ولاد الحومة

😯بارت68😯

.#الحلقة_68:
رفدت زينب تليفون تع احمد تقلب فيه ملقات والو..عوجت فمها وحطاتو..
احمد شاف فيها وضحك : ههه
زينب: علاه تضحك ..؟
احمد: برك علاه حرام.!!
زينب دارت جيهة الكارو مشنفة وتتفرج فالطريق..وغايسة
...
احمد شعل الغنا دارلها اغنية تاع شاب عقيل صغير..
..
مزال اسمك على لساني
نعشق فيك عمري ثاني
واذا كان ڨلبك نساني
انا عمري مزال منسيت
..
توجور نبغيك هايا
نخمم فيك يايا
نسقسي عليك يايا
يالي نسيتيني.
..
نتي اينيسيال هيا
حبك سبيسيال هيا
قعدتيلي فالبال..هيا.
بريزيتيني..
راني نسوفري
من فراقك عمري
لمن خليتيني
..زينب تسمع وفاهمة بلي عليها وهو يسمع ويدندن مع الغنية..
هي شافت فيه لقاتو يتبسم بدلت الغنية وهو يضحك عليها..
شوية هكا لحقو..حبسو..
زينب نزلت شوف الدنيا كامل بيضة ..اتنفست الهوا باارد ..حتى نيفها ووجها رجع حمر.
احمد يشوف فيها وعينيه يضحكو وهي فاهماتو بصح مخشنة راسها
شافت فيه..
احمد: هيا امشي..
زينب : لالا البرد مانيش حابة ندخل فيه خلي نشوفو منا ونصور برك..
احمد: ههههه نتي بهلولة...شقيتي باش تصوري برك..ابروفيتي اليوم ماشي كل يوم.
زينب: ايه صح...
دخلو ويضحكو..
زينب تتصور سالفي وتصور فالجبال واشجر لي كامل بيوضا..
واحمد خدم رجل ثلج...وعيطلها.
زينب: ههه خدمتو يشبهلك هههههه
احمد: شفتي ..نعرف ..
زينب: هههه تعرف صح..
احمد وقف موراها ويوريلها بصبعو على رجل الثلج..
احمد: شوفي زعما هذاك راجلك الحڨار ابروفيتي فيه بردي قلبك ...اضربيه وارمي عليه..
زينب: ههه مليحة هذي سما خدمتولي بلش نبرد قلبي فيه..
احمد: ايه حڨار شوفي كيفاه يضحك عليك..اضربيه ..بلاكي تخافيه..ذرك راهو مسكين ميقدر يدير والو..اخلفي ضربتك كيما ضربك هو
زينب: ايه صح اصبر درك نبرد قلبي.
رفدت ثلج وخدماتو مليح وشافت في رجل الثلج..
واحمد يتبسم ..حتى دارت ليه..
زينب: الحڨار راهو قدامي اون بارسون علاه نضرب رجل الثلج يعني..
احمد : هههه لالا زينب..
زينب : هههههه
رمات فوقو وبقات غير ترفد وترمي
احمد: ههههه اعععع احبسي ريحي ..
زينب: ياك نتا قتلي بردي قلبك..
وبقات ترمي عليه ختى رجعت تلهث وهو يضحك عليها..
راح خدم رجل ثلج قدام لول ولبسو كاشني تاعها..وصورهم..
احمد: شفتي رجل ثلج ومرتو ..ههه شابين مع بعضاهم..
زينب فهماتو ..
زينب عوجت فمها : لااا شوفها مشنفة كي ضربها ..
احمد راح ليهم وقرب راس رجل الثلج لمرتو وباسها من خدها..ورسملها فمها يضحك..
وشاف في زينب
احمد': شفتي حاجة ساهلة ولات تتبسم..
ووقف جاي لعندها ..شافتو جاي خلت فمها وهربت تجري للطونوبيل..
وهو شابع ضحك عليها ..لحقت للطونوبيل لقاتها مغلوقة..حبست مقلقة..احمد لحق عندها شافت فيه..
زينب: بلااك تمسني نقتلك.
احمد رفد يديه : منمسكش هاني يديا فوق راسي..
زينب: افتحلي الطونوبيل..
قرب يفتلحها الباب بالمفتاح حتى خطف بوسة من خدها وضحك
احمد: كاااه كااه كااه..
زينب : اعععع بففف سامط رهج انا الغالطة لي جيت معاك..وطلعت مشنفة وهو شابع ضحك عليها