اغلقت الخط ونهضت اغتسلت و ارتدت بنطال اسود و بلوزة حمراء عليها حروف انجليزية باللون الاسود و ارتدت طرحة تجمع اللونين معا..... اخذت حقيبة يدها. هاتفها و خرجت وجدت امها في الصالون فقالت :
- ماما انا رايحة على بيت سارة ومش هتأخر.
فريدة : ماشي بس انتي عرفتي ليث ؟
أسيل باستنكار :
- اعرفه ليه انا رايحة المريخ عشان اطلب منه الاذن.
فريدة بجدية :
- لا بس ديه الاصول قبل ما تطلعي لازم تعرفيه مقولتش انك تستأذنيه بس على الاقل يكون عنده خبر.
مطت شفتها باستهجان ثم جلست على الكرسي ترتدي حذاءها الرياضي الابيض و اردفت :
- هو مش جوزي و لا بقى خطيبي لسه يعني مفيش داعي يعرف كل خطوة بعملها ده حتى لو انا خطيبته بس ملهوش حكم عليا و انا لسه ف بيتي اهلي و مدام انتي موافقة مفيش حاجة تمنعني اروح.... يلا شاو.
خرجت بسرعة و لم تدع لها الفرصة لتتكلم زفرت فريدة و همهمت بخفوت :
- البنت ديه هتجنني اقسم بالله.
______________________
في فيلا المنشاوي.
نظر له الجميع بعد كلامه و اولهم نور التي كانت مصدومة ابتسم جاسر بتهكم وهو يقول :
- نعم ؟ هتوديها بيتك عشان تضمن سلامتها انت مجنون ؟
محمد بغضب :
- اوعى تفكر اني هسمحلك تاخد بنتي انت اتجوزتها بالخداع و اكبر دليل انك جاية تتريق هنا و انا مش هسمحلك تاخدها.
ابتسم فارس ببرود متمتما :
- براحتك يا عمي بس لما اروح اطالب بمراتي فبيت الطاعة و اعملكم فضيحة متجوش تلوموني.
تحدثت نور هذه المرة بحدة :
- انسى انا مستحيل اجي معاك مهما حصل لانك حقير و خاين ومبتتأمنش انت خدعتني بعد ما وهمتني بحبك.
فارس :
- انا عارف ياحبيبتي بس لو الناس عرفت هتتفضحو وانا عارف ان العيلة ديه بتهتم بالسمعة اكتر من اي رابطة تانية صح ولا لأ ؟
جميلة بعصبية :
- انسى انك تاخد بنتنا بالسهولة ديه هي غلطت اه بس من حبها ليك و بجد ابوها و جاسر كانو صح فحكمهم عليك انت ندل و مبتتأمنش و خاين !! بنتي مش هتروح معاك ل اي مكان.
- لا هتروح.
قالها محمد بنبرة جادة ليبتسم بتشفي بينما تطالعه نور بخوف :
- بابا ارجوك انا.....
قاطعها بحدة :
- من النهارده انتي مش بنتي لانك باللي عملتيه فضحتينا مش تحديتينا و اتجوزتيه اتحملي دلوقتي نتيجة اعمالك.
جاسر برفض :
- يا بابا انت بتقول ايه نور لو راحت معاه الناس هتقول عننا ايه ازاي نجوزها لواحد مستواه اقل من مستوانا و كمان يمكن يكون.....
توقف عن كلامه و تذكر انه شقيق أسيل و بالتالي يمكن ان يكون هذا انتقام ! لالا لو كان يريد الانتقام ل اخته كان سيذهب له مباشرة و لن يتصرف ببرود امامه ، رفع فارس احدى حاجبيه قائلا بسخرية :
- بعد المناقشة العظيمة ديه انتو قررتو ايه ؟ هاخد نور ولا....
الحلقه (19)
Start from the beginning
