مشاعر خارج دائره الصمت
البارت 31
احس دخت وجسمي متفلش رجعت للسرير بتعب جان يكعد ايسر بهالاثناء
ايسر:من رحت للممرض كاللي لازم دكتور يشوفك وصدك شافني دكتور كال خياط مفتوح لازم نعيدة صدك خيطة وطلعت بسرعة بالي يم رغد صعدت وكالت الدكتورة صحت زوجتك ونفسيتهة تعبانة دير بالك عليهة وشوية وراح نطلعهة صدك شوية طلعت وردتي بس جانت ذبلانة وتعبانة رحت عليهة وعدلت شالهة لان شعرهة جان طالع سندتهة ومشينة صعدتهة للسيارة وهي انتبهت علية الجرح نازف كتلهة ماكو شي حتى من كدما انخبصت عليهة ماحسيت بالم او ماحسيت بي ابد سحبت ايدهة احاول احس بشعورهة وباللي ببالهة حسيتهة مكسورة وضايجة وابد مامتقبلة حملهة فسكتت ومافتحت الموضوع هي سندت راسهة ونامت بتعب فمن وصلنة ما حبيت اكعدهة هم شلتهة وصعدتهة بحذر وخليتهة بغرفتنة كلت خاف تحتاج شي تتخربط اني يمهة ونمت وابتعدت عنهة ماردت اضايقهة او اضغط عليهة وغفيت من التعب واني اتأمل بوجهة ماكعدت الا على صوتهة وهي تحاول تنهض ورجعت مددت بتعب وضجر كعدت وكتلهة صباح الخير 3
رغد:🙋♀️رديت عليه واني متضايقة من تصرفاتة كلهة كام غسل ورجع كاللي كومي اسندج تغسلين اذا مابيج واتقرب مني رحت من طرف ااسرير الثاني وكمت
ايسر:زعجني تصرفهة بس كلت عادي هي هم اتحملت مني لازم اتحمل تعبهة هاالايام منو الهة غيري رحت للمطبخ كلت خلي اداريهة شوية خطية مريضة وسويت ريوك الي والهة واسمعهة ركضت للحمام تتقئ
رغد:غسلت ودخلت لغرفتي ابدل وجان اشتم ريحة البيض احس نفسي لعبت كلش ومااتحملت ركضت للحمام اتقيأ بس اتفاجأت بايسر جان يمسح على ظهري ويحاول يلم شعري ورجع غسل وجهي وطلعني من الحمام للغرفة اشرتلة لغرفتي ما مانع اخذني للسرير اتمددت واحس بتعب ورجلية ترجف منا ما ماكلة شي ومنا هبطة البارحة وجملتهة اتقيأت احس روحي انمردت فتح ايسر الشباك كال يتجدد عطر الغرفة ورش معطر هادئ احس يلا استقرت نفسي اجة كعد يمي عالسرير وكاللي هاا احسن هسة اشرتلة براسي بإي كالي الج مزاج نحجي استغربت بشنو وسألتة بفضول
ايسر:باللي صارر البارحة
رغد:درت وجهي مااريد اتذكر خوفي منة ولااريد اتذكر شنو شايلة بداخلي مني وشلون اصلا شلت هالطفل بيا طريقة ويا عذاب
ايسر:سحبت وجهة لجهتي وكتلهة اول شي اريد احلفلج بداعت بناتي البارحة كل الردتة حضنج وحنانج ماردت اي غرض ثاني وادري اذيتج وتعبتج هواي وصدمني قسوتي وياج الي ماجنت ادري ليا درجة وصلت بس البارحة شفت اثارهة والظاهر جانت واصلة مرحلة الجنون
رغد:طفرن دموعي من ذكرني بالسواه
ايسر:حبابة لاتبجين والله تعبتي عيونج الحلوات من البجي خليني اكمل يابنت الناس
