الحلقة_90:
سارة رايحة فالbus مقلقة تخمم واش تقولو لامير....كيفاه راح تبداه ومنين ...نزلت تمشي بلعقل وخايفة...
سارة: لازم نفهمو بلعقل...بصح علاه راني خايفة...ياك وليد عمي واش راح يديرلي..مشكيتش يخاف بابا وعمي ميديرلي والو...
لحقت قدام دارو..تنهدت..بقات متردة.منبعد تكورجت دقدقت...مكاش...زادت دقدقت ..
سارة: بفففف وين راح هذا زعما ماهوش هنا..بففف زمر.
جات رايحة حتى فتح لباب...
....
نرجعو لسمير..كان مع ياسين فالقهوة مقلق حكالو واش صار وياسين يصبر فيه..
ياسين: اصبر يرجع للخدمة وسقسيه اذا ماشي اليوم غدوة نشالله..
سمير: نشاالله
طلع راسو شاف ماريا نزلت وحدها مالbus استغرب..
وقف
ياسين: واش كاين سمير؟؟
سمير : هذيك صحبتها راهي وحدها...
ومشا راح ليها يزرب..لحقها يمشي موراها وحومتها
سمير: ماريا وين راحت سارة قوليلي بلا مشوفي فيا
ماريا خايفة : سمير..مم..منعرف
سمير: انطقي ماريا...وين راحت..
ماريا: عند امير قالت تتفاهم معاه...
سمير: تعرفي وين ؟؟
ماريا: لدارو بصح منعرفهاش .
سمير دار دومي تور ورجع لطونوبيلتو قلع ديراكت ..ويسب..ويضرب على افولو..
سمير: الرب العالي هذيك متفهمش ..واش رايحة دير عند ق**** في دارو...ووحدو ي*** وحدو..عيطلها تليفون يصوني بصح مترفدش هبل من مخو
عيطلو ياسين يسقسيه
سمير يغلي : ن*** ***** ويمسها اليوم نقتلو...والله نباصي على د*** ****
ياسين: انعل الشيطان ونتا تعرفو وين يسكن ؟؟
سمير: ينعل بو الشيطان...درك نجيبو من تحت لرض.
وكوبا..
راح ديراكت وين يخدم...
زدم ديراكت لقا لي يخدم عندو ثم راح شدو من صدرو لوخر مفهمش كامل واش كاين ..
سمير: وين يسكن ؟؟
..شكون ؟!! اطلقني شكون نتا ..؟؟
سمير: شيكورك وين يسكن ؟
...علاه تحوس عليه ؟؟ واش تحب من عند و ؟!
سمير طبعو على البيرو وقلب البيرو...
سمير: وين يسكن انطق ؟؟
هوما هكاك وامير دخل..
امير: واش كاين هنا ؟؟
سمير شاف فيه وعينيه حمر مالغش..راح ليه شدو من صدرو ؟؟
سمير: وين راهي ؟!
امير: شكون .؟؟ اصبر اطلقني نفهم؟؟
سمير طلقو: جات عندك للدار درك ؟؟ نتا كنت معاها؟؟
امير شاف فالخدام قالو اخرج...
خرج الخدام..
امير: شكون جات لعندي سارة؟؟!
سمير: ايه شكون غيرها ..
امير: انا مكنتش فالدار .
سمير شد في راسو حس روحو هبل....عاود عيطلها يصوني ومترفدش...
سمير: وين راهي نعيطلها مترفدش..
امير حبس يخمم منبعد تفكر ...
امير: مهدي...مهدي راهو فالدار.
سمير: شكون هذا ثاني..
امير يعيطلو ميرفدش ...
امير: صاحبي مسكنو عندي ..
سمير هبل خلاص : صاحبك ؟! فالدار وحدو؟! وسارة راحت عند و..
قلع سمير يجري ..طلعو فالطونوبيل وامير ركب معاه باش يوريلو الدار....سمير يجري ويسب..
امير: متتقلقش سمير بلاك راهو راقد مرفدش عليا..وزيد هو علاه يدنا ليها عارف خطيبتي...هو شغل خويا محال يضرني
سمير ميسمعلوش كامل قلبو عند سارة يدعي نشالله نلقاها بخير يا ربي ..
امير العرق نشو ...خاف صاحبو يغويه الشيطان...بصح محاال يديرها...مسح على وجهو...حتى لحقو للدار...نزلو يجرو
YOU ARE READING
ولاد الحومة
Actionقصة باللهجة الجزايرية تابعوها ومتندموش ملاحظة: هاد الكرونيك منقولة من قروب فيس
