ولاد الحومة

😎بارت 2 😎

ياسين وسمير يلعبو ماتش مع الحومة لي قدامهم... نبيل : اوو سمير واش هذا علاه راك تكاسي ؟! سمير: وقتااش كاسيتك ؟! شحال تكذب نبيل : انا نكذب ؟؟ ورايحين يضاربو وتشادو بالهدرة...حتى سلكوهم ياسين جبد سمير سمير: قالو كاسيتو ..كون صح راه طايح يتلوى من رجلو.. ياسين: سمير شبيك مراكش نورمال ملي بديت تلعب ونتا ماراكش عاجبني ..كاسيت شحال من واحد!! سمير: انا ؟؟ زيد نتا ثاني كملت عليا . خي حالة ياخي..منلعبش هاوليكم الماتش اندبو بيه .. وراح ياسين يشوف في سمير ماشي نورمال ومبدل ...سكت معرفش واش يقولو خلاه يروح في هواه..بلاك راهو مقلق وباينة بلي صراتلو حاجة عطلاتو وهي سباب القلق تاعو.. ... سمير هبط راسو ويمشي رجع للدار..دوش..فتح الما يسيل عليه..وماهوش حاس بيه يخمم غير في سارة حب حياتو لي حبها وحباتو من صغرهم ..بنت حومتو لي عشقها من صغرها بصح اليوم تخطبت وسمع الزغاريت في دارهم ..صح علاقاتهم مكانتش باينة يعني غير مالبعيد خاطر ولاد حومة ومقدروش يتلاقو ..مي في زوج حاسين ببعضاهم ...يعني هو ماقاللها فالاول مصارحهاش مي كانت حاسة بيه خاطر اذا شافها طل مالتاقة يقولها ادخلي واذا شافها خرجت بلبسة متعجبوش ولا دايرة ماكياج يبهدلها واذا بطات مدخلتش للدار خاطر مرات دير لي كور للباك..يبقا يروح حتى وين تقرا باش يعسها كي تخرج ويبقا يشوف فيها مالبعيد حتى تلحق للدار ..وكل يوم هاك عارف وقتاش تدخل ووقتاش تخرج...وحد النهار فالشتا طولت مرجعتش للدار خاطر جوز عليه وين يخدم..تقلق راح لليسي ملقا حتى واحد .. سمير: اوو خرجو كامل وين راحت هذي ؟؟ عاود رجع لخدمتو لي قريبة لدار سارة..يخدم ومقلق حب يعرف وين راحت تقلق.. سمير يهدر مع روحو : زعما خرجت بكري ولا مراحتش اليوم ؟! ياسين: ولا بلاك مريضة ؟! سمير طلع راسو : ياسين !! ياسين: ههههه علابالي بلا متخبي كلش باين .. سمير مستغرب: واش لي باين؟! ياسين: ياو علابالي تحب سارة سمير: شكون قالك مكاش منها .. ياسين : ممم انا صاحبك تخبي عليا ؟! سمير: سكتنا ياسين.. سمير يهدر ويطل على دارهم .. ياسين يضحك عليه : ههههه قتلك راهي مريضة . سمير: شكون قالك مريضة ؟؟ ياسين: ياك ملاك لي تقرا معاها راهي معايا..وقالت مجاتش تقرا اليوم قالو بلاك مريضة.. سمير تنهد كان حاب يشوفها بصح مكاش كيفاه... ياسين قرب لعندو: متتقلقش عليها تبرا نشالله وترجع شوفها هههه سمير: امشي طير من قدامي خيرمن كاشما نقولك.. ياسين يضحك عليه راح وخلاه يغلي .. سمير راجع للدار وعقلو مع سارة .شاف في تاقتها لقا الظو طافي.. سمير: ااه ياعمري علاه مرضتي علاه .. وضرك كيفاه ندير باش نشوفك ونريح راسي... جبد ڨارو شعلو وبقا مقابل تاقتها يستناها بلاك تحس بيه وتخرج..
-----------------------------------------------------------
صحى فطوركم حبيباتي ان شا الله تكونو قاع بخير وعلى خير
متنساوش فوت وكومنت متقراوش وتهربو