ولاد الحومة

🤡بارت78🤡

.#الحلقة_78:
حورية تشوف في سارة وسارة خافت يفيقلها باباها..
صالح: شبيك؟
سارة: والو..شفت واحد هنا شبهتو لامير..
بفففف حشومة..
ناضت تجري لبيتها وغلقت اباب وتتفكر في سمير..
سارة: سمير...ايه هو سوور...
فتحت تليفون شعلت الانترنت تحوس على الماتش...والكونيكسيون ثقيلة...
سارة: بفففف كونيكسيون تاع زمر تمشي وقت لي تحب برك...
امشي بفففف يا ربي...حابة نتاكد اذا هو..
انا عارفة هو ..كيفاه منعرفوش سمير انا..
هاو خرجلي الماتش...شافت مليح حوست على لي ماركا البيت لقاتو سمير ***** ..
حطت يديها على وجها تترعد ..فرحة مخلطة مع وحش مع كلش ...
مفاقتش حتى دموعها نزلو...وهي ماهيش عارفة علاه تبكي ...
بقات شوف فيه فالفوطو تاعو تمس فيها وتبكي
سارة: هذا نتا سمير...توحشتك الله غالب ماشي غردي..توحشتك بزااف. .
رقدت على كرشها وحطت تليفون وتتفرج فالماتش ..وهي ماهيش موالفة شوفهم تشوف في سمير برك تعس فيه برك وقتاش يبان وشوفو...تتفرج ساكتة من بعد  رجعت تسيبورتي فيه بلا متفيق ...زاد ماركا البيت دوزيام...وهي فرحانة معاه وعيطت..منبعد غلقت فمها وضحكت باش ميسمعوهاش..
سمير يجري مع صحابو يديفولو...طاحو كامل فوقو..
وهي تسب
سارة: نوضو من فوقو قتلتوه اعععع...نوضو .
ناض سمير بعث بوسات للبيبليك ...شافت يدو لقات فيها غورمات تاعها نحالها عفايس تاع بنات وخلاها سانبل تبان تاع رجال ...عادية...
حست قلبها خرج...فشلت مقدرتش تزيد شوف.. غطست راسها فالمخدة ..
سارة: مانيش حابة نبكي..ياك قلت منزيدش نبكي عليه..
وتضرب في روحها ..وتسب..
سارة: متبكيش يالحمارة هو ماهوش حاس. بيك...بلاك ماشي نفس الغورمات تشبهلها
تهدر والدموع ويدان وهي ماهيش حاسة بيهم وتوهم في روحها بلي ماهيش تبكي..
غاطسة راسها فالمخدة رجعت تسيل...
عيطلها امير...شافتو استغفرت..
سارة: بفف الزمر هذا واش يحوس..
امير: الو عمري..
سارة: وي لباس.
امير: وشبيك صوتك مخنوق؟ راكي مريضة ؟.
سارة: ايه ..
امير: امالا منقلكش ارقدي تبراي..
سارة: نشالله ميرسي.

وكوبا..
سارة: كون سمير دارلي حراڨة .وين تبان معاه نتا ...بييي ..ديفيرونس بزااف...

VOUS NE VOUS LASSEZ PAS ?
LA TENDANCE ACTUELLE DANS FICTION GÉNÉRALE
رجعت الماتش  لقاتو خلاص...
راحو الصحافة هدرو مع سمير وهو يهدر ويلهث  ...وهوما يصورو فيه..
وساره تشوف فيه وتتنهد...خلاص الماتش بقات تسمع فالمحليلين يهدرو عليه...ويشكرو فيه.وهي تتبسم وفرحانة تقول يهدرو عليها...
سارة: فرحتلك يا وجه الشر مانيش عارفة علاه...بففف سامط نكرهك...
بقات تحوس على الباج تاع ليكيب تاعهم لقاتها ابونات فيها..
وبقات شوف فالفوطوات تاعهم ..

هايدى محمد كاتبه مبتدائه اتمنى يعجبكوا كتباتى
سمير كمل الماتش دخل يدوش تفكر سارة جات بين عينيه..غمضهم بقوة ..محروق عليها توحشها...خمم يطلع للدار يشوف يماه ومن جيه يشوفها لابغا من بعيد يطفي نار قلبو والحرقة لي فيه...بشوفتها ...

سارة: سمورتي هو الشباب فيهم ..بففف بصح درك يرجعو لبنات يدورو بيه ..اععععع نقتلهم ونقتلو...سمير ليا برك...
سارة: واش راني نخرف انا عندي امير وحد البناد م رهج ...نكرهووو...اااه يا حياتي التعيسة..مذا تخبأين لي بعد هذا
سمير كمل الماتش دخل يدوش تفكر سارة جات بين عينيه..غمضهم بقوة ..محروق عليها توحشها...خمم يطلع للدار يشوف يماه ومن جيه يشوفها لابغا من بعيد يطفي نار قلبو والحرقة لي فيه...بشوفتها ...