مشاعر خارج دائره الصمت
البارت 37
ايسر:ههههه لا والله همزين لسانج من انطلق طلع المكنون رغد لا تتعبين روحج بالكلام وداري صحتج واهتمي بالطفل انتي شكد الج هسة
رغد:اشرتلة🤷♀️
ايسر:اي عفية لاترهقين نفسج بالكلام واني اصلا اموت على اشاراتج لا تحرميني منهة
رغد:صدوك ما جنت تضوج
ايسر:لج بابا اني اموت عليج كلج بقت عالاشارات
رغد:خجلت ونصيت راسي من كلامة
ايسر:اذا اجتي ريام للدكتورة راجعي وياهة لا تهملين حملج والله فرحان بيكم
رغد:حسيت بفرحتة مبينة من عيونة حبيت فرحتة بينة وحبيت ثقتة بية من ما قبل اناقشة بموضوع صهيب حسيتة صدك واثق بية وحابني وحاب طفلنة وحاب صوتي احس كلبي صار يدك بسرعة كملنة واتعشينة ورجعني لبيت ريام ورجع للمستشفى ثاني يوم الصبح حجزت ريام يم الدكتورة وكالت حجزتلج وياية ايسر خابر واكد علية🥰 هزيت راسي لموافقة بعدني انسة احجي وارد وصدك للعصر طلعنة وية عمتهة لريام جانت انسانة حبابة وطيبة حيل ودخلت ريام وطمنتهة على وضع الطفل بس كالتلهة نازل كلش والمي قليل اذا ماجبتي هالاسبوع احتمال عملية وطلعت خايفة دخلت وراهة وسوتلي سونار وكالت هذا طفلج وضعة تمام انتي نهاية الاسبوع الثامن بعد كم يوم وتدخلين بشهر الثالث ووضعج العام زين وراح انطيج مقويات الج وللطفل وكتبتلج الوصفة وانطتهة الي مديت ايدي دااخذهة وكالتلي شلون كدرتي تكملين وياه بعد كل السواه بيج لاعبالج نسيتج انتي بقيتي ببالي لان وضعج جان مينسي مااعرف شنو بداخلي انزعج وكتلهة مااتوقع يحقلج تتدخلين بخصوصياتي ردت علية وكالت حملج هذا نتيجة اغتصابة الج موو سحبت الوصفة ونزلت دموعي اني كل مااحاول انسى يجي شي يذكرني طلعت ومسحت دموعي مااريد احد يشوفني ويسألني مالي خلك والله تعبت اريد ارتاح كااافي اني بشر لامن اكرهة ارتاح ولامن اححاول احبة ارتاح شنو المريح بهالدنيا طلعت اخذت العلاج ورجعنا للبيت خابر ايسر ما رديت مالي خلك كلش تعبانة نفسيتي فرشت فراشي وتمددت واتذكرت كل الصار حتى فرحتي بالطفل الي اتوهجت من شفت السونار انطفت وراحت من اتذكرت شلون صار بداخلي هالطفل شوية واجتي ريام كالت
ريام: ايسر يتصل عليج وماكو ظل بالة يريد يتطمن عليج شبيج رغد من طلعنة لهسة انتي مو طبيعية وهوة ...
رغد:احس انفجرت بعد اريد احجي اعبر احد يسمع البكلبي كمت حضنتهة وكمت ابجي كتلهة تعبت ماجاي انسة لااني الناسية ومرتاحة ولااني المتجاوزة الصار ومكملة واكفة لهسة احس بنفس المكان مااريد اكره ايسر ولا جاي اكدر احبة اكو شي بنصنة واكف حتى حملي الكلت راح يجوز يخليني اتجاوز الصار نغصتة الدكتورة من كالتلي هي تتذكرني وتتذكر كل الصار بية اذا هي مانست لحد هسة شلون تردوني اني انسة
ايسر:ما طالب منهة تنسة اني طالب منج تنسين لان اني احبج انتي مو هية
رغد:فتحت عيوني هذا ايسر كبالي شجابة وشوكت باوعلي وكال وعيونة حمر وذبلانة.
ايسر:ادك عليهة من المغرب وماككو مترد وريام تكلي مابيهة شي والله بس تعبانة اجتي ودخلت مددت انتظرت تجي سهى يم قمر ووكلتلهة شوية وراجع ركبت سيارتي وطلعت لبيت ريام مامقتنع بحجي ريام احس بيهة شي فرحتهة مال البارحة مو مال تنطفي هيج دخلت للبيت وكلت لريام وينهة كالت يمكن نامت خل ادخل اشوفهة ضليت كاعد بالصالة واسمع صوت بجيهة علة اتقربت يم الباب وسمعت كلامهة كلة مااعرف شنو الموقف الي احنة بيه ثنينة اريدهة ومااريد اجبرهة تريدني وهي دتحاول بس طاقتهة متتحمل اذتني دموعهة وضعفهة بسببي دخلت للغرفة وهي انصدمت بوجودي اعترف احبهة ومو عيب الحب بس مااريد منهة حب جذاب لو حب مجاملة باوعتلهة وكتلهة كاافي رغد مسحي دموعج ماكو شي يستاهل تنزلين دموعج عليه كلشي ممكن بالغصب يصير الا المشاعر واني مستحيل اغصبج علية حابة ترتاحين اخذي وقتج حابة نروح لدكتورة نفسية من باجر اوديج مااعرف شتريدين بس شتريدين اسويلج +
رغد:صرت ابجي اكثر وتعبت احس كعدت عالرجاية وكمت اشهك لان اني نفسي مااعرف شاريد مالي احد وحدي بهالدنيا تايهة احس ومالي سند ولاالي بيت ارجعلة لو طلعت منا زين وين اطلع وهذا البطني شنو مصيرة اجة كعد بصفي وضمني لحضنة
