ولاد الحومة

😭بارت53😭

.#الحلقة_53:
راح احمد لدار زينب لحق نزل باش يروح يشوفها..
قربع فتحتلو يماها..
فطيمة: على سلامتك وليدي..
احمد: الله يسلمك .
فطيمة: ادخل..
دخل احمد وحشمان كي مراحش لزينب.
احمد: والله رقدت مفطنتش حتى لقيت الوقت فاتني جيت نجري..
فطيمة: معليش وليدي نتا ثان كنت عيان وجات معانا كيف كيف..
احمد: راهي راقدة ؟
فطيمة: لا روح شوفها في شمبرتها..
احمد دقدق ..هي سمعت صوتو دارت روحها راقدة..
احمد: زينب..زينب..راهي راقدة..
جات فطيمة شافتو خارج ..
فطيمة: وين بيها ؟
احمد: خليها رقدت..
فطيمة في قلبها هذاوين كنت معاها كانت فاطنة..
فطيمة: اصبر نوضها
احمد: معليش خليها .
فطيمة: لالا نوضها مدام شقيت..زينب نوضي زينب..
زينب دارت ليها : احمد جيت..
فطيمة: انا نوجد العشا نخليكم..
..
خرجت وغلقت الباب.
احمد قعد : واش ..ريحتي شوية ؟
زينب: شوية الحمد لله..
احمد: مم واش تحبي نجيبلك ؟
زينب: والو مناكل والو ..ديجا يما راهي متهليا فيا..
احمد: زينب قولي نجيبلك ؟.
زينب: قتلك والو اصلا ناكل غير البيون ..
احمد: كيما تحبي وكاشما تحتاجي عيطيلي ..ولا تحبي نديك للدار ؟!
زينب : وين تديني احمد ؟؟ شكون يقومني ثم؟؟
احمد: علابالي ..تبراي وترجعي منورة لدارك..هكا الزينة .
وقرصها من خدها ويضحك حاب يضحكها وينسيها..
زينب: مقهورة احمد بزاف على وليدي ومانيش قادرة نضحك..
احمد : معليش عمري تريحي نشالله ونخرجك..مام انا لازم نريح..
زينب ضحكت باستهزاء: هه باش تخرجني يرحم باباك..شوف كاش خدمة زيدها باش تخلص ختك وباش تبنيلي داري كيما تفاهمنا..
احمد حس استهزاء في هدرتها
احمد: زيينب ..واش هذي الهدرة ؟
زينب: هدرت الصح نهار تفري مشاكلك ارواح عندي ..
ورجعت رقدت..
احمد رجع يغلي زير على يديه..جا يهدر تفكر بلي راهي مريضة تهدن ورفد روحو وخرج خبط الباب..
فطيمة تخلعت جات ليه
فطيمة: متتقلقش وليدي ساعفها..
احمد استغفر وجبد دراهم ومدهم لفطيمة
فطيمة: وشنو هذا ؟!
احمد: مصروفها
فطيمة: خااه وال..
احمد: متحلفيش خالتي مرتي وانا نصرف عليها ..شدي..وكاشما يخصها قوليلي..
ورفد روحو وخرج..
فطيمة راحت لبنتها
فطيمة: حرام عليك يابنتي لي فيه يكفيه
زينب: حتى انا لي فيا يكفيني.يروح يسقم حالو منبعد يرجع ليا ..شاطر غير فالهدرة..
فطيمة محبتش تزيد معاها : الله يهديكم.
وخرجت