مشاعر خارج دائره الصمت
البارت 33
رغد:فتحت عيوني متفاجئة لا لا هاي هووواي موبايل واطلع ابتسمت وهزيت رااسي واشرتلة ابدل واجي،رحت بسرعة بدلت عزااا الجبة شو صايرة ضيكة كوة قفلتهة لفيت شالي لبست حذائي وطلعت باوعلي من فوك ليجوة رفع حاجبة🤨 +
ايسر:ماكو اضيك من هاي ملابسج مقسمة جسمج روحي بدليهن
رغد:اشرتلة ماعندي غيرهن
ايسر:استفغر الله شلون انزلج هيج
رغد:دمعت عيوني افففف شسوي هي هاية اشترتهة خالتي ومن جابت زينة شو هسة ضيكة
ايسر:دخيلج لاتبجين امشييي كدامي عود نشوف محل قبل لاننزل
رغد:كتبتلة مو مهم انزل من السيارة بس خل نطلع حتى لو نفتر ونبقة بسيارة بس اريد اطلع من البيت ضجت
ايسر: انقهرت من قريت الكاتبتة كتلهة مااشي يلا 😊نفتر ونغير جو وناكل ونرجع
رغد:ركضت كدامة ولزمني باوعلي وكال 😡على كيفج انتي حامل ،😐نسيت هزيت راسي مااريد شي يعكر فرحتي نزلنة وطلعني افترينة بالسيارة وجاب عشا اكلنا بسيارة لفات وبيبسي ورجع جاب موطة وكرزات احس طررررت صااار شكد مشايفة الشارع ولا شايفة بشر وشامة هوة نظيف اباوع عبالك مشايفة وكفنة باشارة رفع الجامة وكاللي ديري وجهج السيارة البصفنة كلهة شباب نزلت وجهي وباوعتلة كل شوية مباوعلهم ويخزر بيهم هسة همة مباوعين هذا شبي 😒والله جايب لروحة المغثة وصلنة محلات ملابس نسائية كاللي نزلي كتبتلة ما شايلة فلوس هسة
ايسر:انتي صدك ماتستحين ماخذة رجال لو جيس روبة نزلي يلا 1
رغد:🤐نزلت وهو يمشي بصفي فاتوا بنية وولد وجانت لازمة ايدة حلو منضرهم وهمة يتمشون ما احس الا لزم ايدي وتمسك بيهة وكاللي مااخلي شي بنفسج اليوم 🤗
رغد:احس ناار واشتعلت بجسمي من الخجل احاول افلت ايدي وهو لازمهة بقوة ومبتسم دخلنة للمحل وجانن الي يبيعن بنات كاللهن ايسر اريد ملابس حوامل اخذتني وحدة تفرجني عليهن وهو اجاه اتصال وطلع بالباب يخابر وحدة من الي يبيعن ضلت تحوس كدامة مرتين طلعت ورجعت وكل شوية تباوعلة اذا كمل اتصالة ضجت منهة ليش ضجت اني شجاني كمل اتصالة ودخل واشرتلة اجة يمي لزمت ايدة عناد بيهة هي سوت روحهة مشغولة وية غير زبونة شوفتة فستان طويل كال حلو وهو طبعا عاجبة الوضع ومبتسم واني مجلبة بي واختارلي هو فستان ثاني وكال بعد بس انزعجت من هاي التنطنط من كالت اساعدكم بشي هزيت راسي بلا وانطيتهة الملابس وايسر كاللي اخذي بعد خلينة حلوو المكان😁 اشرتلة بغضب لااااا 😡كاللهة لعد رهميلنة وياهن شالات على ذوقج الحلووو هي ضحكت وكالت تتدلل هناااا كلت لااا الظاهر عاجبة الوضع ومسترخي وما مالية عينة السطلة الواكفة بصفة ضغطت على ايدة وهو كال شبيج رغد اكو شي مضوجج مارديت جابت الشالات اشرتلة مو حلووو😝 ابتسم وكال تعالي انتي نسقي وياهن وكاللهة زوجتي ذوقهة صعب 😊 هي ضاجت وصاحت صديقتهة وكالت اعذروني عندي شغلة صديقتي وياكم😠 اني ابتسمت من انقهرت هالسخيفة اختارينة وكملنة وحاسب وطلعنا مرينة لمحل احذية وجنط نسقت وياهن طقمين وطلعنا صعدنة بالسيارة والتفتلي وكاللل تدرين تصيرين تخبلين من تغاااارين
