الحلقة 32
نوقز تالفونو ...بعد عليها يلهث...مرهوج و دايخ من الاحسايس ااي طغات عليهم...جبد روحو منها بالسياسة..وقف متوجه لشيرة ال portemonto
...دخل ايدو في الفاست متاعو ..جبد تاليفونو و رجع وقف قدام الشباك....لملمت على روحها...حطت ايديها على خدودها تتحسس في الوهج الي خارج منهم...ضحكت و خرجت نفس قوي ...تهدي في دقات قلبها....مدت ايدها و جبدت الشوميز متاعو من القاعة ...لبستها تغطي في الdeux piéces الي لابستهم....هبطت راسها حشمانة..اخر حاجة كانت تتوقعها انها تولي تتعرى قدامو...لكن و هي معاه تنسى الدنيا و ما فيها...تغيب و تغرق في بحر هواه ...حمم بصوت قوي و تكلم و هو راكز و واعي مالي اقول فيه....
-عشيري...
-.....
-لباس... لباس..(طل مالشباك)..اي وصلو مريڨل عيش خويا..
-.......
-اسمعني وسيم نحبك تمشي لدار رسيل ...و تهز امها و بوها لدارك ...وجودهم في الحومة خطر عليهم...
-.......
سمعت حكاية امها و بوها...نڨزت وقفت بينو و بين الشباك...تكلمت بكل لهفة و خوف...
-و ميساء و وليد ...اكيد تو يوصلولهم كيف ما يلقاوش امي و بابا...
ضحك على جنب عض شفتو ..و كمل يحكي مع وسيم...
-وسيم باش تلقى وحدة من الحاكم معاهم في الدار و اكيد ماهيش موجودة وحدها ...هز رجالك معاك ..و تعدا لصاحبي و مرتو ...تو عم علي اوريك دارهم ..هوما زادا حياتهم في خطر....
-.......
علق التلفوين ...قربلها خطوة لقدام وخرت لصقت في الشباك..دورها من حزامها قابلها بشيرة الجنينة متاع الفيلا الي اطل عليها الشباك....قربلها و عنقها من تالي..حط دقنتو على كتفها و تكلم..
-باقي بصنعتك ...نبقى ديما نحمي فيك و في صحابك..(هز راسو ادغدغ فيها بخشمو على رقبتها)
-اناا وقتاش ...
-ههه نسيت 8سنين لتالي كيف فشخت لوالد على خاطرك انت و صاحبتك..
شهقت بالشوية..
-لتو تتفكر صقر
-نتفكر يا روح صقر ..نتفكر كل كلمة و لحظة عشتها معاك في احلى شهرين من عمري...
ذابت من كلامو..هزت ايديها حطتهم فوق ايديه الي على كرشها...
-صقر كيفاه عرقت الي وليد معرس بميساء..
تنهد و جاوبها...
-صحيح بعدت عالحي ...اما بقيت نتبع في اخبار كل واحد فيه...و اولهم انت ...عشت معاك كل يوم .بضحكاتك و بكياتك ..و مشاكلك مع ولاد الحوم(خشن صوتو) و الي باش نحاسبك عليهم ..
ضحكت بالشوية ...
-و نهون عليك
-اااه...غلبتني ..
بعد عليها و دار ماشي للتابل دو نوي..طبس هز مفتاح كرهبتو ..و تكلم
-لازم نمشي ....عندي قضية اكيدة...انت باش تبقى هون ..و متخافش رحال وسيم خويا معبين البلاصة هوما الوحدين الي نوثق فيهم ...حتى رجالي منأمنلهمش...تستحق حاجة قلهم ايحيبهوالك..
-صقر ..وسيم باش ايجيبهم موش هكا...
-تهنى وسيم امهر قناص في البلاد و ما يصعب عليه شي..و على فكرة انت باش تقعد هوني خاطر باش تتدرب على ايديه...لازمك تكون قوية ...نعرف الي ساجد موش باش اعديهالك بالساهل....
هززت راسها بمعنى باهي..رجعلها بخطوات سريعة طبس باسها من راسها و خرج ...
راكب في كرهبتو... اسطول متاع كراهب تمشي وراه...رجالو الكل على استعداد ..يستناو في اشارة منو..وصل للحي ...ركا كرهبتو في بلاصة مهجورة بعيد عالعين..جبد الفرد متاعو عمّرو...هبط و عطى امر لرجالو باش ينتشرو و احاوطو الحي ....كان متأكد من وجود الحاكم في الحومة ...رسم الخطة متاعو مع رجالو...خبى الفرد متاعو في جنبو ...دار و دخل للزنقة متاع حي...يمشي بخطوات واثقة ...عينيه دارت على كل زاوية من تراكن الحي..تبع الطريق الي وصفهولو صقر...لمح الدار في طرف الحي ...حط ايديه في جيابو اتلف في الجرة....قدم و خطوة بعد خطوة كان واقف قدامها...دق الباب ...تحل و خرجتلو و هي حاطة الفرد في رقبة ام رسيل...
-شكونك شتعمل في الحي..(تصيح عليه..خبر وصولو جاها قبل ما يدق الباب)
-ششش ...ما ننصحكش رجالي الكل محاوطين البلاصة ...
تكلم بصوت هادي واثق من الي اقول فيه.....ضحكت على جنب..
-الشرطة الكل دايرة بالحي و برجالك الي فيه..هز ايديك الفوق..تحرك..
هز ايديه باش احطهم ورى راسو...حركت عينيها تلوج على رجالها الي في السطح المقابل من دار رسيل...هبط ايدو و بحركة سريعة ...خطفلها ايدها و لواها لتالي ...طيحت الفرد من ايدها صاحت متوجعة...وخرت امو رسيل هاربة ترعش...نڨزت تحمل في رجالها مية بالخوف...جبد فردو ..قربها ليه و حطو على راسها...دار خارج من الدار ...تلفت لبو رسيل يحكي معاه...
-متخافوش انا من طرف رسيل و صقر ...تبعوني حياتكم في خطر...
-كيفاه..انت شكون...و.
قص عليه..
-موش وقتو تو..حكاية طويلة تو تفهمكم عليها بنتكم..وليد وينهي دارو..؟؟
-اول النهج الدار الاولة...
-باهي تبعوني ...(دزها قدامو و مدور ايدو خانقها من رقبتها)تحرك قدامي...
خرج قدام الدار ...شاف فما حركة في الحي ..ضرب رصاصة
في السمااء و صاح بالقوي...
-كل واحد اشد دارو...تحركووو
دخل لكل مرعوبين...
-سلم نفسك المكان كلو محاصر..نكرر سلم نفسك...
هز راسو للسطح الي مقابلو ...نزل عالفرد فوق رقبتها...
-تتهور نقتلها...هبطو سلاحكم...
-قتلك سلم نفسك الشرطة مالية البلاصة..اح
ВЫ ЧИТАЕТЕ
كرونيك : 💕بنت الحي💕
Детектив / Триллер#منقولة كرونيك سهرة اليوم💋💋❤❤❤💋 الكروو بعنوان ❤بنت الحي❤ ************ الحلقة 1: "ستعلم يا ظلوم اذا التقينا ..عند الاله من الظلوم..اما و الله إن الظلم شؤم..و مزال المسيء هو الظلوم..الى ديان يوم الدين نمضي..و عند الله تجتمع الخصوم ..ستعلم يوم الحسا...
