مشاعر خارج دائره الصمت
البارت 24
ايسر:صدك تحجين حجية دخيل ربج مدري اتخربطت غير امانة يمج ونهضت اريد اكووم احس صدك كلبي طلع من صدري وكام يوجعني عليهة
سعد:شجاك ياخوية استهدي بالرحمن هاي زوجتك الثانية هي تدبر امورهة وهي وين ولا شفتهة معقولة ماتدري الصار بيك
ايسر:دنكت واحس خجلت اكلة قافل الباب عليهة كتلة لا متطلع هي وحدهة مانعهة ولا عندهة موبايل
ايهم:صدك تحجي ايسر وين عايشين احنة مدري البنية تحتاج شي يصير شي وين عنوانهة انروحلهة اني والحجية
ايسر:يمة روحي وية ايهم دليه واشرت لامي تتقرب مني وكتلهة مفتاح الشقة وية السويج مالتي
ام ايسر: بشهكة وصوت عزااا قافل عليهة الباب شجاك يمة
سعد:😡ايسرررر شصاير ليش قافل عليهة لاتضم بعد وسولفلي ترة وصلت حدهة وياك اذا متحجي انسة عندك اخو جبير اسمة سعد
ايهم:شكو ياجماعة شو عفتكم مرتاحين رجعت كابة نااار
ايسر:اسولفلكم بس روحوا ودوا امي يمهة لان هية مريضة خاف تخربطت
ايهم:يلا يمة امشي وياية
ام ايسر:اشوفهة واجيكم
ايسر:لايمة ابقي يمهة
سعد:يمة شنسوي بيج بعد هذا زين كدامج لوماانتي اصريتي ماتبقين هنا بالمستشفى يلا اتوكلي بالله اني يمه،،،،،،اي هاي مشت الحجية خل اصيح الممرضة تبدل الشاش وتنضف الجرح الطبيب كال لازم تغيرة من تكعد
ايسر:مااشي سعد عود من ارتاح انسولف دخيلك تعبان
سعد:هسة اني كتلك سولفلي بس الظاهر انتة شغلتك تعبانة وطامس بالحب☺
ايسر:ليش عود😡
سعد:والله ياخوية من فكك البنج بس تهذي رغد وينج تعالي اني متأذي
ايسر:لاماكلت هيج😳
سعد:هسة يجي ايهم صورك بموبايلة
ايسر:😥هاي شنو سوالف ايهم بعدهة مال زعاطيط يجي واني اعرف شسوي بي هال🤬🤬
سعد:ههههعع دكوم بسلامة ويصير خير
ايسر:خابر امي ماوصلت
سعد:اي ادري صاعدين صاروخ ما صار عشر دقايق من مشوا
ايسر:سعد على اعصابي كاعد خابرهم
سعد:استهدي برحمن ماكو شي ان شاء شنو هيج حالتهة تعباانة
ايسر:اي وعندهة علاجات وابر ما جان ابالي هيج يصير واهلي محد خطر ببالة يسال عليهة لو ميت يمكن نسوهة
سعد:لاتكول هيج صدك التهينة بيك وريام تخربطت خطية وكالتلهة الدكتورة متتحرك وامي ماتركتك تبجي ايسر ترة انتة طلعت من حلك الموت وماخلينة امام مادعينة بجاهة تكوم بسلامة فلا تلوم احد لو نسة المفروض انتة ماتقفل عليهة
