ولاد الحومة

😮بارت28 😮

جازت اليلة هذيك هباال..زهو وغنا وشطيح..سارة والحومة كامل تتفرج..
سارة ميتة بالفرحة صح هو مقاللهالهاش ديراكت بلي يحبها بصح لشي لي دارو يكفي باش تعرف بلاصتها في قلبو..
...
راحو ولاد الحومة كامل...سمير دخل للدار ميت بلعيا..دوش وتعشا..وترما في فراشو باش يرقد..
فتح تليفونو لقا ميساج لحقو فتحو..
...
سارة بعثتلو ميساج ..
..
رغم جنونك احبك
رغم عصبيتك احبك
رغم صراخك الداىم علي احبك
احب غيرتك وحبك ورغم كل شيء اني احبك..
وان لم تفهم..اتصل على هذا الرقم لتسمعها بنفسك 💔
....
سمير قرا الميساج وتبسم...رقد على كرشو يحب يرقد هكاك وكان عيان..ونعسان وحاب يرقد..
عيطلها
سارة شافتو عيطلها ...قلبها ولا يضرب ..ماهيش موالفة تهدر معاه فالتليفون..وضرك هي حوست عليه لازم ترجع ولو شوي مالمفاجىة لي دارهالها والحفلة لي محاال تنساها طول حياتها..
سمير: الو..سارة.
سارة سمعت صوتو نعسان..تبسمت..ومعرفتش واش تهدر تلفتلها..
سمير تبسم وهو راقد : هههه شبيك مهبولة حشمني مني..متحشميش انا سمير..
سارة : ههههههه علاه نحشم ملقيتش منين نحشم..
سمير: ممم قلت بلاك جاتك الحشمة ماشي عوايدك..
سارة: اااه علاه موالفة ندوس مع الناس باش منحشمش..؟؟
سمير: ههههااا..تدوسي مع الناس نكرفصك..
سارة: ممم هذا واش تعرف تهدر غير العنف..
سمير: ممم
سارة: واش رقدت..
سمير: راني عيان حاب نرقد..
سارة غاضها كي شافتو هكاك..
سارة: نغنيلك باش ترقد _؟؟
سمير: هههااا صوتك ماشي شباب غير اسكتي..
سارة : اااا انا قلت نغنيلك ونتا تضحك على صوتي .
سمير: هههه عله راني نكذب..نتي تعرفي غير تشنفي ..متعرفيش تغني
سارة: نعرف..
سمير: مم غني نشوف..
سارة :..
يا حتى ندابزو ونتفارقو نقولو كملنا
نولو نترانجو ونتسامحو حكايتنا حكاية
اذا نتا تبغيني تموت عليا ياعمري انا ثاني انا ثاني ...
فراقك يهبلني يكمل عليا بلا بيك كي يصرالي كي يصرالي ..
...
تغني وتعاود وسمير يسمع ويتبسم..
سمير: طيري ترقدي خيرلك..
سارة تقلقت : هذا حق مغنيتلك..تحاوز فيا !!!
سمير:عمري باغي نرونجيك وين بغيتي نجيك..قوليلي انا..ياسموني نسال فيك ربيت الكبدة عليك نموت عليك..
وطيري ترقدي خيرمن نجيك صح..
سارة: ههههه مهبول وين جي؟!
سمير: ر**** طيري..حابة تهبليني في نص ليل...
سارة: صحا صحا تصبح بخير..
سمير: تربحي..
..
سارة راقدة وتضحك عليه..
سمير رما المخدة فوقو ورقد