ولاد الحومة

🙃بارت43🙃

جازو يمات وزينب مع خيات راجلها ديما فالمشاكل والدواس ..وكلها امور تافهة ..بصح مكاش لي تسمح من حقها..غير لي تقول انا عندي الحق..
..
احمد يرجع فليل تبدا زينب تشتكيلو ..وهو يسمع وساكت وساعات يعيط عليها ..
احمد': ياار** قتلك متزيديش تشتكيلي مشاكلكم حلوها بيناتكم..روحي ليما قوليلها .
زينب:يماك جي مع خياتك ظالمة ولا مظلومة..جامي تمدلي الحق..
احمد: يازينب ياروحي نقصي عليا هم الخدمة يكفيني..مانيش ناقص مشاكل.
زينب تهدر وتبكي: انا لمن نشتكي درك..نتا لاهي مع اخدمة ومخليني مع هذو كل يوم ياكلو فيا والله عييت بزااف..
احمد: ياااربي واش ندير يااربي فرجها عليا..
زينب تبكي..احمد شاف فيها
احمد: زينب خطيك منهم كي يهدرو ديري روحك مسمعتيش ..في وجهي نقصي عليا يالرب العالي..
زينب: مليحة هذي والله هوما يديرو واش يحبو وانا نسكتلهم..علاه هوما عندهم لسان وانا معنديش مثلا..
احمد عيط: واش حابة درك...ياك عزلتي وراكي طيبي وحدك وفريجيدار تاعك وحدك...واش راكي تحوسي نزيد نديرلك ؟؟
زينب : حابة نخدم..
احمد: واشنو؟؟ كيفاه تخدمي مفهمتش ؟!
زينب: ياك انا عندي ديبلوم تاعي حابة نخدم باش نعاونك
احمد: فاش تعاونيني ؟؟ علاه ماكيش تاكلي ؟؟ ماكيش تشربي ..ماكيش تلبسي ؟ ياك لي تقولي عليها تحظر..!!
زينب: حشا مقلتش هكاك.بصح علا الاقل نشوفو سكنة جيهة وحدوخرا ولا نبنو مالفوق..
احمد: والله وتزيدي تعاودي حكاية الخدمة نظربك بكف مننزيدلكش خوه .
زينب تعيط : علااه يعني ! ياك النسا راهم يخدمو ..وانا حابة نعاونك برك..كيفااه حاب نبقاو هاااك؟؟ فهمني يرحم باباك الدراري وين يرقدو ؟؟ مكااش مراكش شوف فالضيق ؟؟
احمد: يرقدو مع عماتهم علاه حنا متربيناش عند عماتنا ..
زينب: والله مليحة هذي انا ولادي يباتو معايا غير نساها حكاية عماتهم هذي..وزيد قتلك خليني نخدم
احمد: زينب ياك فهمتك قبل الزواج بلي مكاش حكاية الخدمة ونتي قبلتي ..
زينب: ايه قتلك بصح الله غالب مكنتش حاسبة الحالة هااك..
احمد: حكاية الخدمة غير انسايها انا مانيش طحان تخدم عليا مرتي..
زينب: بصح ماشي حرام باش نعاونك..
احمد: زينب ...اقفلي عليا الهدرة هذي..
زينب: نو منسكتش حتى تسمعلي..انا كرهت مالمعيشة هذي عييت بزااف.كل يوم مشاكل
احمد: والله مليحة هذي كرهتي هايليك داركم الله يسهل ..
زينب: هكا احمد تحاوزني ..كي خممت نعاونك تقولي روحي لداركم الله يسهل..
احمد: واش حبيتيني نقولك ؟ نشدك بسيف معايا.؟؟ كون جيتي تخمي فيا وتفهميني متهدريش الهدرة هذي..تصبري معايا ..هكا وعدتيني قبل الزواج ..
زينب': مام نتا وعدتني تحطني في عينيك ..
احمد: علاه واش نزيد نديرلك كثر؟؟ درت لي عليا ..والضيق ومشاكل هذو في كل دار ماشي غير عندنا.
زينب قعدت وتبكي
زينب: احمد ...حابة نروح لدارنا..ضاق خاطري.
احمد قعد قدامها: وين تروحي يابنت الناس وتخليني ؟!
زينب: عييت احمد حابة نريح ..متنساش راني بالجوف والطبيبة قاتلي لاتونسيو شوية طاعلة..
احمد تنهد: غدوة نديك..اليوم راني عيان..
زينب: متديني موالو تقولي مشغول..
احمد: زييينب..قتلك غدوة نديك متهبلينش درك.
زينب: بففف كيما تحب..
احمد : طفي الضو خلينا نرقدو