مشاعر خارج دائره االصمت
البارت الثاني
تسوكتلك ماتكدر تطلع انتة تعبان ونزلت العلاليك والرجال كوة قبل ياخذهن ويتوسل يجيبلي فلوسهن اخر شي كتلة شسالفة ياعمي غير كتلك اعتبرني ابنك ترة مااطبلك بعد ابد
ابو رغد:لا سيدي والله مو قصدي بس ما يصير هالكد مكلف روحك ان شاءالله الله يرزقك كل فلس بعشرة
ايسر:يلا اتوكل اني وان شاءالله تكوم بسلامة وركبت سيارتي ورجعت لبيتي وطول الطريق واني افكر بالبنية الفتحت الباب وشلون ماردت علية صدك استفزني اسلوبهة بس يلا مبينة صغيرة وما تفتهم بعدهة وصلت للبيت واتلكتني سهى
سهى:الحكلي ايسر خالتي تخربطت وادك عليك ومتجاوب
ايسر:ركضت بلا شعور ولكيت امي منتهية شلتهة وركضت للمستشفى
رغد:اهلا شلونكم اذا ممكن اعرفكم عن نفسي قبل ماابدي بقصتي وياكم،اني اسمي رغد مواليد ١٩٩٦ وحيدة لامي وابوية لان بابا راح اسير فمن رجع يلا تزوج ماما جانوا كبار بالعمر ثنينهم فماخلفوا من وكت وتالي الله رزقهم بية بس اني بعد سنوات مواصفاتي انه عيوني زرك على بيبيتي ام ابوية وبشرتي بيضة كلش وشعري طويل اشقر بس جنت قزومة مو طويلة وهالشي مضوجني😡جان من صرت بابا روحة تعلقت بية خصوصا واني شايلة ملامح امة الله يرحمة بحيث دائما جان يكلي انتي عوض رب العالمين الية جانت حياتنة حلوة وهادئة صح على كد حالنة لكن مامعتازين احد الحمدلله جنت اعشق شي اسمة دراسة ومدرسة واحب اتفوق وما طلعت غير الاولى على صفي لحدما سنة ٢٠١٠ صارت عندي التهابات متكررة ببلاعيمي وكال الطبيب لازم نشيله😔وبسبب خطأ طبي اتأثرت حبالي الصوتية وصوتي صار جدا ضعيف واذا احجي اتأذة كلش واختنك بحيث كوة انطق وكلما صرت اكبر اتأذة اكثر لو حاولت احجي احس روحي تطلع من الالم فجأة سجين وتنزرع ببلعومي فاصلا تركت الكلام وصرت اتعامل بالاشارة امي من قهرهة علية سنة وتوفت واني وراهة تدهورت صحتي كلش من البجي وكوة رجعت بالعلاج وبابا تعب خطية من علاجي ومصاريف البيت والمدرسة ووضع البيت التخربط ودوامة الليلي ودوامي الصباحي الي جنت اضطر ابات يم الجوارين وخطية خالة ام احمد هي تبدلي وتريكني وية بناتهة اضافة لمضايقات البنات وكامن ميسمني غير الخرسة رغم المعلمات كلهم يحبوني والمديرة رضت اكمل بسر وقنعت المعلمات لان جنت شاطرة بس احس كرهت الدوام وطار واهسي كلش من القاب البنات الي فتركت المدرسة ورة مااخذت شهادة الخامس ابتدائي كبرت واني الصرت ام البيت جنت اخلي خالة ام احمد تعلمني شاريد فتعلمت طبخ وتنضيف وغسل ملابس عدا الخبز بابا ماقبل يخاف علية صار ابوية هو قبلة حياتي كل عمري نذرتة حتى اخدمة واريحة حتى لو اجتني قسمة زواج جنت ارفض كبل لااعرف اي تفصيل عن المتقدم لان مااريد اعوف بابا وهو خطية جان دائما يزعل ويكلي ما دايملج خليني اتطمن عليج مااريد اموت واني مامأمنج يم رجال يصونج جنت ارفض اسمع كلامة واكول من عمري لعمرة وابلع جرح الناس من يسمعون رفضي هم خرسة وهم تتأمر لعد واذا خرسة قابل مو بشر بس شنسوي لمجتمعنة جان يوكف تعب ابوية بعيني شلون اعوفة وحدة اني لحد هسة انهار لو شفت تعب بابا خصوصا من يرجع من واجب الحراسة مالتة بودي اروح ابمكانة المفروض الي بعمرة مرتاحين وهو ياعيوني ضغط وسكر ويطلع بعز البرد يلزم حراسة دائما افكر لو الله رازقنة باخو ماجان صار النة سند والابوية بس سبحان الله كلة بحكمتة بيوم الي اخذوا بابا تخبلت وضليت املخ بروحي ورحت لخالة ام احمد وتخربطت هناك لان اتخبلت وحاولت انطق من قهري اشرحلهم الصار ويلحكون لبابا وكوة بأبر فولتارين يلا سكن الوجع ومن رجع ردلي روحي وضليت ادعي للضابط الصدكة ووكف وياه لان بهالوكت قليل الناس العندهم رحمة وانسانية وخطية فوك وكفتة اجة ومتسوكلنة والله رحم الله والديه لان اني مااكدر اطلع للسوك وبابا اشوفة تعبان اكيد لان ماينام زين مرت اسبوعين على طلعو بابا من السجن ورجع لدوامة ورة يومين وبيوم رجع من دوامة وجان تعباان كلش ووجهة اصفر توسلت بي يروح للدكتور ماقبل كال انام واكعد زين ونام وكعد العصر كال احسن وتغدةطلع شوية واندكت الباب رحت افتح
يسر:ورة ما مر اسبوعين اجاني اتصال من مهاب يطلب نوفر حماية قانونية توكف ولد عمة لان هم متعرضين لشركتة بالليل وموكفينهم الحراس ومتصلين على مهاب رأسا وجاي هو وخوانة وذولاك شاردين سالتة شلونة ابو رغد
