ولاد الحومة

😯بارت30😯

....

جازو يمات...سارة راح دير حفلة للباك تاعها..عرضت كامل صحاباتها وفاميلتها للحفلة هذيك ودارو قهوة وعشا.. ... سمير يهدر معاها فليل .. سمير: شكون عرضتو كامل؟؟  سارة: فاميلتنا وصحاباتي ...راح نديرو عشا وقهوة. سمير: مم مليح وحنا تعرضونا؟؟  سارة: ايه نعرضوكم...حاجة باينة.. سمير: مليح خاطر انا رايح مع صحابي للبحر مشكيتش نلحق بلاك نطولوو سارة : علاه ؟! حاول تلحق بكري .. سمير: منعرف علا حساب الوقت.. سارة: اا وكيفاه الحفلة تاعي هذي ومتحظرش ؟؟  سمير: الحفلة انا درتلهالك وهذي تاعكم خاطيتني.. سارة: ممم كيما تحب.. سمير: بصح ترسليلي حقي . سارة : اا ..تاع واش حقك ؟.  سمير: تاع الحلوى وتاع العشا .. سارة مخلوعة : كيفااه هذي نبعثلك حقك راك تتمسخر بيا هه سمير: والله ماني نتمسخر غير من نيتي.. سارة: هه وكيفااه نرسلك ..واش نقول ليماك ؟؟  سمير: دبري راسك..ومتبعثليش شوفي .. سارة: اعععع وشنو هذا سمير نتا صح مهبول كيفااه نبعثلك..حصلتني.. سمير: شغلك..كون تحبي راجلك ترسليلو بلا منقولك.. سارة: والله نحبك يالمهبول تاعي بصح مانيش عارفة كيفاه نرسلك. سمير: انا نعست نرقد ومتنسايش غدوة  سارة تنهدت :نشالله  سمير: نعرفك مهبولتي بلي شطورة وتسلكيها وعلى هذي نحبك.هه سارة: اععع سمير  سمير:وشبيه سمير.. سمييير هبل خلااص هبلتيه ..خليني نرقد يابنت النااس .. سارة مشنفة : روح ترقد .. ... رقد سمير ...وخلا سارة تخمم في هدرتو.. سارة: زمر هو رقد وخلاني نخمم والله معلابالي بيه خطيني منو..هبلت انا نرسلو واش بقولو عليا.. ....  غدوة منذاك..سمير لحقت لعشية عيطلو صحابو باش يروحو .. سمير: وي راني جاي..استناوني.. سمير قلع وراح للبحر مع صحابو..  فاميلية وصحابات سارة جاو كامل حطولهم قهوة وعشا... .. سمير رجع بكري باش يلحق بلعشا تاع سارة..غاضتو كي خلاها معلقة ...حاب يحظر الحفلة تاعها.. ... لحق لاحومة حبس بالطونوبيل شوية بعيد خاطر الطونوبيلات ثم ومقدرش يلحق للدار.. سمير: يارب العالي تقول عرس ..هذو جاو ڨااع على جال المهبولة هذيك.  نزل يمشي ..حاطين الطوابل برا ويعشو..عيطولو يجي يتعشا.. دخل للدار دوش وبدل وخرج.. شاف ولاد فاميلتها داخلين خارجين ... حبس يشوف تقلق منهم... سمير: وشبي ق**** داخلين خارجين ياخي بهايم.. رفد تليفون عيط لسارة..طولت باش رفدت تقلق ... وكي رفدت عيط عليها  سمير: وشبي ق**** مترفديش وين كنتي ؟؟ ساعة وانا نعيطلك ..!  سارة: مقدرتش نرفدلك راهم الضياف مكاش كيفااه.. سمير:واش دخلني فيهم الضياف هاذو..ضرك علاجالهم متهدريش معايا.. سارة تهدر بلعقل: سمير مكاش كيفااه افهم .. سمير : سارة انا هذي تاع نعيطلك ومترفديش غيير متزيديش تعاوديها.. سارة:بصح.... سمير: بلعي..بلعي راني نهدر.. سارة سكتت  سمير: انا باش نبقا نهدر معاك بالتخبية هذي العقلية متخرجش عليا ..نقوللهالك ضرك..منهدرش خير.. سارة: كيفاه هذا متهدرش واش معناها ؟؟ سمير: افهميها كيما تحبي  سارة: يعطيك الصحة معليش..كيما تحب.. سمير كوبا وهو يغلي..هو يكره عقلية تاع يدير حاجة بالتخبية يحس روحو ماهوش راجل  . سمير يسب ويغلي وحدو حتى شاف وليد عمها داخل.. سمير: يحرق الراسة تاعكم ڨااع ..داخلين خارجين.. عاود عيط لسارة.. رفدتلو وساكتة  سمير: شوفي تحكمي شامبرتك متخرجيش منها .. سارة: ااه ؟؟ كيفااه هذا نحكم شمبرتي شبيك هبلت؟؟  سمير عيط: ر**** نهدر معاك ديري واش نقولك متقلقينيش..قتلك احكمي شامبرتك متخرجيش منها حتى يروحو.. سارة: هه مليحة هذي واش نقوللهم؟!  سمير: قولي واش تحبي ..قولي مريضة كرشك توجع فيك..راسك..المهم الفروخة هذو منحبهمش يشوفوك.. سارة: ونتا وين راح شوفني بلي حكمت شمبرتي ؟!  سمير: ساارة متهبلينيش قتلك احكمي شمبرتك.ولا والله راح نباصي على جدك اليوم.. سارة: بففف حتى فرحتي مخليتنيش نفرحها كيما النااس ..منسمحلكش..حڨاار  وبدات تبكي.. سمير: ابكي ياراستك .. انا وليت حڨاار..معليش يالالة..ديري واش تحبي ماليوم منعرفك متعرفيني ...وكوبا.. سارة شدت تليفونها وتبكي... جات يماها شافتها ..نخلعت.. حورية: شبيك سارة؟؟  سارة: كرشي ماما توجع فيا.. حورية: روحي ريحي في شمبرتك..ضرك نجيبلك الدوا.. .. سارة راحت لبيتها سمعت طونوبيل تاع سمير كي ديمارات..طلت عليه..وتبكي . سمير قلع وبعد محبش يبقا ثم
------------------------------------------------
الله يعينك على عبد كيما هدا ياسارة sarah_soussita