مشاعر خارج دائره الصمت
البارت 25
رغد:كوة بلعت لكمتين من الفشلة لان صاح علية كدامهم بس هم عبالهم غير شي واستلموه تحشيش حيييل تستاهل خل يعصبوك😋كملنة الغدا وصبيتلهم جاي وكاموا كلهم اشو الحجية هم اتحضرت وتريد تطلع وياهم لزمت ايدهة استفسر
ام ايسر:مو سعد كاال لازم تجين وياي وانتي هم تحيرين بية بايسر وريام مريضة مومال اروح يمهة وهمة هم ولدي هزيت رااسي بمعني لا تروحين
ايسر:اتعصبت من شفتهة لازمة ايد امي وتتوسل بيهة تبقى وكفت يمهة وكتلهة هدي ايدهة مااكلج لو بقيتي يمي هي بس سمعتني اتراجعت وسسلمت عليهم واشرتلهة وكتلهة ادخلي جوة
رغد:خفت من سمعت صوتة دخلت جوة وادردم افف كريه خبيث شيكعدني وياه ااااه ياربي صبرك اسمعة طبك الباب مال الشقة اني سويت روحي اعدلة السرير دخل للغرفة وطبك الباب يمة احس جمدت انتجة عالباب وكال ايي يابة ليش ماتردين تبقين وياية وحدنة ...............
ايسر: بعد ما مشوا وودعتهم وبست امي دخلت للغرفة واتعمدت اسد الباب حسيتهة ارتبكت بس حاولت تخفي وتكابر كتلهة بهدوء اي ياابة ليش متردين انظل وحدنة اي قابل كالولج اكل بشر اني شو رجال مريض واريدج تداريني هي شالت راسهة وضلت تباوعلي بين المتفاجئة بين الخايفة ومستغربة اسلوبي بس اني جنت احب استفزهة واشوف ردة فعلهة وخوفتهة هية حاولت تخفي هالشي ورجعت فتحتلي الغطا واشرتلي انه انام او امدد اتقربت يمهة وكتلهة يلا طفي الضوة وتعالي بحضني هي وسعت عيونهة متفاجئة وكمزت فوك الجرباية وعبرت من ذيج الجهة وطلعت من الغرفة عطت عوود كعديني اخذ علاج واتمددت و صدك ضحكت عليهة من طفرت فوك السرير جنهة جنية وضليت كلمااتذكر منضرهة ابتسم نمت وهي صورتهة ببالي مطبوعة +
رغد:طلعت من الغرفة ركض ودخلت للحمام عززا هذا اتخبل يمكن لو البنج ضرب دماغة اكيد موصاحي شو هذا صااير كلش جريء يمةةة بس لاراح يكضيهة هيج يشعوطني والله اتخبللل غسلت وجهي لان احس صخنت وطلعت رحت باوعت مطفي الضوة ونايم اففف همزين كلت خليني اعزل الشقة هوست رحت لبست دشداشة قصيرة لان مااعرف اشتغل بطويلة وحارة وهو نايم ميكعد وصدك التهيت اعزل وانظف ماحسيت بالوقت باوعت الساعة صاير موعد علاجة وفايت الة هوواي والله نسيتة كلت خلي اكعدة اني عود على اساس ما كعدتة لان غاط بنومتة 😁 عود صرت لوتية عشتوا😒احسن لا يكعد ويظل يرعد فوك راسي رحت غسلت وبدلت ملابسي عالسريع ولبست شي مستوور ووديتلة المي دكيت الباب صااح ادخلل دخلت لكيتة كاعد على موبايلة عززا هذا من شوكت كاعد باوعلي وكدرت اميز وجهة وحواجبة المعقودة من ضوة الموبايل اليضرب بوجهة باوعلي كال
