ولاد الحومة

😤بارت51 😤

#الحلقة_51:
لحق سمير للدار نزلت سارة مع يماها.. وسمير راح للدار..وجد روحو للدفينة مور الضهر..
راحو كامل حبابهم وعايلتهم للدفينة تاع وليدو لاحمد وزينب
...
الطفل حطوه في قبرو وباباه يبكي عليه بالدموع وساكت يتنهد..محروق على كبدتو لي حطوها تحت التراب ومتهناش بيها..والناس يصبرو فيه..ويترحمو عليه..
سمير يشوف في احمد محروق على وليدو ..تنهد حاس بيه موجوع ومقهور.فوق كامل المشاكل لي صراولو وزاد موت وليدو..صعيب عليه جبل وينهد في بلاصتو وهو صابر ويقول الحمد لله ..
..
رجعو للدار احمد يمشي ويشوف في قبر وليدو مقهور حتى لحق للطونوبيل..مع سمير ..خاطر مقدرش يسوق جا مع سمير..
فالطريق
احمد: نروحو للسبيطار نشوفو زينب..
سمير ساكت وصلو للسبيطار....
دخل احمد لقاو زينب راقدة..
فطيمة حزينة شافت في احمد لي عينيه باين كان يبكي
فطيمة: ربي يرحمو وليدي ..
احمد: نشالله..زينب رقدت.؟!
فطيمة: ايه شبعت بكا مقدرتلهاش وحدي دارولها سورانڨ باش رقدت..
احمد: مم مليح خليها تريح..
فطيمة: نشقيك وليدي نروح للدار نريح شوي ومنبعد نرجع مع سمير..
احمد: روحي خالتي مكلاه ترجعي نبقا انا معاها.
فطيمة : بزااف عليك وليدي حتى نتا راك عيان ولازمك تريح..
احمد: واش تحبي خالتي كون بغا ربي ختي تقعد معاها بصح مرحمتنيش انا..ترحمها هي..!!
فطيمة: معليش وليدي وسع خاطرك برك..
احمد: نشالله..يارب.
.
راحت فاطمة واحمد راح عند الطبيبة سقساها وقتاش تخرج..قاتلو غدوة يخرجوها..
رجع قعد قدامها شافها راقدة...خرج لبرا قاعد يتكيف ويخمم في مشاكلو ومنين راح يبدا..وباين زينب نفسيتها تعبانة بزااف مور المشاكل وموت وليدها وهذا واش قاتلو الطبيبة ..
قاعد يخمم منبعد رجع ليها يشوفها اذا فطنت..لقا طبيب ثم داخل عندها حس الدم يغلي فيه..
احمد: اااي نتا وااش راك دير هنا ؟؟
ط: الخدمة تاعي خويا كونترول ..
احمد: اطلق راسك واخرج عليا خيرمن نقلب عليك السبيطار..
ط:ندير خدمتي خويا ..ونروح..
احمد عيط: قتلك اطلق ق*** راسك وعفط منا ..هياا واش تستنا..
جاو لي زاجو سمعو العياط..
..سكتنا خونا رنا فالسبيطار وفاليل كاين مرضى راقدين..
احمد : خرجو عليا الفرخ ولا والله نبعثو للجبانة ديراكت..
..ياخو راهو يخدم في خدمتو..
احمد:خدمتو ..حتى انا نخدم خدمتي..
وراح ليه باش يضربو حتى شدوه..
ط: روح ياودي جينا نخدمو عشينا ندوسو ..
وخرج..
احمد:الله لا يردك فرخ تفووو يحرق الراسة تاعك ******** ..
هوما خرجو وهو غلق الباب موراهم بالزكروم ..
وقابلها وقعد يحس في روحو يغلي كي جا يقلب في مرتو..