مشاعر خارج دائره الصمت
البارت 36
رجعت اتأكد كتلهة رغد وياية واسمع ريام عاطت وتهلهل وخبصة اريد افتهم ماكو وانسد الخط
رغد:جنت غركانة بدموعي واني ادعي لقمر احس حبهة انزرع بقلبي مالهة ذنب بكلشي ودك ايسر من سمعتة يكلي قمر صحت الحمد لله مااعرف شلون طلع صوتي من صدمة الفرحة لكيتني بلا وعي اردد الحمد لله الحمد لله مامنتبهة اني نطقت من صدمتي نبهني صوت ريام
ريام:رغدددد عزززا نطقتي ولج رغدددد انتي تحجين
رغد:اييي ااااحجي وانتبهت لروحي احس ما سيطر اوكف من الفرحة ابجي وارجف واحجي للللج ررريام نطقت رررريام جججاي تسمعين صوتي ريام قمر صحت وصوتي ررررجع وسجدت لربي اشكرة وابجي بجيت بس هالمرة بفرررح وريام تسكت بية وضلت تهدأني لان صدمة جبيرة الية جانت ما تخيلت بيوم اسمع صوتي ابد
ريام:الحمدلله ولج رغد ما مصدكة سمعتلج صوت صح ناصي بس صووت واضح
رغد:بهالاثناء اندك الباب وراحت ريام تفتحتة وجان يدخل ايسر وركضت لعندي وكعد كبالي لزم وجهي بين اديه وكاللي
ايسر:طرت من سمعتهة نطقت اتطمنت على قمر وطرت بسيارتي الهة سمعت صوتج مو بروح ابوج احجي
رغد:اييي ااايسر ررجع صوتي هو سمعني نطقت وجرني لحضنة حيل ويردد الحمدلله الهي جبرت خاطري وعفيت عني الحمدلله
ريام:احم احم مو اكول مصختوهة بالاحضان
ايسر:معليج اشششش، رغد باجر اخذج للدكتور اتطمن عليج حاولي لا تجهدين روحج بكلام هواي ماااشي
رغد:هزيت راسي
ايسر:كوولي ماشي
رغد:ممماشي،ششلووون صصاارت قممممر
ايسر:طمنة الدكتور عليهة وصحت وانتبهت واكلت وهمست شكرا لدعائج ووكفتج وياية متدرين شكد خففتي عني وبستهة براسهة
ريام:احمممممم اتدخلون للغرفة
ايسر:ووجع حتى انتي ضدي طالع يابة راجع للمستشفى وانتي شوكت تفشين
ريام:ماادري والله بعد يومين موعد وية الدكتورة ونشوف
ايسر:الله يسهلج يلا اروح اني محتاجين شي
رغد:هزيت راسي بنفي
ريام:احجي ولج
رغد:لا😯
ايسر:كلت بكلبي من اروح فدوة لهالصوت نااااعم وناصي عبالك همس طلعت ووراية ريام التفتت عليهة كتلهة ريام ديربالج عليهة لا تخليهة تتعب وخلي تاكل زين لا توكع ادري بيهة تستحي
ريام:شوف شلون منو جان يصيح اطلك ومااريد ومااحب وجبتهة لخاطر امي
ايسر:واحد اثوول😒
ريام:هههههه🤭حشاك بعيوني شنو غير اختي هية وبعدين من منو تستحي شو حتى عمتي رجعت لبيتهة كالت مادام هي يمج عليمن عايفة عمو وحدهة