ايسر:كعدت من النوم الجرح كلش مأذيني باوعت الساعة فايت موعد علاجي واني هذا اغلبة مسكن وهو الي يهدأ الوجع صدك اتنرفزت من اهمالهة هذا اول يوم هيج هلاوو لا والله دارتني مدري داتعاند وياي لا مااريد افكر تعاند لان لو حطيت ببالي هيج اكسر راسهة والله كمت واخذت علاجي من الميز باوعت لكيتهة مدنكة داتمسح ولابسة دشداشة مارروني قصير والسيقان كلهة طااالعة ثلج هلا هلا هو اني بس هاي العايزتني وجع كلب فوك وجعي شربت علاجي واتعوذت ابليس مااريد اتهور مرة ثانية وكعدت على موبايلي وكلساع طافرة صورة سيقانهة وجسمهة اكبالي واكوول استر على نفسك واكعد جرحك ماطايب والبنية مريضة وتعبانة اخر شي طلعت فديوات مال كواارث الطبيعة وكعدت اتفرج خل اشوف مصايب العالم حتى تهون علي مصيبتي ام سيقان وانسى شوية ودكت الباب صحت بصوت تتفضل دخلت وجانت مبدلة يبوو هسة ليش بدلتي بنت الاودام بس يلا احسن كتلهة والله زين واتذكرتي ورة ساعة ونص موعد علاجي اخذتة روحي رحم الله والديج مااريد شي اليعتمد عليج يكتلة الوجع بس جنت فعلا منزعج من تصرفهة شعلت الضوة ضجت منة ونترت بيهة تطفي طفتة وطلعت انووب اتعصبت اكثر ردت اتظل يمي كمت وصحت عليهة رررررغد
رغد،احس استحيت منة من اعتمد علية وكعد وحدة متأذي واخذة شعلت الضوة ردت ابررلة او اخفف انزعاجة نتر بية وعاط طفيي طفيتة وطلعت اففف ليش ثولة اني هسة واذا اتأذة شكد اذاني شو مااهتملي وذبني وماسئل بس لا خطية هو تصوب بطلقة اكيد وجعهة يختلف اخخخ يا كلبي الاغبر شكد فاهي ليش تطلعلة اعذاار انلصم واسكت ثواني واني صافنة وية روحي وصااح ايسر باسمي غير شالني شيل من الخرعة اي شجاك انكرصت بس تعيط رحتلة ركض استلمني طلبات كاللي بدلي الفرشة باوعت نظيفة والصبح اني غيرتهة صااح يلااا رحت طلعت وحدة جديدة وبدلت هاية وهو منتجي على طرف الميز تعذبت يلا بدلتهة لان السرير جبير وهي من نوع الي تدخل كلهة جوة المندر مال السرير اجرهة منا تطفر منا ودشداشتي خالتي جايبتهة اكبر من قياسي وكل شوية عاثرة بيهة اخر شي اتقرب علية وكال روحي بدليهة بالجنتي لابستهة قبل شوية اني اتصنمت مكاني عزاااااااا😱العزاني وين شافني شلابسة قبى شوية رأسا اتذكرت هو جان كاعد بلكت اني ماخذة راحتي وهو ضال يتفرج شكد غبية اني🙈🤦♀️
ايسر:كوة حابس الضحكة من تجر الفرشة منا تطفر منا وهي جنهة فارة تطفر منا وتجي مناوهي ودشداشتهة التسحل وراهة وشالهة عود تتحجب مني هه والله خبلة والله بلاني بحبهة تقربت عليهة وكتلهة روحي لبسي ذيج الجنتي لابستهة 😒اخذت كلبي والله سيقانهة ومنضرهة بيهة شو هاية ضلت صافنة كتلهة يلااااا😡مشت وشوية ورجعت لابسة وحدة طويلة بس مقسمة على جسمهة كلت بكلبي بعد اضرررب لو ضالين بس رجلين انوب الجسم كلة بين ولافة شالهة مثل المصريات ديلااا جنت بوحدة صرت بثنين يعينك ياكلبي
