مشاعر خارج دائرة الصمت

البارت ٥٢

رغد:ام شكلهة يخبل

ريام:هاي من جبتي لليوم ايسر خبصنة زينوهة ورتبو السرير وجابلة سرير جديد

رغد:حلوووة كلش ،اباوع مزينهة نفاخ ونشرات وجايب لاحمد سرير ناازك عجبني كلش ابتسمت وباوعت لريام لعد وين البنات

ايسر:فوك يلعبن
رغد:وينهن اشتاقيتلهن خلي يجن يشوفن اخوهن

ريام:هسة اصيحهن دخلي حمود نايم وتمددي شوية صدك تمددت وحمودي بسريرة يمي ابتسمت
ايسر:يشبهج
رغد:بعدهة ما مبينة ملامحة
ايسر:بس اني حافظ ملامحج واعرفهة كلش زين هو يشبهج
رغد: كعد يتنعوص جوعان
ايسر:شبي هيج يبجي واتقربت شلتة بحضني وهو يعيط هاي ليش هيج

رغد:جوعان انطينياه

ايسر:خلي تجي ريام تسويلة ممية

رغد:لا اني ارضعة خليت خاولي على صدري استحي ارضعة هيج كدام احد وانطانياه ايسر صار يرضع بجووع سكت وسكن بحضني ويرضع فتح عيونة اباووع لونهن ازرررك بلون عيوني ضحكت وكتلة صدك يشبهني حتى عيوونة بلون عيوني

ايسر:لا بربج ايا سرسري كل الزينات خامطهن من امك ولك تطلع صاك والبنات تركض وراك

رغد:(على امة

ايسرط:بس امة جمالهة بس الي وبس وتقدمت سحبت ايدهة بهدوء ولزمتهة بين ادية كتلهة اذا كلمة ااسف تعوض السويتة بيج فمستعد اكولهة منا لباجر اني اسف وهووواي اني تعبتج وما استاهل كل هذا اهتمامج بس اعرفي اني بس وياج احس روحي قووي انتي مصدر قوتي وانتي مصدر املي بالدنيا هاي

رغد:خليت ايدي على وجهة اتلمسة كانما دااكتشف انسان ثاني جديد ما شفت ايسر بهالهدوء والتفاهم من وكع لليوم كتلة اذا اني مصدر قوتك فانتة حمايتي وسندي وفرحتي وامي وابوية انت مختصر الدنيا كلهة بعيني

ايسر:رغد اني قررت اسوي العملية بس اريد اعرف شي

رغد:لمعت عيوني فررحة ياربي دخيلك تممهة،كووول حبيبي

ايسر:لا تكولين حبيبي جدي مسموط انوب هذا الحقير يحرك بدمي مسخسخ بحضنج ويرضع مرتاح جاي يتعدة على ممتلكاتي 1

رغد:هههه لا خطية غير جوعان لا تغلط عليه

ايسر:اتشاقة يابة من هسة اشتغل الدفاع بس صدك رغد اذا منجحت العملية شتسوين

رغد:لااسم الله لاتكول هيج

ايسر:بداعت ابنج جاوبي وبصراحة
رغد:مااسوي ايسر وخليت حمودي بصفي وقربت وجهي عليه وحجيت بصوت كلبي اريدة يسمعة ويتاكد،اني نفسك وياية بنفس الغرفة يكفيني والله لاتتخيل اعوفك بيوم انتة صرت جزء مني مثل احمد مستحيل اتخلة عنكم حتى بناتك احسهم صاروا قطعة مني اني هذا بيتي وبيت جهالي ومااطلع منة الا ميتة

ايسر:اشش خليت ايدي على شفايفهة وهمست اموت وراج والله اتلمست شفايفهة مشتاقلهن مشتاقلهة كلهة سحبتهة علية اكثر ورويت عطشي منهة صار شهور عطشان واتلهف ارتوي من شفايفهة وحسيتهة هي هم متلهفة علية تبادلني كل مشاعري ابتعدنة على عيطة قموورة فتحت الباب وكالت نوووونو