ايسر:احسهة ارتاحت كلش من طلعتهة هم خطية صار شكد محبوسة جبت عشا للسيارة ما اتحملت انزلهة لمطعم الجان ازدحام وهي هيج لابسة افترينة وغيرنة جوو واحسهة مكيفة وتباوع بلهفة للشارع وللناس عبالك طفلة وكفت بصفنة سيارة وبيهة ولد ومعلين صوت الاغاني ضجت مبينين موراحة وبس يتلفتون وماعندي مانع تصرف واحد منهم افرغ مسدسي بروسهم فضليت اخزر بيهم كل شوية هم بس فتحت الاشارة طفروا وصلنة لمحل ملابس جانت سهى توكفني يمة دائما تشتري فاعرف البي بنات حتى مااتنرفز 😁نزلنة وانتبهت كدامنة ولد وبنية ورغد مركزة بلزمة الولد لايد البنية واني اريدهة من الله الزمهة كلت فرصة اثول لو ضيعتهة ههههه لزمت ايدهة واتحججت انه مااخلي شي بنفسهة عوود لخاطرهة مسويهة اني 😈والله اني الميت على لمسة منهة وخطوة تقربنة من بعضنة عندي هاي اشتريهة برروح دخلنة للمحل واجاني اتصال انه باجر لازم اداوم وصايرة خربطة بالدوام وهوسة كتلهم هواني ناوي اصلا اداوم باجر انتبهت لبنية من الي يبيعن بالمحل تباوعلي وكل شوية متحججة بشغلة وطالعة يمي برة مااحب هيج نماذج استحقرهة البنية كتلة حياء وانوثة واي تصرف مثل هالتصرفات يخدشهة وينزلهة بعين الرجل ميصعدهة فيسقط الحياء وتبقى بس الانوثة هنا يباوعلة الرجل بنضرة الجسد فقط هاي جانت وجهة نظري فجنت اي وحدة اشوفهة هي تبادر وهي تعرض نفسهة اطب عليهة اكس××بس الاستغربتة اكثر من تصرف هالبنية هو غيرة رغد الي الظاهر انتبهت لحركاتهة بحيث عينهة جانت علية اول ما دخلت اشرتلي اجي يمهة اتقربت وجان تلزم ايدي اوووف ذبت بلمسة ايدهة الناعمة وتمسكت بايدهة انووب اجتي هاي البنية وكالت اساعدكم بشي كلت هلااا اجتي الطوبة بملعبي خلي ابدي احرك مشاعرهة لرغد ناحيتي كمت احجي وية البنية ورغد طنكرت واشرتلي خلصت ماجانت مشترية بس قطعة كتلهة لا كملي اشتري بعد مقبلت تالي نسقتلهة قطعة ثانية وكلت للبنية نسقي شال بذووقج الحلوو😈رأسا ضغطت رغد على ايدي بتوتر كوة لزمت ضحكتي عبالك طفلة وخايفة ياخذون ابوهة سالتهة ماجاوبت 😐هههههه صدقة لربج على هالوجه الضايج مال اعضج من خدودج جابت البنية الشالات عقجت وجهة رغد ما عاجبتهةواشرتلي موحلوات🤦♀️🤷♀️ خليتهة ترجعهم واباوع الرغد ابتسمت 🙂رحنة كملنة شتحتاج وبودي اطول الوقت حتى تظل بهذا شكلهة الغيران اليخبل صعدنة للسيارة باوعتلهة وكتلهة تدرين شكلج يخبل من تغاررين علية😏 +
رغد:صدمني بجرائتة وارتبكت وماجنت اعرف هالكد مفضوحة اني بعدين شكدثولة اني ليش اغار شعلية بيه كتبتلة مو غيرة بس احترام لوجودي
ايسر: قريت الكاتبتة وضحكت من كل كلبي وهي فاتحة عيونهة😠ماعاجبهة كتلهة ايييي خوش اعذار اصلا غيرة ومبينة حبيتيني بس ماتعترفين😏
