاحت لتالي على ظهرها....ايديها على صدرها تكح و تعود...حلت عينيها ...ترعش بكلها بالبرد ..خشمها احمر و خدودها زادا حمر...هزت راسها تغزرلها....
-شرييرة ....
ضحكت و طبست عليها..قربتلها عالاخر...سندت روحها عالارض بمرافقها...وخرت راسها لتالي هاربة منها...هزت حاجب و هبطت لاخر...تبسمت و صاحت في وجهها....
-جااااتك الغولة...
تهزت و تنفضت...فدت منها عالاخر...موش مصدقة انو طفلة اصغر منها تتحكم فيها و عاملة من عذابها صنعة....كان موش خاطر لبارح وصاها صقر باش تسيارها لمصلحتها...راهي قامت فشختها بطريحة....وقفت و تلفتت لوسيم ....
-نستحق مڨرونتك وسيم...
-غالي و الطلب رخيص...
صفق بايديه ...قدم واحد من رجالو يجري ...امرو باش اجيبها
...لمعت عينيها بالفرحة...تكلمت ملهوفة...
-باش تعلمني نضرب بالسلاح...
دارتلها تضحك ببلادة..
-لا باش نحيلك شوية الخوف الي فيك...
جاء الراجل يجري مدلها المڨرونة...خذاتها منو هزت صبعها لقدام و تكلمت....
-وقفها بحذا الشجرة هاكي..
هزلها براسو ...حط ايدو على حزامها امشي فيها...تكلمت و هي تمشي و تتلفتلها...
- و الله يا ميراا اصبر حتى ايجي صقر و اا تو نقلك ...