رغد:بادلتة لهفتي عليه وشوقي الة احبة واحتاجة ومامستعدة اتخلة عنة ابد قاطعنة هجووم قمورة همزين مركزة عالنونو مو على وضعيتنة هههه اتفشلت عيب وايسر همس وكتج يابابا والله اوقاتج تعبانة ضحكت وكتلهة تعالي اريد بوسة

قمورة:خفت عليش(عليج)

رغد:يمة فدوة لبناتي اليخافن علية ليش

ملاك:هلاوووو خالة اجييتي
رغد:هلا ببنيتي العاقلة الجبيرة وفتحت ايدي اجتني خجلانة حضنتهة وبوستهة كتلهة اهتميتي باختج من رحت

ملاك:اي خالة

ايسر:مو اكول ماما احلى
ملاك:يعني عادي اكوول

رغد:اااكيف والله بس اريدهة من كلبج
ملاك:ماشي ..ماما رغد

ابتسمت:عفية بحبيبتي تعالي شوفي اخوج والتهن يلعبن وياه فرحانات حتى قمر كوة اقتنعت تنام يم اختهة لان ريام ماقبلت ينامن يمي لان عملية واحمد يكعد يبجي عذبني بنومتة على ما استقرت نومتة وايسر خطية من يشوفني اتعب يسحب سريرة يمة ويكلي نامي انتي من يجوع اكعدج ولو على اعصابي هههه جنت اضحك على حجايتة افرح من احسة بلهفتة واشتياقة الي احب لمساتة وبوساتة حنيتة رقتة حتى رجع ينام يمي عالجرباية وياخذني لحضنة اغفة براحة احمد غير حياتنة جانت لمة العائلة كل جمعة يمنة بيت سعد وريام وبيت احمد الي بقوا شهر يمنة ومشوا بس مااحسة مثل طبعنة احسة ماخذ اطباع الغرب انسان عملي قليل الكلام جدا😁بس حباب وخدوم وميستنكف حتى من يبجي احمد يكلي سويلة ممية وجيبي ارضعة وكملي شغلج زوجتة بقت يمنة اسبوع واخذت جهالهة وراحت تشوف اهلهة بغير محافظة اصلا وهو متعرف عليهة من الكلية ومتزوجين، قمورة وملوكة طايرات باخوهن ولو بجة ملوكة تدخل انذار تهز بي وتحاول تسكتة قمورة ساعات تغار وساعات طايرة بس اني احاول اعلمهة تحبة مر شهر ونص وحمودي نشنش وكبر شوية ايسر مكيف بي ودائما ياخذة ويكعد بالحديقة يشمسة اصيح باردة لايتمرض يكلي معليج ابني سبع خلي يتشمس مو زين حابستة بالغرفة وطبعا منو يكدر لعنادة ،،،،كمل ايهم اوراق السفر الة ولايسر شكد تمنيت اروح وياه بس صعب ابني والبنات وهي اصلا مو رحلة مال نسوان ينرادلهة رجال اتفاجأت مرة من دا يسولفون على مبلغ العملية وكالت الحجية لايسر بيع الشقة
ايسر:لا يمة الشقة اني سويت بيهة تنازل لرغد اريدهة ضمان الهة لاحمد كلشي يصير هاي دنيا

رغد:وجعني كلبي من حجايتة مال الدنيا كلة ميغنيني عنة بس هو من يقفل خلص سعد باع قطعة ارض عندة والحجية هم جملت الفلوس ودبروا فلوس العملية الحمدلله ،وسافر حبيب الروح وسولة الفحوصات والتحاليل وقرروا عمليتة واجة اليوم الموعود شكد دعيت وصليت بي دموعي مانشفت اصلا اكل كطعتة من راح اكل بس شوية تمر عالمود حليب احمد لا ينشف خابرنة قبل العملية بساعة وسلم عالكل واني اخر وحدة اخذت الموبايل ودخلت للغرفة ...الو

ايسر:هسة ردت روحي الو يا روح روحي
رغد:😭 حبيبي
ايسر:اششش لاتبجين كافي والله تشلعين كلبي واني بعيد مااكدر اسكتج واخذج بحضني رغد اسمعيني شيصير هذا قضاء رب العالمين

رغد:ابووس ايدك لاتكوول هيج

ايسر:حبيبتي بس..

الكاتبة ايه.....يتبع