ولاد الحومة

😪بارت31😪

...
سارة قعدت في بلاصتها تبكي .مسحت دموعها .جات ليها يماها اعطاتها الدوا.. دارت روحها مريضة وهي اصلا سماطلها كلش كي دوست مع سمير.. الضياف راحو كامل.. سارة ناضت عاونت يماها وختها لي مزوجة نهال وخملو كامل الدنيا.. ... تفكرت سمير بلي وصاها تبعثلو....مام كانت مجروحة ومداوسة معاه بصح محبتش تخليها في قلبو وبعثتلو حقو مع يماه..قاتلها لزينب كي راهي تتوحم بلاك تشهاتو . فطيمة: والله يا سارة بنتي هي مراهي تاكل والو.. سارة: معليش اعطيهلها بلاك تشهاتو حرام علينا ...المرا تتوحم لازم نذوقوها .. فطيمة: يعطيك الصحة بنتي وكلشي مبروك.. سارة: الله يسلمك بلا مزية  . . سمير راح للبحر قاعد وحدو يتكيف يتفكر فيها وفي ولاد عمها داخلين خارجين ويشوفو فيها..وهو راجل ويعرف الرجال كيفاه يشوفو سيرتو اذا كانت زلة كيما سارة. باكي دخان فرغو ..حس روحو مخو محروق مالتخمام ..هام شافوها..شافو عينيها..شعرها ..شافوها تضحك.. شد في راسو حسو راح يطرطق..هو يشوفها تاعو وميحب حتى واحد يشوفها ولا يتغزل بيها.. سمير: اااه ياساارة هبلتيني ..اه ياربي كون نحكمك..وزيدي متاخذليش الرااي... .. بقا ساهر حتى نص ليل رقدو كامل ..هو رجع.للدار...دخل بلعقل راح للكوزينة يشرب شاف الماكلة والقاطو محطوطين لي بعثتهم سارة لختو بصح هو فهم بلي بعثتهملو ليه.. قعد حط راسو بين يديه غاضتو حس روحو ظلمها وجرحها وخسرلها فرحتها.. وهي هكاك ومنساتوش وبعثتلو البااروك.. فشل من الجاست لي دارتها ..كون صاب يزدم ليها للدار ضرك.. .... سارة فليل في فراشها مقدرتش ترقد تخمم في سمير لي مطفي تليفونو ومزال مرجعش للدار..كل دقيقة طل علبه مرجعش.. بقات تبكي محروقة عليه مقلقة وخايفة عليه كاشما صرالو ..خاطر راح مقلق .. سارة: ااه ياربي وين راح ..طول مرجعش .ياربي راني خايفة كاشما يكون صرالو ..ياربي نعرفو مقلق .ياربي رجعولي سالم برك.. ياربي والله منزيد نقلقو غير يرجع برك ماشي موالف يطول هااك.... . بقات مقابلة التاقة تستنا فيه وكل دقيقة تعيطلو ..حتى شافتو لحق..فرحت  وقفت..شافتو حبس نزل ودخل لدار...تبسمت حست روحها هذاوين ريحت.. رجعت دخلت في فراشها باش ترقد مقدرتش ترقد..بقات تتقلب حتى فيبرا تليفونها.. رفداتو لقاتو هو.. سارة: ممم حتى لضرك باش تفكرتني وانا من مقبيل وانا متحيرة عليك..ضرك شفتك بلي راك مليح وتبات تعيط منرفد عليك.. وطفاتو سمير عاود عيط لقاه طافي. سمير: اااه ياراستك طفيه عليا يعني راكي فاطنة..ومحبيتيش تهدري معايا.. معليش  حاول يرقد مقدرش...لا هو رقد ولا هي..في زوج راسهم خشين