رغد:رحت ابدل واكلب بالملابس الجابتهن الي الحجية صدك جذب لو ما شوفت عينهة سوة وجهي خرايط هسة لو عرووس وضالة بحسرة الرجال وماعولت كلبوهة هم متلبس هيج عود استر وحدة بيهة لبستهة ليكول فستان مال مصريات بس يلا عالاقل طويلة اوف شلون اطلع كدامة هيج دخلت وبديت اعدل عالسريع اريد اشرد من يمة اخر شي هو طلع واسمعة يكول استغفر الله يحجون الصخر كملت الغرفة وهويتهة ومسحتهة عالسريع وطلعت للمطبخ بلشت اسوي بالعشا وخليتة عالميز وصحتة يتعشى عدلت الكرسي وكعدت قريب عليه كلت اذا احتاج شي
ايسر:اباوعلهة جنهة فراشة تكمز بالمطبخ صافن بيهة والله شوفتهة ونسة لكلبي تلعب على كلبي وعلى اعصابي هم حضرت كلشي واجتي صاحتني اتعمدت اتاخر كلت خل اشوفهة تكعد لو هم تعوفني وتشرد لا والله كعدت وجرت الكرسي قريب علية اتنهدت ورحت كعدت وهي كامت تسويلي لفات مال لحم مشوي وتخلي كدامي وهي متاكل اخر شي كتلهة اكلي اكل وحدي مو صغيرون 😒
رغد:مو صوجك تاكل....اخ منك يالساني اكلت شوية وهو كمل وكام يغسل كمت سويتلة جاي وشرب وشوية وانطيتة علاجة عزلت المطبخ وسمعتة صاحني رحت يمة كاللي حضريلي الحمام صدك رحت حضرتة ورجعت انطيتة خبر وضليت واكفة بباب الغرفة وهو اتوجه للحمام اشو هذا رجع التفتلي وكالل
ايسر:اختنكت من المستشفى والمعقمات اريد اسبح كلت تدخل وياي بس تتاكد ميدخل للجرح مي واني اكمل الباقي ماناوي اضغط عليهة هسة لا تنجلط ههه بس ناوي كلهن اطلعهن بعدين فكتلهة اريد اسبح راحت حضرتلي الحمام وملابسي ورجعت اتوجهت للحمام والتفت وكتلها تعالي وياي للحمام اريد اسبح بس لفيلي الجرح لايتبلل
رغد:يمةة من كل عقلة يحجي هذا شنو هاااي جرئتة شنو ادخل وياه للحمام بس شكلة وهو عاقد حواجبة ومتعصب مو مال اناقشة ياربي شنو هالمواقف الزفت الجاي انحط بيهة جريت نفس وهزيت راسي والدمعة حاصرتني ودخل ودخلت وراه فتح السحاب مال التراك ونزعة وصاحني انزعة الفانيلة الداخلية احس ايدية كوة اسيطر عليهن كاللي صبي على ظهري مي بس لاتخلي يوصل للجرح حرت شلون مااخلي الي يوصل اخر شي طلعت ركض للمطبخ عندي رولة بلاستك مال اكل 😁اخذتهة ورجعت هو استغرب وعقد حواجبة كاللي شداتلعبين انتي اشرتلة يدير ظهرة ولفيتة على جتفة وجوة ايدة وهيج ماراح يدخل للجرح مي فتحت الدوش وكلت خلي بعد يسبح وحدة واخلص هو هم عتقني وكاللي هاي هية اني اكمل روحي كلت اي لا يغير راية اتحركت اريد امشي ومااحس الا هوووب زلكت رجلي فجأءة لزمتني ايدة القوية من زندي وسندني ما طحت للكاع بس وكعتي صارت جوة الدوش بحيث نكعت ولزكت ملابسي على جسمي خااف عايزة فضايح احس اريد اختفي لان كل جسمي احسة بين وهو ظل مركز بي وعيونة تتجوول من فووك ليجوة اخر شي كال
ايسر:اجتي جايبة بلاستك مال اكل شنو هاي عبالهة اني صحن مقبلات عقدت حواجبي مستغرب بس والله من لفتة خووش فكرة طلعت ميدخل المي بعد😁 فتحت الدوش واحسة تكلي يلا اعتقني لان كوة واكفة وياي جانت واني هم مااتحمل وجودهة بعد كافي طيحان الحظ من لفت البلاستك وهية كل شوية كامزة بحضني الا شوية..
الكاتبة ايه.... يتبع
