مشاعر خارج دائره الصمت
البارت 18
زهرة:على كيفك خالة هو كال الدكتور الوجع قوي وخصوصا اول اسبوعين اصبر الدكتور يعرف شغلة
الدكتور:شوية وتجي الممرضة تنطيهة ابرة مهدئة لازم تبدي الاعصاب تستلم الحافز وتحس مااريد ارجع ااثر عالعصب بالبنج والمهدئات من تحتاج ننطيهة شتقربلهة لازم انتة زوجهة
ام زهرة:لا يمة اخوهة هوة😐
صهيب:باوعت لبيبتي مااعرف حاسة بمشاعري تجاهة ميهم كلشي هسة اهم شي ترتاح ادري بمشاعري غلط هي متزوجة وميصير بس مالي حكم على كلبي حتى من رحت للدوام وصفنت عالسوتة وياية لكيتة ميدل غير بس على شي واحد انه هي بنية محترمة ومتربية صح لان حتى لو ما جانت رايدة زوجهة بس هي محترمة انه لهسة على ذمتة ورفضت اي تواصل وياية بالعكس يمكن كبرت بعيني اكثر ولكيتني بس اسمع عمليتهة اركض واعوف كل دوامي وطلعت بوجهي لبغداد وضليت قلق ورعب طول عمليتهة واحس روحي انعصرت من شفت تتألم ضليت اداري بيهة من بعيد ما ردت بيبيتي تنتبه وهي ذكية ماتفوتهة هيج سوالف لحدما عدة على وجودهة بالمستشفى ٥ ايام وطلعنة وصلتهم للبيت والكل تفاجأ انه اني جنت وياهم واكيد اني استلمتني
سعاد:هاي الملعبة عرفت شلون تفركم وتلعب عليكم خلت الكل يفتر وراهة ويداري ويهتم حتى انتة يمة الماينضحك عليك ضحكت عليك
صهيب:ابتسمت على تفكير امي عبالهة الطيب محتال ويضحك عالعالم عفتهة ومشيت وصيت ايناس تسوي شوربة لرغد لان عهود متطيقهة ادري
ايناس:يعني جنت يمهم بالمستشفى صار ٥ ايام
صهيب:اي
ايناس:شعجب مو حسن هناك عبالي بالدوام انتة من اتمرضت خالة مانزلت من دوامك
صهيب:هو تحقيق تعااالي امل سوي انتي اكل للبنية ومشيت
امل:اي جاية
ايناس:لج شفتي مو كتلج بينهم شي شفتي صارلة ٥ ايام مكابلهة لهالكلبة بقت تلعب علينة مسوية روحهة فقيرة
امل:حرام عليج مو ذاك اليوم كلتي طبكت الباب بوجهة لو بينهم شي تكعد وياه تدخلة
ايناس:لج هاي ادب سزز ودروبهة متنحزر هي ضلت تحوم على واحد من هالبيت لوماادب سزز متعوف رجلهة وتشرد شمدريج ما مسوية مصيبة وشاردة منة لايكتلهة
امل:لا حرام عليج مو حتى حسن حاجاه لو هي هيج متدخلهة بيبي بيتنة
ايناس:اسكتي منو عينج محامي دفاع بس مااخليهة هنا الااشردهة وشوفي ورحت واني اغلي بس تصنعت البرود من شفت صهيب كاعد يمهة وكتلهة رغودة البيت اظلم بدونج
رغد:ارتاحيت لمعاملتهم بس ما جنت مرتاحة لقرب صهيب حسيت الكل نضراتهة بيهة شك وهو زودهة باهتمامة بحيث حتى خالة زهرة ثكل وجهة علية جنت كاعدة بغرفتي ودخلت ايناس تسولف وتضحك وكالت اريد موبايلج ارسل لصديقتي
