مشاعر خارج دائره الصمت
البارت 12
سهى:لااوووع منين النة اقارب بهيج شكول هاي بنية فقيرة وخرسة وخطية ايسر انقهر عليهة ولان وضعي وصحتي يخاف عليهة جابهة تساعدني بالبيت وتخدمني
الجارة:ياا خطية خلي تجيني لعد اني هم واساعدهة بالله قاسمة
رغد:اني سمعت هيج لو اتخبلت رحت اهد عليهن مااحس الا ايد الحجية لزمتني ومنعتني اطلع وكالت اني اتصرف وطلعتلهن هية ورزلت سهى
ام ايسر:ياادب سزز يا ما تستحين سويتيهة خدامة الج ياجايفة مو يدرون العالم جايفة ووصخة جذب خالة هاي البنية ممرضة جاية تساعدني ومن شافت هالقذرة ووصخ البيت عاونتهة لان حامل هاي جزات اليسوي معروف ياقليلة الاصل
سهى:اني قليلة اصل لو هية الادب سزز تريد تلوف على رجلي وانتي يالعجيز مساندتهة ترديلج خدامة تداريج بعد ما راح حيلج وصارت رجليج بالكبر
الجارة:استهدوا بالرحمن ماصار شي خالة اعتذى منكم وسهى عيب هاي ام زوجج وبمقام امج
رغد:طلعت سحبت الحجية وباوعت لسهى بنضرة تحقير من فوك ليجوة وهي هدت علية كلبة ماعجبتج اني الا اخلي ايسر يطردج هزيت ايدي وطبيت وهي كوة لزمتهة جيرانهم وتكلهة عيب وانتي حامل طببت الحجية كعدتهة وانطيتهة علاجهة كتلهة اليوم اتاخر علاجج المفروض تاخذي ورة الصلاة راسا
سهى:مو ملتهية حضرتج بالعرايك وعايفة علاجهة وخلاتهة تعارك المن جبناج لعد غير تلزميهة
ام ايسر"حيوانة شو طالعة عينج من رحتي لاهلج اريد اشوف شلون تتجاوزين علية الا اطلكج اليوم قليلة التربية من جنتي الج مصلحة يمي تتلوكين هسة بينتي من يا مستنقع جاية ويا عائلة سكط
رغد:احاول الزم الحجية واهدأهة ميصير عليهة وسهى خنست وسكتت وكالت ماقصدي تعصبت لان فشلتيني كدام المرية والله لاتكولين لايسر حبابة خالة ونزلت باست راسهة والحجية هدأت شوية وراحت مددت وكالتلهة بختج بالبنات ماراح اكلة بس اعقلي ورجعي ادمية لااندمج والله اتعرفيني شنو وهي اتعذرت وصعدت ومانزلت بعد رحت اني حضرت غدا الحجية وكعدتهة كالت شو تعبانة ودايخة اشو اول ما كومتهة اختل توازنهة ووكعت للكاع اتخبلت عليهة احاول ارفعهة ماكو وادك لايسر ماكو ينطي رفض دزيتلة مسج ودكيت ماكو جواب معقولة ماقراه لوقراه جان اتصل اخر شي صعدت لسهى واشرتلهة تنزل واني مخبوصة نزلت وياية راسا عاونتني شلنة الحجية لسريرهة واباوع لسهى اصفرت وترجف كوة لازمة موبايلهة واتصلت على ايسر رد وراسا اسمعة كللهة جاي
رغد:استغربت لعد ليش مارد علية ولا قرة رسالتي مبين لان انخبص ما كالتلة سهى شبي
ايسر:من طلعت للدوام واني مفوور اعصاب على رغد صح اغار على سهى لان زوجتي وعرضي بس مو لهدرجة ليش هاية بالذات مااتحمل احد يلمحهة انجن هيج احبهة اني لهدرجة مااكدر اتخيل غيري يشوفهة ويركز بوجهة ضليت ضايج منهة ومن تصرفاتهة وعنادهة وكلت خل اعوفهة لحد ماتحس بغلطهة دكت علية ودزتلي رسائل ما قريتهن اكيد تريد ترجع الا اخليهة تتوب تضوجني بعنادهة اشوفهة العناد شنو شوية ودكت سهى كالت امي تخربطت ركضت عالبيت شلت امي للمستشفى وراحت رغد وياي لان سهى حامل نزلتهة وطلع ضغطهة كلش مرتفع ونبضهة مامنتظم ابد رأسا ابر ومغذي وعلاج لليل يلا صحت واني اروح وارجع وكل شوية اسال رغد صار شي وخلاهة تتخربط واحسهة ترتبك من اسالهة وتنفي انه صاير شي ضليت شاك بالموضوع لان الصبح جانت زينة من طلعت لليل كلش كتبولهة خروج وطلعتهة كتلهة ان شاء احسن هسة حجية
