مشاعر خارج دائره الصمت
البارت 19
ايسر:هنا فقدت وهجمت عليه وضربتة بوكس على خشمة وكمت اصيح معليك زوجتي وبكيفي لو احركهة
حسن:شنو بكيفك ما وراهة اهل امشي اطلع برة وكل مرة ماالك
صهيب:لا عبالك اسكتلك محترمك لان دايس بساطي تفضل برة
ايسر:اتعصبت وسحبت سلاحي على هذا الحقير وعطت انتو شنو من ملة زوجتي ماعليكم بيهة ليش تخليني ادخل القانون مالكم حق روووووح صيحهة ورميت بالجو ورجعت وجهتة على صهيب
صهيب:لايا سافل ترمي بنص بيتي اطلع برة اشوفك الامهات شتجيب حسن جيبلي سلاحي
ايسر:طلعت كل النسوان عالصوت واشوف رغد بنصهم تباوع اذا احد متصوب عالسريع سحبتهة من نصهم وعطت اليتحرك افرغة براسهة زوجتي وبكيفي واخذهة وغصبا عليكم واخذتهة وطلعت للسيارة
صهيب:حقير كلب تستقوة على مرة تعال وياية احجي وركضت للداخل اجيب سلاحي
حسن :خل اخابر الشيخ
ام زهرة:يمة استهدة بالرحمن ووخر هالشيطان من ايدك لا تطلع منة طلقة والبنية مرتك ما كايلين لا بس اهدة اخذهة وروح بس بروح ابوهة لا تأذيهة والله ما سوت غلط تستاهل تاذيهة عليه بس هي قسمة مو بالجبر اني اروح وياكم بس اجيب عباتي
ايسر:مارديت على احد ركبتهة بالسيارة ورة وعالسريع صعدت قفلت الابواب ومشيت
صهيب:اخذت مسدسي وطلعت
سعاد:يمةةةةة عزة العزاني تريد تهلك روحك على هالادب سزز يمة ابني راح
زهرة:خالة استهدة بالرحمن مالك حق مرتة وهو حر واني اشوف هيج احسن مالنة خلك مشاكل خليهم يتصافون وتفض شنو كعدتهة يمنة
ام زهرة:ولجن لا يموتهة انتن شتحجن امشي بيبي نلحكهم
حسن:بيبي بالعقل مالنة حق نحاسبة لو زوجتي المسوية هيج اسوي اكثر هي عبالهة يطلكهة وهو متمسك بيهة مبين ومحترك عليهة حتى من جان يتصل جان خايف عليهة
صهيب:انتو شبيكم اذا ماتت شتكولون لربكم
ايناس:وانتة بصفتك شنو تدافعلهة ليش تجيبلهة حجاية😏 ايجوز لو اتدخلت زوجهة يعتقد بينكم شي ويأذيهة اكثر هنا ايناس لزمت صهيب من ايدة التوجعة وسكتتة
صهيب:مابيناتنة شي بس خايف عليهة حالهة حالجن
ام زهرة:صدك كلام ايناس مالكم دخل اني اتصرف وراحت الحجية خابرت على ام احمد الي جانت رغد تراسلهة وتطمنهة عنهة ومنها ام زهرة تعرفت عليهة ومنهة كدرت تحصل رقم ريام اخت ايسر واتصلت عليهة
ريام:الوو منو
ام زهرة:السلام عليكم خالة انتي اخت ايسر
ريام:اي نعم منو وياية تفضلي
ام زهرة:اني عمة رغد اكدر احجي وية الحجية امج
ريام:والله خالة مو يمي ببيتهة بس خير صاير شي
ام زهرة:اي خالة اخوج اجة اخذ رغد بالغصب عنة وجان عصبي وحتى خلة مسدسة براسهة وخايفة لايموت بنيتي بداعت عزازج حاولي تحاجي وتنقذين بنيتنة ما كدرنة نتدخل يكول مرتي ومالكم حق بس ليش ياذي هاليتيمة والله ماسوت شي وهي اصلا تعبانة ومريضة وسوت عملية لصوتهة لا تروح بيهة
