ولاد الحومة

🙄 بارت7 🙄

ماريا وسارة راحو يقراو ليكور. ماريا: مخفتيش سمير يجي ليك ويلقاك مخذيتش رايو ؟؟ سارة: ميهمنيش..معندو مدخلو ماريا: والله انا خفت في بلاصتك سارة: متخافيش مكاشو اليوم غالق مخدمش.. ماريا: مممم بلاك مفطنش ولا عندو شغل.. سارة: منعرف بلاك.. .. قراو نهار كامل..لحقت لعشية خرجو كان الريح والسما مغيمة..رجعت الظلمة فالطريق ماريا : الحالة راهي تخوف.خفي سارة نلحقو للدار.. سارة: متخلعينيش ..امشي نزربو . هوما يمشو وحدهم طريق فارغة لحقت طونوبيل لعندهم. جمال: بسس واش راكو ديرو هنا..!! سارة ومريا شافو فيه منبعد كملو طريقهم..ويزربو.. جمال راكب مع صاحبو سعيد.. جمال : متهدروش معانا قيمونا يا سيدي.. سارة متقدرش تسكت لازم تهدر..خزرت فيه.. سارة: كون تكمل طريقك وتخطينا ماشي خير.. جمال: ايهييه نخلي عمري ونروح..والله متصير.. وزاد فالفيتاس قطعلهم الطريق..ونزل هو وسعيد.. ماريا خايفة شدت في سارة.. ماريا: سارة راني خايفة..اه ياربي مكان حتى واحد فالطريق.. جمال : متخافيش الشابة رانا هنا ههههه سعيد: هههههههه كون تخافي مجيش منا.. سارة شدت ماريا وجات رايحة شدها جمال من يدها.. سارة: اطلقني ..اطلقني...يالحمار..متحشمش.. جمال يعطيها كف : لسانك طويل نتي.. ماريا ولات تبكي مالخوف: اطلقها..عيشك خويا خلينا نروحو ديرنا خياتك.. سعيد : انا ختي متمشيش فالطريق هذي فالوقت هذا.. ماريا: والله منزيدو نجو لهنا..المرة لخرى خلينا نروحو.. سعيد: طفرت ظرك ههههههه سارة جات تهدر غلقلها جمال فمها..وهي تتخبط ويجبد فيها للطونوبيل.. .... نرجعو لسمير لي كان مريض بالحمى..ماهوش عارف بلي سارة راحت تقرا ودارت رايها... شرب دواه ...لعشية حس روحو مليح ناض مالفراش راح للكوزينة.. فطيمة: واش وليدي ريحت شوي ؟! سمير: لباس راني مليح.. فطيمة: ارجع لفراشك علاه نضت؟! سمير: نروح نشري قهوة ودخان ونجي. فطيمة: بووه فالبرد هذا. سمير: معليش نمشي شوي نحرك روحي.. فطيمة: مطولش ولبس مليح.. سمير: منطولش.. لبس سمير لافاست تاعو..وسباطو وخرج ..لحق قدام دار سارة..بدات الشتا تقطر..كان حاب يعرف اذا راحت ولا مراحتش... سمير: زعما تكون راحت ؟! سمير: نروح نشوف اذا راحت مهنانيش خاطري.. راح يمشي تلاقا مع ياسين وسيد احمد صحابو فالقهوة..بقاو يسقسو فيه..وهو عقلو عند سارة اذا راحت ولا مراحتش.. ياسين فاق به مقلق.. ياسين: شبيك سمير؟! سمير: ياسين نظربو دورة هنا بالطونوبيل ونولو.. ياسين: امشي.. ركب ياسين مع سمير وراحو وين تقرا سارة.. ياسين مفهمش معرفش واش يحوس.. سمير ساكت.. ياسين: واش كاين سمير تبانلي نقلق؟! سمير: مكان والو.. لحقو للطريق لي فيها سارة وماريا.. شافوهم يجبدو فلبنات.. ياسين: شكون المراخس هذو..؟ وهاذيك ماشي ....ااه ..سارة؟؟ سمير مخلوع سارة غالقلها فمها ويضرب فيها جمال...حس روحو هبل خلااص.. كيفااه سارة يضربوها..كيفاه حبيبتو تنظرب ويصرا فيها هاك.. سمير : حببس.. ونزلو ليهم .. سمير راح لجمال ديراكت يعطيه بدماغ.. طلق سارة لي كانت تبكي وتترعد مالخوف.. جمال: شكون نتا باش تضرب فيا ؟! سمير: انا ن**** تاعك..اليوم نقتلك يالرخيس... ياسين شد سعيد من صدرو :متحشموش تتبلاو فلبنات.. سعيد: نحي يديك.. ياسين يعطيه بضربو..ورجعو يضاربو كامل.. سمير : تفوو يالخامج..تحط يدك على لبنات والله نقتلك اليوم سمير عاود جبدو يضرب فيه بالدبزة بالركلة ...يضرب بحقد وبهستيريا...ومن قوة الغش نسا المرض كامل.. حتى جبدو ياسين..وسعيد جبد صاحبو لي مدمدم..رجع كامل وجهو مضروب.. وحتى سمير مجروح كامل ومدقدق المرض وزاد عليه الضرب.. جمال: م..معليش نتلاقاو.. سمير: في موتك يالمرخس تفو يل**** ***** سعيد وجمال راحو.. سارة كانت بعدت خاطر شافتهم يضاربو هربت مع ماريا خايفة منهم.. سمير مسح الدم من وجهو شاف سارة تمشي بعيد وتزرب مع مريا. خزر في ياسين : ارا المفاتح.. ياسين رماهملو : واش راح دير؟! سمير: ضرك نرجع
-----------------------------------------------------------
سمحووووولي عمبالي بلي حطيت هاد البارت روكار مي الله غالب مكنتش فالدار
فوت وكومنت متنساوش
في رايكم واش حيدير سمير فسارة 🙄🙄