رغد: اشرتلة بلااااااااا 🙍♀️🙍♀️وكتبتلة اريد ارجع للبيت تعبت
ايسر:ضجت من عنادهة مو تدري ميت عليهة بس يلا ينراد وقت متجي بليلة وضحاها خلي انطيهة وقتهة رجعنة للبيت وهي اول ما دخلنة اشرتلي محتاج شي اروح اناام كتلهة لا اخذي راحتج +
رغد:حسيتة ضايج بالرجعة اوووف هو بالغصب خلي ينطيني فترة ووقت مااجذب اميل الة بس مو احبة اذا بقة بهذا طبعة والله احبة واعيش وياه طول العمر وماافاركة بس لا يعصب ويرجع لطبعة الي يخوفني اخاااف احبة واتندم خاف من يتأكد من حبي يرجع لطبعة واسلوبة القديم خاف هذا مجرد قناع لابسة حتى يوهمني بي ويعلقني بي ويرجع ايأذيني تعبت من التفكير والله اريد ارتاااح ضليت اتكلب بفراشي رغم تعبت بس مرتاحة نفسيا وافكار كومة تتخبط براسي تقريب مرت ساعتين لهيت روحي بالموبايل احس بغير عالم جنت بدونة باوعت الساعة بالوحدة كلت نام ايسر يجوز خلي اطلع اكعد اسويلي كلاص عصير برتقال شو اشتهيتة هسة هههه بدت الظاهر خبالات الحمل جنت لابسة دشداشة طويلة وربع ردن كلت عادي مابيهة شي ماابدلهة حتى لو كعد ايسر طويلة طلعت للمطبخ وجان البيت هدوء وايسر ماكو كلت نايم لعد سويتلي كوب عصير وطلعت اشربة بصالة توجهت عالصالة يمة واخترعت بايسر كدامي جان جاي يكوي بملابسة وساحب الطبلة الوسطية يكوي عليهة احس تصككت بمكاني من الخوفة بسم الله هذا من شوكت هنا دار وجهة علية ورجع يكوي وكال شنو شفتي جني شبيج اتصفصفتي انتبهتلة دايكوي ببدلة للدوام خليت كلاص العصير عالميز مال التلفزيون ورحت جبت قطعة قماش اخليهة عالبدلة حتى لا يتأذة القماش وتصير بي لمعة سحبت منة المكوي حتى اكووي
ايسر:ماكو داعي اني اكمل
رغد:مارديت عليه واخذت المكوي و رتبت البدلة وخليت فوكهة القماش وبلشت اكوي كاللي من طلعنة خابروني يردوني للدوام جان اخذت البدلة للكوي مااكويهة بالبيت اني بس هسة اتذكرت واضطريت اكويهة باوعتلة واشرتلة ليش ما دكيت الباب علية
ايسر:عبالي نمتي كلت خطية اكعدج
رغد:رجعت اكوي وهووو كعد عالقنفة وراية صاار ضوجتني كعدتة وراية اتقيدت باوعتلة ملتهي بموبايلة كلت احسن كملت عالسريع وانطيتة البدلة كاللي شكرا هزيت راسي وداامشي صار كدامي وكال مو لازم عربون شكرر باوعتلة مستغربة 🤔مافاهمة شيقصد وجان
ايسرط:دخلت انام بعدهة لان كلت وراية دوام بس وييين اكو نووم كبل تخيلت صورتهة وهي منزعجة بالمحل لمسة ايدهة ولزمتهة معقولة مثل متكول مجرد تنبهني لاحترام وجودهة ادري بيهة تدور هيج امور وتنتبه الهن بس اني ما بدر مني اي تصرف قلل من احترامهة او قيمتهة لااا جانت تصرفاتهة مال واحد غيرران وحتى من واجهتهة انزعجت لان داخلهة ينكر هالشي احسهة بدت تتعود علية وممكن تحبني اااه الك الله ياقلبي كمت اغفي واتذكر البدلة مامكوية كلت..
الكاتبة ايه.... يتبع
