مشاعر خارج دائره الصمت
البارت 14
سر:لج منو البلا اصل شو تعالي فقدت عليهة وضربتهة اريد افرغ قهرتي بيهة منا ماذية اني ومنا خلتني اشرد هالبنية وهية مالهة احد فقدت لحدما اجتي بنتي الجبيرة ملاك وكالتلي +
ملاك:بابا كافي حباب😢خطية ماما والنونو
ايسر:ابتعدت عن سهى وهي وجهة مينشاف دم على احمر على ازرك كوة تتنفس رحت يمهة سهى بيج شي صار بيج شي
سهى:خابرلي اهلي لاهسة احرك روحي هاي تاليتهة تضربني وتكتلني لان ماقبلت تتزوج
ايسر:لا لان تجاوزتي علية وعلى امي ومستاهلتهة من زمان انتي الخليتيني افقد اعصابي
سهى:لا افقد ولاتفقد خابرللي اهلي
ايسر:كومي اوديج ارتاحيلج كم يوم تعالي ملوكة،
ملاك:لا اضل يم ماما خطية يطلع منهة دم😥
ايسر:طلعت من البيت واني ابالي صورة بناتي شلون خايفات وحتى سهى بعمري ما مديت ايدي عليهة وانوب حامل يمكن صدك ضلمت الكل بهالزواج رفعت تلفوني واتصلت
رغد:بعدما ضاقت الدنيا علية ومالكيت مكان ابتعد بي عن ايسر وعن حياتي الغلط بغلط وياه التجأت لبيت عمتي ام زهرة الي جانت ساكنة بمنطقة زراعية باطراف بغداد تزوجت وانقل زوجهة لدائرة الزراعة هناك وراحت وياه صارن عندهة بنات ثنين وتوفة فاعتمدت على نفسهة واشترت بستان وصارت تزرع بي وهي شاطرة جابت فلاحين وياهة وعاشت هي تصير اخت ابوية بالرضاعة جنت اروح الهم من صغيرة بس من توفت ماما بطلنة نروح فقدنة الواهس بكلشي جانو مرية بسيطة بناتهة كبار مزوجتهن وكاعدات يمهة لان ماعندهة احد جنت من اروح العب وية جهالهن بس همة اصغر مني بكم سنة اتوجهت الهة لان اعرف نفسيتهة الطيبة واعرف تعزنة وتحب ابوية وماراح ترجعني كلت اكعد يمهة لحدما تتدبر اموري كوة وصلت حسب مااتذكر واسال بالعالم دكيت الباب وطلعلي ولد شلت ورقة جنت كاتبة بيهة الاسم كاللي وصلتي تفضلي اشرتلة انه مااحجي
حسن(ابن زهرة):تفضلي تفضلي يمة تعالي
زهرة:شبيك تصيح شكو،
حسن:يمة اكو بنية بالباب تسال على بيبيتي بس ماتحجي خرسة بس يايمة والله تخبل جنهة وردة
زهرة:لاياادب سزز حابك بعدين بس خلي اشوفهة الا اخلي عهود تلوي اذاناتك
حسن:اتشاقة عمي ههعع روحيلهة
زهرة:خير حبيبة تفضلي استريحي ،دخلتهة وكعدتهة بالديوانية ورحت جبتلهة مي شربت وسالتهة خير عيوني رايدتمن منين انتي +
رغد:طلعت موبايلي وكتبت الهة اني منو وشنو علاقتي بيهم وذكرتهم بزياراتنة قبل وانطيتة الهة
زهرة:يا مااشوف زين حسن تعال يمة اقرالي
حسن:صار موتتدللين😁 يمة البنية اسمهة رغد بنت .كريم...... ...
زهرة:يا يمة بنت خالي سودة علية كبرانة ماشاء الله ماعرفتج شلونكم اروح اصيح امي واختي سعاد راح تكيف امي دومهة تسال عنكم وبطاريكم بس انتو كطعتوا
