ولاد الحومة

😲بارت45😲

#الحلقة_45:
اليلة هذيك سمير دخل لبيتو تكا في فراشو يخمم في ختو وراجلها لي المشاكل غزاوهم من كل جيه ويعرف احمد ويعرفو وليد فاميليا وعاقل وخدام بصح الدنيا صعيبة والمعيشة غلات ومعندو ميدير..وختو ماهيش موالفة هكاك خاطر مور موت باباهم خاوتها كانو يحبوها وعوضوها غياب الاب ووالفت معزوزة ماشي تاع ميزيرية ومشاكل
عيط لسارة حكا معاها شوي ..
سارة: خااه زينب راهي تعاني والله هي تحبو لراجلها وقاتلي مرة كون نطلب عينيه يعطيهملي واش وصلها للهدرة هذي؟!
سمير: المشاكل بزااف وزيد هي ماشي موالفة هكاك وهو حليلو حصل بيناتهم..
سارة: كنت حاسبة الحب وحدو يحل المشاكل .
سمير: الحب ميكفيش لازم بزاف صوالح يدخلو فالوسط..
سارة: ربي يفرج عليهم نشالله قلبي وجعني..
سمير: نشالله..ممم مكنتش حاسب عندك قلب ويوجعك ثان
سارة: ااه ؟! علاه معنديش قلب ..ياك راهو عندك..
سمير: مكاش عندي .
سارة عوجت فمها: سمير .ياك علابالك بلي نحبك
سمير: ممم ايه علابيها جارتي ومنشوفكش كامل..
سارة: وين حبيت شوفني؟! ياك غير نطل تكون معايا تبهدلني رجعت منطلش..ومتخلينيش نخرج بلا سبة..
سمير: ونتي متعرفيش تخلقي سبة وتخرجي..
سارة: ههههه نتا والله مهبول كيما درت معاك حرت..ديجا انا كنت راح نقولك على عفسة..
سمير: خير نشالله.
سارة زعما حشمانة: فالحقيقة ..عرس خو مريا قرب..وعرضتني .ومعنديش واش نلبس..
سمير: نتي لي معندكش ؟! ولي لبستيها في عرس ختي؟!
سارة: اااع هذيك لبستها وخلاص..شافوني بيها لازم وحدة جديدة..
سمير: ممم ايه اشري واش تستناي؟!
سارة: بففف سميير..معنديش
سمير : واش معندكش ؟؟
سارة: معنديش الدراهم !!
سمير: ههههه كنتي تقوليلي ملول معندكش الدراهم متبقايش دوري و دوري وحكاية الروبة..
سارة: والله حابة نشري روبة جديدة..
سمير: ايه ويادرا كيفاه دايرة الروبة هذي؟!
سارة: والله شابة تهبل ..عجبتني تتباع قدام لافاك ..
سمير : ممم غدوة نتلقاو املا..ونشوفك.
سارة فرحت : عههه يعني تشريهالي..
سمير: قتلك نشوفك مقلتش نشريها
سارة: اععع سمير تعز فيا روبة .
سمير: والله منعزها فيك بصح نتي ماشي شابة ماشي شابة علاه تخسري في دراهم على الحوايج بلا فايدة ..
سارة: بففف سمير انا ماشي شابة؟! تهدر منك صح ؟؟
سمير: ايه ماشي شابة علاه شكون قالك نتي شابة !؟
سارة: سامط متهدرش معايا ...هبطلتي المورال .
سمير: مهبولتي روحي ترقدي..ولا نجيك نشنفك ضرك..نردك مشنشفة
سارة عوجت فمها: ياك انا ماشي شابة ..
سمير : ايه ماشي شابة بصح نحبك..
سارة: مام انا نحبك..
سمير: نجي؟
سارة: اعع وين جي مهبول نتا ؟!
سمير: املا طيري ترقدي خفي..
سارة: اووك.تصبح بخير عمري
سمير:ق***
وكوبا.
..
غدوة منذاك سارة وسمير عند الفيترينة باش يشوفو الروبة..
سمير يشوف في سارة..في وجها.
سارة: ههه شبيك علاه شوف فيا هكاك ؟؟
سمير: مكاش ادخلي..
دخلو يشوفو
سارة: سمير هايليك شوفها ووااو تهبل .
سمير شافها تخلع..خزر فيها .
سمير: ساارة..هذي ؟! هذي راهي عريانة كامل !
سارة: ياك نلبسها مع النسا..
سمير : امشي قدامي شوفي ..
سارة شنفت: سمييير علاااه والله عجبتني ومع النسا برك..
سمير: لالا اقعدي عريانة خير متقلقينيش..قتلك امشي.
وجبدها من يدها وخرجها.
طلعت فالطونوبيل وخبطت الباب مشنفة
سمير: نحيها خير..تخلصيها نتي وقيل...
سارة تغلي كي محبش يشريهالها .
سمير طلع ويشوف فيها مشنفة.
سارة دموع في عينيها: اول مرة نقولك شريلي حاجة تعزها فيا..
سمير: نع** ****** انا نعزها فيك يالراسة ..قتلك عريانة متفهميش نتي
سارة: بصح انا هذيك لي عجبتني
سمير استغفر: سارة شوفي وحدوخرا نشريهالك..
سارة: نو هذيك..
سمير: سارة متهبلينيش قتلك شوفي وحدوخرا ولا والله نحلف عليك متروحي .
سارة: بففف امشي نشوف وحدوخرا..
نزلو قلبو لقاو وحدة مليحة شراوها سارة داتها وراحت للطونوبيل..
سمير: روحي نخلصها ونجي...
سارة طلعت فالطونوبيل حتى شافت سمير جاي وفي يدو ساشي .طلع ورماه فوقها.
سمير: شدي
سارة قلبت لقاتها الروبة هذيك..استغربت
سارة: كيفاه حتى جبتهللي مقبيل ونتا تسب فيا عليها..؟؟
سمير ديمارا : خاطر خذيتي الراي وزيد خبيها كي نتزوجو والبسيها .
وغمزها.
سارة تبسمت وحشمت وهو يضحك
-----------------------------------------------------------
يا اوملي 😍