مشاعر خارج دائره الصمت
البارت الثامن
يسر:اتوقع عقلج واحساسج اجة متأخر عالعموم نجي للبيت ونتفاهم وسديتة منهة
ريام:شرايدة سهى
ايسر:رجعت وتعتذر وتكول الي تريدة يصير حاسة بغلطتهة
ريام:ايباااه وين جانت من صارلهة اشهر عايفتك وحدك انسانة حقيرة من حست انلبست مثل القوندرا جاي وحدهة تريد تصلح الامور
ايسر:ايجوز عقلت صدك
ريام:يعني تدافعلهة وتتوقع عقلت بعد كل الصار والسوتة وانتة المفروض اعرف واحد بيهة زين وذيج الربطتهة بيك شنو موقعهة بحياتك هسة اعتقد صدك انتة ظلمتهة روح ايسر روح ورة سهى وسوالفهة الخبيثة
ايسر:شبيج ريام تخبلتي شو تتجاوزين وشتعرفين عني هيج اني طايح حظ وامشي بشورهة
ريام:لا بس دروبهة العوج اتخوف واني ماخايفة غير بس ع هالمسكينة العلكتهة بيك
ايسر:وشسويتلهة اني لا تقربتلهة ولايمهة
ريام:هو هذا السبب اخاف تظل حاطهة طول العمر بيت وقف لا انتة العاتقهة ولاانتة المستقر وياهة وسهى لو عرفت اكيد متسكت انوب انتة وسهى والوكت عليهة
ايسر:موبيدي ريام الحب موبيدي كلكم تدرون ماتزوجتهة عن حب
ريام:بس هي صغيرة وتريد مشاعر واحاسيس اذا اكولك شي متزعل مني
ايسر:لو ازعل ما اسولفلج
ريام:اني اشوف انه الوضع خلي يبقى هيج شفت سهى استعدلت ومشت مثل الاودام كان بها انفصل عن رغد وخليهة تعيش حياتهة وعود حافظ عليهة من بعيدد
ايسر:قصدج مااكول لسهى اني اتزوجت شنو خايف منهة
ريام:لا ادري بيك شنو بس القصد ليش تتصور اكو مشاعر او علاقة وتأذي هالبنية وتتدمر علاقتكم وبناتكم يرحون بالرجلين خليهة تحت مسمى ممرضة وبس مثل مارادت هية
ايسر:هذا مو حل شهالخربطة خو من الاول اجيبهة ممرضة وبس
ريام:انتة غير جان قصدك تحافظ عليهة حتى لو بدون تقبل او رضا نفسي
ايسر:بس هية ما مكتفية بهالشي
ريام:حقهة ايسر انتة اذيتهة بهالتصرف وجرحت مشاعرهة لو اني بمكانهة احط سجينة بنص قلبك ههههه
ايسر:ايباه جريمة مسوي شنو
ريام:لاايسر احنة البنات اهم شي مشاعرنة واحساسنة تصور واحد يكلي بوجهي مااحبج واخذتج حتى تدارين والدتي واشيل مصرفج يمة يمكن اطك واموت حتى استرخص نفسي احس اشتريتني بفلوس ابدال ماظال تصرفي علية بدون خدمات عاد اخدم والدتك موصح هي هيج هسة فكرت بيهة هي متشوف الامور من نفس زاويتك ومتعرف نفسيتك شنو
ريام:انتة بنفسك مافاهم البداخلك عود هي تفهمك اني اشوف تنطيهة فرصة ولنفسك كانما خطوبة تقبلتهة وحبيتهة وحبتك كان بها ماكو مشاعر اعتقهة والعليك سويتة
ايسر:مااعرف حيرتيني يعني معقولة زوجتي وعلى سنة الله ورسولة واكول مجرد ممرضة ما بايك اني
