ولاد الحومة

🌝بارت 80 🌝

.#الحلقة_80:
سارة هبطت عينيها محبتش شوف فيه في لحظة شافتو نسات الكره والانتقام كامل...في قلبها متوحشاتو بزاف حابة تعنقو وتبكي على صدرو وتقولو خلينا نرجعو كيما كنا ...علاه رحت وخليتني علااه..بصح عقلها يقولها خلاص هو خلاك وسمح فيك لازم تنسايه ...
سمير حاس بيها حتى هو متوحشها بصح عارفها زعفانة عليه وبزاااف وكامل واش دارت فالفايس باش تنتقم منو..شدها من دقنونتها طلعلها راسها. .شافت فيه وهي كامل مشمخة تسيل..
سمير بقا يشوف في عينيها حس روحو ندم لي سمح فيها تمنى يقولها  ارجعلي ..سارة مقدرتش بلا بيك..مقدرتش حبك صعيب ووجعني بزااف وفراقك قتلني ..
جبد برلبلي وحطو في يدها ...شافتو شداتو وزيرت يدها على يد سمير تفكرت نهار كانت متحبش تديه ويحيبولها لليسي ويعيط عليها يبهدلها...تفكرت اليمات هذوك وين ودرك وين وكيفاش تفرقو...حست بغصة في قلبها ...حرقة الوحش مخلطة مع كلش خاطر سمير من جيه سمح فيه ومن جيه. مزلو يغير عليها ويخمم فيها ...شافت فيه وجرات عنقاتو تبكي بحرقة..مكبشة في حوايجو وتبكي بالشهقة.
سمير خباها عند و وجبدها على الطريق خاف يشوفوهم..ويسكت فيها وهو دموع في عينيه بصح محبش يبينلها ....
سارة بكات حتى شبعت...منبعد طلقت البرابلي وراحت تجري محبتش شوف فيه ولا تهدر معاه ...سمير حبس يشوف فيها تبعد قلبو وجعو عليها حاس من بكاها وهروبها وسكاتها بلي مقهورة منو بزااف كيفو ولا اكثر...
مسح على وجهو وتكا عالحيط يتحسر على حالتهم و وين. وصلو..
..
سارة بعدت شوي صونا تليفونها لقاتو امير رفدتلو..
امير: سارة وينك ؟؟..
سارة: قريب نلحق للدار...
امير: فالشتا هذي؟! علاه مستنيتينيش..عيطت يماك نجي ليك..لحقت لاري دكوس ملقيتكش..
سارة: سيبون ميرسي وصلت للدار .ميشقاش
امير: معليهش ادخلي للدار ...مرة وحدوخرا خبريني بلا منوصيك..
سارة: نشالله .
دخلت سارة للدار تسيل شافت في يماها بنص عين معناها درتي  رايك..
دخلت للدار بدلت حوايجها...وقعدت في فراشها تراجع لحقو ليكزاما ....مي مقدرتش تركز تخمم برك في سمير  لي راهو قريب ليها..حابة شوفو...بقات تخمم كي عنقاتو مزالت بين عينيها...ظمت يديها وغمضت عينيها تتبسم....مام سمير في دارهم يخمم فيها حتى فيقاتو يماه..
فطيمة: شبيك ملي رجعت ونتا غايس ..؟!
سمير تبسم: ههه والو نخمم فالمااش الجاي .
فطيمة: بووه جيت تريح ماشي تخمم فالماتش..
سمير: زينب وين راهي؟ مجيش تاكل؟
فطيمة : مانيش عارفة واش بيها اليوم..
سمير: مزالو في نفس الحكاية..
فطيمة: ايه...والله حتى احمد مراهوش يجي وماني فاهمة والو....
...
زينب قاعدة في بيتها تخمم حتى عيطلها نومرو متعرفوش محبتش ترفد من بعد رفدت..
لقاتو احمد...
زينب: احمد؟؟!
احمد: ايه احمد..درك توجدي روحك عندي هدرة مع ر***..
زينب: وشبيك تعيط ؟! واش كاين؟
احمد: درك نجي شوف سمير خوك ومنبعد تخرجي معايا عندي هدرة معاك...فهمتيييي..
زينب جات تجاوبو كوبالها....في وجها..
زينب: بففف شبيه هذا ياكل في روحو كاشما كاين..
_____________________________________
قريب نتفارقو قعد 13 بارت 😭😭