مشاعر خارج دائره الصمت
البارت 26
الحظ من لفت البلاستك وهية كل شوية كامزة بحضني الا شوية اخر شي زلكت ورادت توكع لزمتهة عود حتى لاتطيح لو عايفهة احسنلي😒تبللت ولزكت ملابسهة على جسمهة خرررب بالعشيرة اشتعل جد جدي عليهة هاي البنية هم بيهة شي موحلوو دخيل خالقهة نترت بيهة وكتلهة جبتج تعاونيني طلعتي انتي العايزة واحد يعاونج اطلعي باباتي اني اكمل وصدك ماعولت تفلت مني واحسن خلي تنفذ بريشاتهة 😈سبحت ولبست وطلعت وصحتهة للغرفة اجتي وهي مبدلة حجيت واني صاك اسناني استغر الله هاي لبسهة كلة هيج لو هي كل لبس يطلع عليهة حلووو كتلهة تعالي غيريلي الضماد تعرفين مووو +
رغد:طلعت بدلت ولبست دشداشة ليموني نص ردن ومخصرة شوية وبيهة من الصفحة فتحات كلبت الشقة ادور ابرة وخيط اخيطهن ماكو لحدماطلع من الحمام انجبيت وايست لان صاحني دخلت للغرفة وجان بس بالبجامة🤦♀️ياربي شنوووووو ادري زوجي بس ما ماخذة عليه واستحي منة واصلا علاقتنة مو مثل باقي الازواج وهو اسلوبة هم ماشاء الله كلة نتر وامر وصياح ليكول شرطي جوة ايدة ميساعد ابد واحد يرفض او يعاند لان بس يعقد حواجبة اخااف منة لايتعصب ويفقد انوب يريدني اغير الضمود واني اخااف من الدم والجروح وهيج سوالف هزيت راسي مااعرف كاال شينرادلهة اني اعلمج تعالي خاف داخل مي😡يبوووو يا هاليوم الاسود ميخلص سلمت امر لله ورحت فتحت الضماد يمةة والدم والجرح والخياط احس افترت الدنيا بية لزمت الجرباية التفتلي كال شبيج😡 هزيت راسي بماكو شي كلي جيبي الشاش والمعقم والبلاستر وسوي هيج وسوي هيج يبوو على ماخلصت احس الدنيا وكفت بية منا اوامرة وخوفي منة او خاف ااذي ومنا الدم والجرح جان نازف اخر شي لزكتة واتوجهت بس اريد اغسل اصحصح وارجعلة صاحني هووة التفت عليه بس افهمة ثواني ومااحس الا فترت بية الدنيا وكمت كوة اتنفس لزمت الميز حتى لااوكع وجاان.
ايسر:شفتهة تمشي كوة صحتهة اسالهة شبيج راسا داخت ولزمت الميز وهي ترجف احس كلبي فز عليهة كمت عالسريع ولزمتهة وكعدتهة عالجرباية انطيتهة مي تشرب كعدت يمهة وهي ارتبكت بالزايد اوووف ياخجلهة كتلهة بهدوء تعبتج اليوم مووو هزت راسهة وهي منصيةكتلهة ومتاكلين كومي وياي يلا اخذتهة للمطبخ وملحت الهة كلاص لبن وكتلهة شربي وخل اسويلج شي تاكلي هزت راسهة واشرتلة انه اللبن كافي واخذتة وراحت لغرفتهة 1
رغد:والله حيرني ساعة حنين وماكو منة وساعة عصبي ويخوووف شلون بشخصيتة المتقلبة شربت اللبن وشوية وطلعت غسلت وجهي وفرشت اسناني ورجعت باوعت بعدة كاعد بالصالة عالتلفيزيون رحت يمة واشرتلة راح ادخل انام تريد شي كال لا روحي نامي مشيت وصاحني رغد وكفت والتفتت عليه كالي ماكوشي روحي روحي اففف🤦♀️شكد متعب 1
ايسر:احس مااريدهة تفارك عيني صرت واثق انه هية عشعشت بنص كلبي وخضرت ومدت فروعهةبكل روحي كتلهة لا ماكو شي و راحت نامت ضليت كاعد عالتلفزيون بس بالي كلة بكلام خواني عنهة وهذاك النذل الي جان مبين اكو شي بداخلة الهة وجانت عيونة ووصياحة فاضحي اووف اتطخ ببالي اروح افرغ مسدسي براسة بس هين خل اخلص من سالفة هالنذل الصوبني واتفرغلة للنذل الثاني الي تجرأ يفكر بشي يخصني وملكي ومالتي شوية ودكت زوجة اخو سهى وجانت تتوسل اتنازل عن زوجهة وكالت ابوية متوفي وخواني على كد حالهم وسهى الضحى بروحة عالمودهة ربع ماانطتني وفوكاهة عذبتني اني وجهالي بطلباتهة واذتنة حيل بس تتأمر الله يوفقك ويحفظ بناتك طلعلياه اني نخيتك ترة مالي غيرة كتلهة يصير خير وسديتة منهة وضليت افكر والله سهى قبيحة اخلاق وحرامات ربطت اسمي وجهالي بأسم هيج انسانة كمت طفيت التلفزيون لان وراية كعدة الصبح وفتت نمت فزيت على رغد كعدتني اخذ علاج ورجعت نمت مافزيت الا على طكطتهة بالمطبخ كعدت غسلت وفرشت ورحت كعدت عالميز اني طبعي من اكعد من النوم مزعوج وكوة طايق روحي كتلهة يلا بسرعة وراية طلعة 1
