مشاعر خارج دائره الصمت
البارت 29
تسريحاتهن ورتبتهن وهن كيفن طلعن وملاك تكلة شوووف بابا تسريحتي خالة رغد سوتهة هو ابتسم وكاللهة مو اكلج خالة رغد حبابة وتحبج هزت راسهة وابتسمت وقمر فاتت مطنكرة وكالت +
قمر:اني لا حلووو مووو 😢👼مااحبش خالة لدد(رغد) سويني لا حلوووو شعلي(شعري)
رغد:ضحكت من كلبي على سوالفهة واخذتهة وغيرنة التسريحة مثل ملاك يلا سكتت وايسر واكف فوك روسنة يصيح اتأخرنة من ورة طلبات قمر لا تعلميهة كلشي تريد يصير واني وقمر مطنشين وهي تمد لسانهة علي كلساع😝 وهو يحاول يخفي ابتسامتة عنهة وهي ترجع تعيد الحركة😝اخر شي من كملت شالهة ويكلهة وين هذا اللسان الي يعيب ويبوس بيهة اخذهن ووصل للباب وصااحني
ايسر:احب حنيتهة عليهة بدلتلهن ورتبتهن وفيكات وتسريحات وهاي الجنية الصغيرة تعيب علية لان بعنادي سوت التسريحة التعجبهة اخذتهن حتى اوديهن لامهن وصلت للباب وصحت رغد كتلهة محتاجة شي انتي ابتسمت وهزت راسهة بنفي كتلهة متردين مسواك للبيت اشرتلي بلا اخذت البنات وطبكت الباب وطلعت
رغد:عجيب امرة من يطلع الصبح يعوف الباب بدون قفل والعصر ينقفل شنو صار القفل بمواعيد 😒 رحت لميت هوسة البيت لان هوسنة البنات ورجعت طبخت غدا وسبحت واخذ ملابسي وياية لامثل فلم البارحة سبحت ولبست دشداشة طويلة وبيهة من الصفحة فتحة من جهة جهة وحدة ولونهة نيلي طوخ على الفتحة شريط ذهبي ومن كدام كتابة ذهبي وضفرت شعري لان احسة تعب كدما شايلتة ولافتة وكعدت احضر للغدا جاي اسوي بالزلاطة واجة هو دخل مديت راسي من المطبخ وسلمت عليه باوعلي وكال السلام عليكم ودخل للغرفة يبدل رجعت احضر بالغدا التفتت لكيتة منتجي بباب المطبخ ومركز يباوعلي بهدووء باوعت شبية بية شي متخربط شو ما بية شي ملابسي مرتبة وشعري مترتب اتقرب مني وكاللي
ايسر:رحت وصلت البنات لامهن وتلكتني بالباب دكيت الباب وفتحتة وهية وكاشخة عوود بلكت احن ضحكت على سذاجتهة عبالهة بذني السوالف انغر كتلهة ذني البنات وهذا الهن مصرف واذا احتاجن شي خابريني ديربالج عليهن ومشيت
سهى:ايسر متدخل مسويتلك غدا
ايسر:ايباااه شهالكرم من جنت زوجج ماجنتي تطبخيلي الغدا
سهى:جنت زوجي لعد هسة شنو
ايسر:تكدرين تعتبريني من هاللحظة طليقج اذا عبالج كلمة لان مانطقتهة لهسة تأثر وترجعج اكلج غلطانة وكم يوم وتكمل اجراءات الطلاق وحتى تتأكدين اكلج (انتي طااالق)
سهى:😨عزززة بعينك الله لايوفقك ولا يفرحك ولا يوجهلك الخير يا ظالم والله تحلم تشوف البنات بعد
ايسر:مو بكيفج هية مااشوفهن😁وعفتهة تدعي وركبت سيارتي ورجعت للبيت دخلت ورغد مدت راسهة من المطبخ واستقبلتني بابتسامة وسلام🙋♀️سلمت عليهة وفتت بدلت ماصحتهة جانت ملتهية بدلت وحدي ورحت غسلت ايدي ووجهي وطلعت للصالة والتفتت عليهة ووكفت جانت طالعة تخبللل لابسة دشداشة لون غامق وهي بيضة طالعة تلمعععع والشعر نازل ضفيرة شطولهة ياربي سبحانك على هالجمال معقولة هاذا الية كلة خااف احسد روحي والله ضليت منتجي بباب المطبخ واتأمل تفاصيلهة هي حست علية وارتبكت من شافتني وضلت تباوع لروحهة عبالهة بيهة شي متدري جمالهة البي شي ويخبل اكبر واحد وابتسمت ابتسامة خجولة ودنكت تفرك بايدهة جننتني بحركاتهة مااتحملت اتقربت عليهة ولزمتهة من خصرهة وكتلهة تدرين انتي كلش حلوة ومن تسوين هيج تخليني افقد عليج ومااريد انسى روحي وياج الا تحبيني بكد ماصرت احبج رغد انتي تحبيني
رغد:صدمني سؤالة ماتوقعتة ابد هسة وبهالفترة اصلا كل مشاعري مخربطة ساعة احبة وساعة اضوج منة ماادري الي بداخلي حب لو اعجاب ويروح خاف اربط نفسي بي وابقة بعذاب مزاجيتة واعصابة وخااف ابتعد عنة ومااطيق بعدة ماادري شاريد وماردت اجاوبة بشي مامتأكدة منة هسة فسكتت وما انطيت اي رد فعل هو رفع وجهي وكاللي هالكد صعبة الاجابة وتحتاج وقت اشرتلة براسي بإي فابتعد عني وكال
