مشاعر خارج دائرة الصمت

البارت ٣٧

ايسر:كااافي والله شعلتي عشيرتي بدموعج كلة بجي ماكو شي يصير بدون رغبتج وبست راسهة

رغد:مااجذب واكول ما هدأت بحضنة جانت اول مرة يضمني لحضنة محاوطني بايديه وضامني لصدرة شعور افتقدتة من راح ابوية ارتاحيت شوية وهدأت اعصابي استحيت كلت هسة يكول هاي ماعولت ابتعدت منة
ايسر:ها يابة احجي شنو تردين

رغد: جلبت صوتة الصار كوة يطلع من كدما بجيت وكتلة اريد تنطيني وقت اعرف شاريد واعرف نفسي اكثر اتقبل وضعنة

ايسر:كل الوقت الج كتلج مااضغط عليج كد الشعرة ضلي براحتج اتعرفي علية وعرفي طبعي واتعودي عليه اذا حسيتي مرتاحة ذاك الوكت نحجي

رغد:واني مااريد اكثر 😔

ايسر:لا انتي شنو تردين يجرالج اقل او اكثر
رغد:شكرا

ايسر:شلونة الطفل ووضعة
رغد:زين ،هاي الدكتورة مااروحلهة بعد

ايسر:صار بعد طلب ثاني

رغد:شكرا،قمر زينة

ايسر:اي زينة احسن بس كسر رجلهة مأذيهة وتبجي هواي
رغد:حبيبتي شوكت تطلع اريد اشوفهة

ايسر:هاليومين
رغد:ترجع لبيتك وية امهة مااعرف ليش غصيت
بهالسؤال

ايسر:لااا يابة امهة حرمت علية ليوم الدين اصلا طلكتهة بقت بس اجراءات المحكمة
رغد:😲طلكتهة والبنات عبالي فترة وترجعهة
ايسر:العيشة وياهة مستحيلة والبنات ما مقصر منهن ولاراح اقصر منهن

رغد:بس اني مااريد يكولون اني السبب

ايسر:مو انتي السبب اني من ذاتي نابع السبب واعرف شأرد اليحجي يلا اني ارجع للمستشفى محتاجين شي

رغد:لاا😐

ايسر:يلا ديري بالج على نفسج وصحتج في امان الله ،ها ريومة وينج

ريام:هااا وين سويتلك عشا

ايسر:لا ما مشتهي وداعتج اكلت العصر هو غدة هو عشا

ريام:سودة علية اتبهذلتوا شوكت يطلعوهة

ايسر:يومين ان شاء الله وتطلع يلا اني رايح ديربالج على نفسج وعلى رغد
ريام:الله يوفقكم ويهدي النفوس لايظل بالك روح واتطمن كافي ركضتك بين المستشفى وبين دوامك انوب حاير بينة
ايسر: اذا الكم مااتعب المن لعد،اكلج زوجج شوكت يجي

ريام:كال فد ٣ ايام وتوصل شحنة الغراض يستلموهة ويرجع

ايسر:الله يوفقة خوش حتى اخذ رغد قبل ميجي يلا في امان الله طلعت واكو ارتياح بسيط بداخلي انة تركت فكرة تعوفني وانتقلت لمحاولة تريدني وتحبني وجاي تحاول😊

رغد:طلع ايسر واجتي ريام كالت كوومي نتعشى مو وكت نومة الدنيا مغرب ميصير والله كمت وياهة خطية هي حامل كوة تمشي سويت العشا وكعدنة نتعشا وهي تحاول تضحكني وتتشاقة وياية تكولي هسة ابنج مدري بنتج يطلعون يشبهوني اني وخشمي المورم لان مكابلتج وكاعدة

رغد:وشبيج حلوة
ريام:لااااا اذا بنية اريدهة تشبهج حتى احجزهة من هسة نحسن النسل بعيون ملونة وبياض

رغد:هههههه والله اني احب السمار واحسة شي مميز

ريام:ينطي الجوز للماعندة سنون ،اممم من هاية حبيتي يسوري لان اسمراني هممم عرفنة السر

رغد:شركت بالعصير من كالت هيج،بسم الله يمتة حبيتة ريووومة الظاهر نعستي

ريام:والله مبينة وكعتي بيدة منو قبل شوية جان حاضني ويبجي يريد يحبة مادام دتحاولين تحبي معناهة انتي حابة وجودة بحياتج وحابة تكملين وياه

رغد:يجوز مااعرف ومااريد افكر خليهة الامور تمشي مثل ماالله كاتبلهة تعبت واني افكر ارتاح وماجاي الكة غير التعب كمت لميت المواعين وغسلتهن وكعدت عالموبايل اتفرج واتصفح وبالصدفة طلعتلي صفحة حسن ابن خالة زهرة ردت افوت اكتبلة بالي يمهم بس وكفت اتذكرت همة ليش ما سألوا علية ليش نسوني اتذكرت خالة ام احمد كلت لازم اخذ رقمهة من ريام واتصل بيهة كمت اشوف ريام وين وجان تجيني عيطتهة من الحمام ركضت مفزوعة ولكيتهة واكعة وفايضة مي ودم

STORY CONTINUES BELOW

ريام:رغد الحكيلي زلكت وووكعت احس الطفل نزل كلش فدوة ساعديني😭

رغد:انثولت بيدي موبايلي اتصلت على ايسر مرتين ماكو ميرد جبت موبايلهة واتصلت بعمتهة المشكلة بيتهة بعيد شوية تتأخر كتلهة الحكينة للمستشفى ولبست ريام ولبست عالسريع اخذت جنطة للنونو وفلووس وموبايلي وطلعت اشوف تكسي ماكو بالليل تالي ركضت لبيت جيرانهم جانو ولد واكفين ببابهم ديغسلون بسيارة كتلة فدوة اخوية اختي وكعت اريد اخذهة للمستشفى وكفلنة تكسي من الشارع عاد رد مو عيب اختي اصعدي هاي سيارتي جيبيهة بسرعة طلعت ريام كوة تمشي وهي لازمة ايدي وتبجي صعدنة ورة والولد ساق بسرعة للمستشفى

ريام:رغدد راح اموت متأذية كلش

رغد:لا ماكو شي وصلنة والله واحس ارجف كوة مسيطرة على اعصابي بهالاثناء اتصل ايسر

ايسر:الو ها رغد داكة علية جنت ناسي بسيارة
رغد:ايسر ريام زلكت ووكعت ويمكن عندهة ولادة..

الكاتبة ايه.... يتبع